Saturday, June 20, 2009

ပြောက်ကျားနည်းဗျူဟာသို့ ပြောင်းလဲတိုက်ပွဲဝင်သွားမည့် KNLA

လာရီဂျေဂင် ကြာသပတေးနေ့၊ ဇွန်လ 18 2009 20:47 - မြန်မာစံတော်ချိန်
မဲဆောက် (မဇ္ဈိမ)။ ။ အစိုးရတပ်နှင့် သူတို့၏ ပြိုင်ဘက် ပြောက်ကျား တပ်များအကြား အလွန်ပြင်းထန်သော တိုက်ပွဲများ ဖြစ်ပွားပြီးနောက် မြန်မာနိုင်ငံ၏ အကြီးဆုံး တိုင်းရင်းသား လက်နက်ကိုင်တပ်ဖွဲ့သည် ထိုင်း-မြန်မာနယ်စပ်ရှိ ၎င်းတို့၏ အမာခံစခန်းများကို စွန့်ခွာနေရပြီ ဖြစ်သည်။

ကရင်အမျိုးသားအစည်းအရုံး - KNU ၏ လက်နက်ကိုင်တပ်ဖွဲ့ဖြစ်သော ကရင်အမျိုးသား လွတ်မြောက်ရေး တပ်မတော် - KNLA သည် ယခုအခါ မြန်မာနိုင်ငံအရှေ့ပိုင်းရှိ သူတို့၏ အခြေခံစခန်းများကို အသက်ပေါင်းများစွာ စတေး၍ ခုခံကာကွယ်နေသည်ထက် ပြောက်ကျားနည်းဗျူဟာသို့ ပြောင်းလဲတိုက်ပွဲဝင်သွားမည်ဟု KNLA တပ်မှူး ဂျော်နီက ကြာသပတေးနေ့က ပြောသည်။

''ကျနော်တို့ရဲ့ တပ်မဟာ ၇ အခြေခံစခန်းကနေ ဆုတ်ခွာရလို့ ကျနော်တို့ ရှုံးသွားတာ မဟုတ်ပါဘူး။ ဒါ နည်းဗျူဟာအရ ပြန်လည်နေရာယူ တပ်စွဲတာ ဖြစ်ပါတယ်။ ကျနော်တို့က ကိုယ့်ကရင်အချင်းချင်း ဒီစစ်ပွဲမှာ မသတ်ချင်ပါဘူး'' ဟု သူက ပြောသည်။

သို့သော် လေ့လာသုံးသပ်သူ အများအပြားကမူ ယင်းသည် မြန်မာအစိုးရကို လွတ်လပ်ရေးနှင့် ကိုယ်ပိုင်အုပ်ချုပ်ခွင့်အတွက် နှစ်ပေါင်း ၆၀ မျှ တိုက်ပွဲဝင်လာခဲ့သော KNLA အတွက် နိဂုံး၏ နိဒါန်းဖြစ်နိုင်ကြောင်း ပြောဆိုနေကြသည်။

မည်သို့ပင်ဖြစ်စေ KNU နှင့် KNLA ခေါင်းဆောင်များကမူ တိုက်ပွဲ အဆုံးသတ်သွားရန် အဝေးကြီး လိုသေးကြောင်း ပြောကြသည်။

''ကျနော်တို့ နောက်ဆုံး ခါးသီးတဲ့ အဆုံးသတ်ထိ တိုက်ပွဲဝင်သွားမယ်။ ကျနော်တို့မှာ တခြား ရွေးချယ်စရာလမ်း မရှိဘူး။ ဆက်တိုက်ရမှာပဲ။ နယ်မြေအစိတ်အပိုင်းတိုင်းကို ဆက်ထိန်းသွားမယ်'' ဟု KNU ပြောရေးဆိုခွင့်ရှိသူ ဒေးဗစ်သာကပေါက မဇ္ဈိမကို ပြောသည်။

''ဘာတွေ အန္တရာယ်ကျရောက်တော့မယ်ဆိုတာ ကျနော်တို့ သိတယ်။ ကျနော်တို့သာ ဆက်မခုခံရင် မြန်မာစစ်တပ်က လူ့အခွင့်အရေး ချိုးဖောက်မှုတွေ ဆက်ကျူးလွန်မယ်၊ ကျနော်တို့ နယ်မြေတွေကို သိမ်းမယ်၊ ကျနော်တို့သယံဇာတတွေကို ထိန်းချုပ်ထားမယ်'' ဟု သူက ဆက်ပြောသည်။

မြန်မာစစ်တပ်က ကရင်လက်နက်ကိုင်များအပေါ် တိုက်ခိုက်မှုများ တိုးမြှင့်ပြုလုပ်လာသည့်အတွက် တိုင်းရင်းသား ကရင်ရွာသူရွာသား ထောင်ပေါင်းများစွာသည် လွန်ခဲ့သော ရက်သတ္တပတ်အနည်းငယ်က နယ်စပ်ဖြတ်ကျော်ကာ ထိုင်းနိုင်ငံအတွင်းသို့ ထွက်ပြေးခိုလှုံခဲ့ကြရသည်။

မြန်မာစစ်တပ်က ထိုင်းနယ်စပ်အနီး စိန်ပြောင်းများဖြင့် ဆက်တိုက်ပစ်ခတ်နေခြင်း၊ ပြင်းထန်သော တိုက်ပွဲများ ဖြစ်ပွားနေခြင်းတို့ကြောင့် တိုင်းရင်းသား ကရင်ကျေးရွာသား ၄၀၀၀ ကျော်သည် သူတို့၏ လုံခြုံမှုအတွက် ထွက်ပြေးလာခဲ့ကြရသည်ဟု ဒေသတွင်းရှိ အကူအညီပေးရေး လုပ်သားများ၏ အပြောအရ သိရသည်။

လွန်ခဲ့သော နှစ်ပတ်က မြန်မာစစ်တပ်နှင့် အစိုးရအား ထောက်ခံသော တပ်ဖွဲ့ဖြစ်သည့် ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော် - DKBA တို့သည် KNLA ကို အပြီးသတ်ဖျက်ဆီးရန် နောက်ဆုံး ကြိုးပမ်းသည့်အနေဖြင့် ထိုင်းနယ်စပ်တနေရာတွင် အဓိက ထိုးစစ်ဆင်တိုက်ခိုက်မှုကြီးတရပ် ပြုလုပ်ခဲ့သည်။

လွန်ခဲ့သော ရက်အနည်းငယ်အတွင်း မြန်မာစစ်တပ်သည် KNU ၏ လက်နက်ကိုင်တပ်ဖွဲ့ဖြစ်သော KNLA ကို ထိုးစစ်အရှိန်မြှင့် ပြုလုပ်ခဲ့ရာ ယင်း၏ အားအကောင်းဆုံး တပ်ဖွဲ့ဖြစ်သော တပ်မဟာ ၇ ကို အဓိကထား တိုက်ခိုက်ခဲ့သည်။

ဤသို့ ဘက်ပေါင်းစုံမှ ထိုးစစ်ဆင်လာသည်ကို တပ်မဟာ ၇ သည် ရက်သတ္တပတ်ပေါင်းများစွာ ပြန်၍ ခုခံတိုက်ခိုက်နိုင်ခဲ့သည်။ သို့သော် ယခုအခါ မဟာဗျူဟာဆက်ဆံရေးမှာ ပြောင်းလဲသွားရတော့မလို ဖြစ်နေသည်။ ''ကျနော်တို့ ကျနော်တို့နယ်မြေကို ထိန်းမထားနိုင်တော့ဘူးဆိုရင် ခွာပေးရမှာပဲ။ မလိုအပ်ဘဲ ကျနော်တို့ရဲဘော်တွေ အသေမခံနိုင်ဘူး'' ဟု သာကပေါက အလေးပေးပြောကြားသည်။

ယခုရက်သတ္တပတ်ကုန်တွင် ကရင်ပြည်နယ်မြို့တော် ဘားအံမှ နောက်ထပ် အင်အား ၃၀၀ ကို DKBA တပ်ဖွဲ့များက ခေါ်ယူ အင်အား ဖြည့်တင်းထားသည်။ ယခုလောလောဆယ် မြန်မာစစ်တပ်နှင့် တွဲတိုက်နေသော DKBA တပ်ဖွဲ့အင်အားမှာ ၆၀၀ ရှိသည်ဟု မြန်မာနိုင်ငံတွင်းရှိ ကရင် သတင်းရပ်ကွက်များက ပြောသည်။

''KNLA ကို အခြေပြုတ်သွားအောင် နှစ်ဖက်ညှပ်တိုက်ဖို့ သူတို့ ရည်ရွယ်တာ'' ဟု အမည်မဖော်လိုသူ ထိုင်းစစ်ထောက်လှမ်းရေး အရာရှိတဦးက မဇ္ဈိမကို ပြောသည်။ ''ဒီတိုက်ပွဲထဲမှာ ဝင်တိုက်နေတာ မြန်မာစစ်တပ်က တပ်ရင်း ၆ ရင်း ရှိတယ်။ အင်အား ၂၀၀၀ လောက်က တဝက်စီခွဲပြီး တပ်မဟာ ၇ နယ်မြေရဲ့ မြောက်ဘက်စွန်းနဲ့ တောင်ဘက်စွန်းကနေ တိုက်နေတာ'' ဟု သူက ဆိုသည်။

''ဒါပေမဲ့ အင်အား ၉၀၀ ရှိတဲ့ DKBA တပ်ဖွဲ့က ဒီတိုက်ပွဲမှာ အခံရဆုံးပဲ။ သူတို့က ရှေ့ကနေ ဦးဆောင်တိုက်ရတာ။ ဗမာစစ်တပ်က တဖက်တချက်က ထောက်ပို့ အကူအညီပဲ ပေးတာ'' ဟု သူက ဆက်ပြောသည်။

တပ်မဟာ ၇ သည် KNLA ၏ အင်အားအကြီးမားဆုံးနှင့် လေ့ကျင့်မှု အကောင်းဆုံးတပ် ဖြစ်သည်။ ပို၍ အရေးပါသည်မှာ KNLA တောင်ပိုင်းနှင့် မြောက်ပိုင်းတပ်ဖွဲ့များအကြား ရှည်လျား၍ မဟာဗျူဟာကျသော နယ်မြေကို ထိန်းထားသည့် တပ်ဖြစ်နေခြင်း ဖြစ်သည်။

ယခု သူတို့ဆုတ်ခွာသွားရလျှင် အခြား ကရင်အမာခံနယ်မြေ နှစ်ခုမှာ တသီးတခြားစီ အဖြတ်ခံထားလိုက်ရမည်ဖြစ်ပြီး အလွယ်တကူ အဝိုင်းခံရမည့် အန္တရာယ်ရှိနေသည်ဟု ဒေသတွင်းရှိ စစ်ရေးလေ့လာသူများက ပြောသည်။

KNU သည် လွတ်လပ်ရေးအတွက် မြန်မာနိုင်ငံအရှေ့ဘက် တောင်ကုန်းများပေါ်တွင် တိုက်ခိုက်နေသော အဖွဲ့ဖြစ်ပြီး ကမ္ဘာ့သက်တမ်းအရှည်ဆုံး တိုင်းရင်းသား လက်နက်ကိုင်တပ်ဖွဲ့ ဖြစ်သည်။ စစ်အစိုးရနှင့် ငြိမ်းချမ်းရေးစာချုပ် မချုပ်ဆိုရသေးသည့် လက်တဆုပ်စာမျှသာ ကျန်သော လက်နက်ကိုင်တပ်ဖွဲ့များအနက် တခုဖြစ်သည်။

''စစ်အစိုးရက DKBA ရဲ့ အကူအညီနဲ့ နယ်စပ်တလျှောက်ကို KNU လက်ထဲကနေ လုယူပြီး ထိန်းချုပ်နိုင်တော့မှာက သံသယ ဖြစ်စရာ မရှိပါဘူး'' ဟု မြန်မာ့စစ်ရေးကျွမ်းကျင်သူ ဦးဝင်းမင်းက မဇ္ဈိမကို ပြောသည်။

ဤသို့ KNLA ကို တိုက်ခိုက်သည့် စစ်ရေးလှုပ်ရှားမှုအသစ်များ ဖြစ်ပေါ်လာရခြင်းသည် စစ်အစိုးရက နောက်နှစ်တွင် ကျင်းပရန် စီစဉ်ထားသည့် ရွေးကောက်ပွဲများကြောင့်နှင့် နယ်စပ်တလျှောက် ထားရှိမည့် နယ်ခြားစောင့်တပ်ဖွဲ့များကြောင့် ဖြစ်သည်။ အဆိုပါ နယ်ခြားစောင့်တပ်ဖွဲ့များကို စစ်အစိုးရနှင့် ငြိမ်းချမ်းရေး ရယူထားသည့် တိုင်းရင်းသား အပစ်ရပ်အဖွဲ့များကို လက်နက်ဖြုတ်ပြီး ဖွဲ့စည်းမည် ဖြစ်သည်။

သို့သော် စစ်အစိုးရ၏ အစီအစဉ်ကို တိုင်းရင်းသားအဖွဲ့ အများစုက ပယ်ချထားကြပြီး၊ DKBA ကမူ ထိုသို့ နယ်ခြားစောင့်တပ်ဖွဲ့အဖြစ် အသွင်ပြောင်းလဲရန် မူအားဖြင့် သဘောတူထားပြီးဖြစ်သည်။

KNLA လှုပ်ရှားနယ်မြေဖြစ်သော ထိုင်းနယ်စပ်တလျှောက် တပ်စခန်း ၁၀၀ အနက် ၃၀ ခန့်ကို မြန်မာစစ်တပ်က DKBA သို့ လွှဲမပေးမီ လွန်ခဲ့သော လအနည်းငယ်အတွင်း ပိတ်ပစ်နိုင်ခဲ့ပြီဖြစ်ကြောင်းဖြင့် မြန်မာနိုင်ငံအတွင်း လှုပ်ရှားနေသော ဖရီးဘားမားရိန်းဂျားအဖွဲ့က ပြောသည်။

''သူတို့က KNU ကို အပြတ်ရှင်းပစ်ချင်တာ။ ဘာလို့လဲဆိုတော့ ကျနော်တို့က ကရင်တွေအားလုံး ရွေးကောက်ပွဲကို သပိတ်မှောက်ဖို့ ပြောတာကိုး'' ဟု သာကပေါက ခန့်မှန်းပြောဆိုသည်။ ''သူတို့ မလိုချင်ဆုံးက တိုင်းရင်းသား အဖွဲ့အစည်းတွေအားလုံး ကျနော်တို့ ခေါင်းဆောင်မှုနောက်ကို ပါသွားမှာကိုပဲ'' ဟု သူက ဆိုသည်။

နောက် ရက်အနည်းငယ်အတွင်း မြန်မာစစ်တပ်က သူတို့၏ စစ်ဆင်ရေးကို အရှိန်မြှင့် ပြုလုပ်လာနိုင်သဖြင့် မြန်မာနိုင်ငံ နယ်စပ်တလျှောက်ရှိ ကျေးရွာသားများမှာ နောက်ထပ်စစ်ပွဲများ ဖြစ်လာမှာကိုနှင့် အမြောက်ကျည်များ ကျလာမည့်အရေး ပူပန်နေကြရသည်။

တိုက်ပွဲများ ဆက်လက်ဖြစ်ပွားနေလျှင် ကရင်ဒုက္ခသည်များ လုံခြုံရာထိုင်းဘက်ခြမ်းသို့ ထွက်ပြေးခိုလှုံလာရမည်မှာ သေချာပေါက်ပင် ဖြစ်သည်။ ယခုထိ စစ်ဆင်ရေးနယ်မြေအတွင်းရှိ ကျေးရွာပေါင်း ၇ ရွာမှ ဒုက္ခသည်များ ထွက်ပြေး ခိုလှုံလာခဲ့ပြီး ဖြစ်သည်။ သို့သော် လက်ရှိ တိုက်ခိုက်မှုများအတွင်း ကျရောက်၍ ဘေးအန္တရာယ် ရှိနေသော ကျေးရွာပေါင်းမှာ ၄၀ ကျော် ရှိသည်။

''တိုက်ပွဲတွေသာ ဆက်ဖြစ်ရင် အနည်းဆုံး ရွာသား ၈၀၀၀ ကျော် နယ်စပ်ဖြတ်ပြီး ပြေးလာရဦးမှာပဲ။ ဒါမှမဟုတ်ရင် စစ်သားတွေလက်ထဲမှာ သေမှာပဲ'' ဟု KNU အထွေထွေအတွင်းရေးမှူး နော်စီဖိုးရာစိန်က မဇ္ဈိမကို ပြောသည်။

Rest of your post

ဆက်ဖတ်မယ်ဆိုရင်....

အရည်အချင်းပြည့်ဝသော ခေါင်းဆောင်ဟူသည် ကျား-မ မခွဲ မည်သူမဆို ဦးညွတ်ရန်အသင့်

ဒေါ်အောင်ဆန်းစုကြည် ခေါင်းဆောင်မှု တိုင်းရင်းသားခေါင်းဆောင်များ ယုံကြည်Friday, 19 June 2009 17:02 ကိုထွေး
မြန်မာ့နိုင်ငံရေးတွင် ဒေါ်အောင်ဆန်းစုကြည်၏ ခေါင်းဆောင်မှုကို ယခု အချိန်အထိ ယုံကြည်လျက် ရှိကြောင်း တိုင်းရင်းသား ခေါင်းဆောင်များက သူမ၏ ၆၄နှစ်ပြည့် မွေးနေ့ အခါသမယတွင် ပြောကြားလိုက်သည်။

မွန်အမျိုးသား ဒီမိုကရေစီ အဖွဲ့(MNDF) ဒု ဥက္ကဌ ( ၁ ) နိုင်ငွေသိမ်းက“မွန်တိုင်းရင်းသား တယောက်အနေနဲ့ သူရဲ့ခေါင်းဆောင်မှုကို အပြည့်အ၀ယုံကြည်ပါတယ်၊ အမျိုးသားပြန်လည်သင့် မြတ်ရေးနဲ့ တိုင်းရင်းသား စည်းလုံး ညီညွှတ်ရေးအတွက် တိုင်းရင်းသားလူမျိုးတွေအပေါ်မှာ သာတူညီမျှရမယ်ဆိုတဲ့ သဘောထားက သူ့ဆီမှာ ရှိပါ တယ်”ဟု ဧရာဝတီသို့ပြောသည်။

ဒေါ်အောင်ဆန်းစုကြည်သည် တိုင်းရင်းသားတို့၏ လိုလားချက်များကို သိရှိရန်အတွက် ပြည်ထောင်စု တိုင်းရင်း သားခေါင်းဆောင်များနှင့် တွေဆုံ ဆွေးနွေးပွဲများကို အကြိမ်ကြိမ် ပြုလုပ်ခဲ့ကြောင်း၊ ယင်းဆွေးနွေးပွဲတွင် ပင်လုံ ညီလာခံကဲ့သို့ ညီလာခံတခု ကျင်းပပြီး ဌာနခွဲဝေမှုကို ပြန်လည် စိစစ်၍ ပြေပြေလည်လည် လုပ်ဆောင်ပါက တိုင်းရင်းသား ညီညွှတ်ရေးရမည်ဖြစ်ကြောင်း ဒေါ်အောင်ဆန်းစုကြည်က ပြောသည့်အတွက် ပူးပေါင်း ဆောင် ရွက်ခဲ့ခြင်း ဖြစ်ကြောင်း ၎င်းက ပြောဆိုသည်။

ရခိုင် ဒီမိုကရေစီအဖွဲ့ချုပ် အတွင်းရေးမှူး ဦးအေးသာအောင်က“တိုင်းရင်းသားတွေရဲ့ လိုလားခံစားချက်ကို သူက နားလည်တယ်၊ တိုင်းရင်းသား တွေနဲ့ ညှိနှိုင်း ဆွေးနွေးပြီးတော ပြည်ထောင်စုနိုင်ငံ ထူထောင်ရမယ်ဆိုတာ ပြောလည်း ပြောတယ် ယုံလည်း ယုံကြည် တယ်၊ တိုင်းရင်သားတွေကို စည်းရုံးဖို့ သက်သက် မဟုတ်ဘဲ ပကတိ အခြေအနေက တကယ်ကို ရှိနေတယ်ဆို တာကို သူလက်ခံထားတယ်”ဟု ပြောသည်။

ဦးအေးသာအောင်သည် ပြည်သူ့လွှတ်တော်ကိုယ်စားပြု ကော်မတီ (CRPP) ၏ အတွင်းရေးမှူး တဦးလည်း ဖြစ်သည်။

တိုင်းရင်းသားများ၏ ပြဿနာကို ဖြေရှင်းရာတွင် တိုင်းရင်းသားများနှင့် ရင်းရင်းနှီးနှီး နားလည်မှုရှိရှိ လက်တွဲကာ လက်တွေ့လုပ်ဆောင်ရမည် ဆိုသောသဘောတရားအရ တိုင်းရင်းသား ခေါင်းဆောင်များနှင့် အချိ်န်မရွေး ဆွေးနွေးကြောင်း၊ ဒေါ်အောင်ဆန်းစုကြည်ကို ဗမာခေါင်းဆောင်တဦးအဖြစ် ပြောဆိုခြင်းထက် တိုင်းပြည်၏ တကယ့် ခေါင်းဆောင်ကောင်းတဦးအဖြစ်မြင်ကြောင်း ၎င်းက ဆိုသည်။

“သူက တခြား နိုင်ငံရေးသမားများနဲ့မတူထူးခြားတာက ရင်ထဲကမပါဘဲ ဟန်ဆောင် စည်းရုံးရေး သက်သက် ပြောဆိုခြင်း မရှိဘူး၊ ယုံယုံကြည်ကြည် မှန်မှန်ကန်ကန်နဲ့ တိုင်းရင်းသားများ အပါအ၀င် တခြားသော နိုင်ငံရေး ပါတီများကိုပါ ဆက်ဆံတာ တွေ့ရတယ်”ဟု ၎င်းက ဆက်လက် ပြောဆိုသည်။

၁၉၈၉ ခုနှစ် အာဇာနည်နေ့ မတိုင်မီ အစည်းအဝေးတွင် စစ်အစိုးရ၏ တားမြစ်ချက်ကို ဆန့််ကျင်၍ အာဇာနည် ဗိမာန်သို့ ချီတက်ရေးနှင့်ပတ်သက်၍ ဆွေးနွေးရာတွင် ဗိုလ်ချုပ်ဓာတ်ပုံကိုရှေ့မှ ကိုင်ဆောင်ကာ အလံကိုင် အဖွဲ့၏နောက်တွင် တိုင်းရင်းသားပေါင်းစုံဝန်းရံ၍ ချီတက်ရန် ဒေါ်အောင်ဆန်းစုကြည်က ဆုံးဖြတ်ခဲ့ကြောင်း ဦးအေးသာအောင် က ပြောပြသည်။
ကရင်အမျိုးသားအစည်းအရုံး(KNU)၏ အထွေထွေအတွင်းရေးမှူး နော်စီဖိုးရာစိန်က“ဒေါ်အောင်ဆန်းစုကြည်ဟာ မြန်မာနိုင်ငံရဲ့နိုင်ငံရေးအပြာင်းအလဲဖြစ်ဖို့အတွက် အရေးကြီးတဲ့ပုဂ္ဂိုလ်တဦးဖြစ်တယ်၊ နိုင်ငံရေးပြဿနာကို ဖြေ ရှင်း ဖို့အတွက် ဒေါ်အောင်ဆန်းစုကြည်ကို အမြန်ဆုံးလွှတ်ပေးသင့်တယ်”ဟုပြောသည်။

နိုင်ငံရေးပြဿနာကို ဖြေရှင်းရာတွင် ဒေါ်အောင်ဆန်းစုကြည်သည် မရှိမဖြစ်လိုအပ်ကြောင်း၊ ဒေါ်အောင်ဆန်း စုကြည်ကို ဖမ်းဆီးချုပ်နှောင်ပြီး ထောင်ချရန် ကြိုးစားနေသော စစ်အစိုးရသည် ကြီးမားသည့် အပြစ်တခုကို ကျူးလွန်နေခြင်းဖြစ်ကြောင်း နော်စီဖိုးရာစိန်က ပြောသည်။

ဒေါ်အောင်ဆန်းစုကြည်သည် တိုင်းရင်းသားစည်းလုံး ညီညွတ်ရေးအတွက်သာမက ပိုမို ပြည့်ဝသော နိုင်ငံသူ နိုင်ငံသားများ ဖြစ်လာရေးအတွက် တိုင်းရင်းသားများ၏ ယဉ်ကျေးမှုနှင့် ဘာသာစကားများကို နှီးနှော ဖလှယ် နိုင်သည့် အဆင့်ရောက်ရန် လေးစားစွာလေ့လာသင့်ကြောင်း သူမ၏ မိန့်ခွန်းတခုတွင် ပြောကြားခဲ့သည်။

ဒေါ်အောင်ဆန်းစုကြည်၏ ဖခင် ဗိုလ်ချုပ်အောင်ဆန်းသည်လည်း တိုင်းရင်းသားစည်းလုံးညီညွတ်ရေးအတွက်
နေ့မအားညမနား ကြိုးပမ်း ဆောင်ရွက်ခဲ့သူ ဖြစ်သည်။

မြန်မာပြည်အနှံ့ တိုင်းရင်းသားလူမျိုးများက ဗိုလ်ချုပ်အောင်ဆန်းကို လေးစားချစ်ခင်ပြီး မြန်မာပြည် လွတ်လပ် ရေးလှုပ်ရှားမှုအတွက် အားကိုးအားထား ပြုခဲ့ကြသည်။

ဒေါ်အောင်ဆန်းစုကြည်သည်လည်း သူ့ဖခင်နည်းတူ တိုင်းရင်းသားလူမျိုးများ၏ လေးစား၊ ချစ်ခင်၊ အားကိုးခြင်းကို ခံရသူ ဖြစ်သည်။

ဒေါ်အောင်ဆန်းစုကြည်သည် ဒီမိုကရေစီအရေး လှုပ်ရှားမှု အစပိုင်း ၁၉၈၈၊ ၁၉၈၉ ခုနှစ်များနှင့် ၂၀၀၃ ခုနှစ် တို့တွင် မြန်မာပြည်အနှံ့ ခရီးထွက်ခဲ့ရာ တိုင်းရင်းသားများ၏ ဒေသများသို့လည်း ရောက်ရှိခဲ့သည်။ ဒေသခံ တိုင်းရင်းသားများက စစ်အာဏာပိုင်တို့၏ ခြိမ်းခြောက် ဟန့်တားမှုများ ကြားမှပင် ဒေါ်အောင်ဆန်းစုကြည်ကို သောင်းသောင်းဖြဖြ ကြိုဆိုခဲ့သည်ကို တွေ့ရသည်။

ယနေ့တွင် ကျရောက်သော ဒေါ်အောင်ဆန်းစုကြည်၏ ၆၄ နှစ် မြောက်မွေးနေ့ပွဲကို ကမ္ဘာတ၀န်းလုံးရှိ ဒေါ်အောင်ဆန်းစုကြည်ကို လေးစားချစ်ခင်ကြသူများက ကျင်းပလျက်ရှိကြသည်။

ဒေါ်အောင်ဆန်းစုကြည်ကို ၎င်း၏ အိမ်သို့ တိတ်တဆိတ် ဝင်ရောက်ခဲ့သော ဂျွန် ၀ီလျံ ယက်ထော အမှုနှင့် ပတ်သက်ပြီး အာဏာပိုင်များက မေလ ၁၄ ရက်နေ့ နံနက်ပိုင်းတွင် အကျယ်ချုပ်ထားရာနေအိမ်မှ အင်းစိန် အကျဉ်းထောင်သို့ ခေါ်ဆောင်၍ တားဆီးမိန့် ပုဒ်မ ၂၂ ဖြင့် အမှုဖွင့် တရားစွဲဆိုလိုက်ကာ မေလ ၁၈ ရက်နေ့မှ စတင်၍ ဆက်တိုက် စစ်ဆေးခဲ့သည်။

ဒေါ်အောင်ဆန်းစုကြည်သည် ပုဒ်မ ၂၂ အရ ပြစ်မှု ထင်ရှားပါက ထောင်ဒဏ် ၃ နှစ်မှ ၅ နှစ်အထိ ကျခံရနိုင် ကြောင်း သိရသည်။

အဆိုပါ ဂျွန် ၀ီလျံ ယက်ထော(Mr. John William Yettaw)သည် အင်းလျားကန်စောင်းရှိ ဒေါ်အောင်ဆန်း စုကြည် ၏ နေအိမ်သို့ ရေကူး၍သွားရောက်ကာ မေလ ၃ ရက် မှ ၅ ရက်နေ့အထိ ၃ ရက်ကြာနေထိုင်ခဲ့ပြီး မေလ ၆ ရက် နေ့တွင် အင်းလျားကန် အတွင်း ၌ ၎င်းအား တွေ့ရှိရသဖြင့် ဖမ်းဆီးခဲ့ကြောင်း မေလ ၇ ရက်နေ့ထုတ် စစ်အစိုးရ သတင်းစာများတွင် ဖော်ပြထားသည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်းဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ်ကျော်ပြီ ဖြစ်သည်။

Rest of your post

ဆက်ဖတ်မယ်ဆိုရင်....

အရည်အချင်းနဲ့ ပြည့်စုံမှ

ပုံကိုနှိပ် အကြီးပေါ်မယ်

ဆက်ဖတ်မယ်ဆိုရင်....

လေဒီယိုနားထောင်မရ ၊ ဖုန်းကိုင်မရ အင်း...... ဗမာပြည်

နစကမှ ဘင်္ဂလာ လက်ကိုင်ဖုံး ကိုင်ဆောင်သူများကို လိုက်လံရှာဖွေ 6/19/2009
ပြည်တွင်းထဲမှ သတင်းများ ပြည်ပ သတင်းဌာများသို့ နေ့စဉ် ရက်ဆက် ဆိုသလို ပေါက်ကြားနေသဖြင့် ယနေ့နံနက်မှ စတင်ပြီး မောင်တောမြို့တွင် ဘင်္ဂလာဒေခ်ျ့ လက်ကိုင်ဖုံး ကိုင်ဆောင်သူများကို ဖမ်းဆီးရန်အတွက် နစက တပ်ဖွဲ့ဝင်များမှ အပူတပြင်း လိုက်လံ ရှာဖွေနေသည်ဟု သိရသည်။


အမည်မဖေါ်လိုသူ တဦးက “သူတို့က ဒီကနေ့ နံနက်စပြီး ဘင်္ဂလာဒေခ်ျ့ လက်ကိုင်ဖုံး ကိုင်ဆောင်သူတွေကိ်ု ဖမ်းဆီးမယ် ဆိုပြီး ညွန်ကြားချက် ထုတ်လိုက်တယ်လို့ သိရပါတယ်။ အတွင်းက လာတဲ့ ခိုင်လုံတဲ့ သတင်းအရ နစက သတင်းပေးတွေကို နေရာ အနှံ့မှာ ချထားပြီး လက်ကိုင်ဖုံး သုံးသူတွေကို လိုက်လံ စုံစမ်းနေတယ်လို့ သိရပါတယ်” ဟု ပြောသည်။

မြန်မာ-ဘင်္ဂလာနယ်စပ် တလျှောက်တွင် မြန်မာ ပြည်သူများ အနေဖြင့် ဈေးဈေးပေါပေါဖြင့် ရရှိသော ဘင်္ဂလာဒေခ်ျ့မှ လက်ကိုင်ဖုံးများကို ၀ယ်ယူပြီး မြန်မာ နယ်စပ် တလျှောက်တွင် တွင်တွင် ကျယ်ကျယ် အသုံး ပြုနေကြသည်။

ထိုသို့ ဘင်္ဂလာ လက်ကိုင်ဖုံးများကြောင့် ဆက်သွယ်ရေး လွယ်ကူ နေသဖြင့် မြန်မာနိင်ငံ အနောက်ဘက် ဒေသတွင် ဖြစ်ပျက်နေသော သတင်းများမှာ ပြည်ပ သတင်းဌာနများသို့ ချက်ချင်း ရောက်ရှိ သွားသည်ဟု သိရသည်။

“ကျွန်တော်တို့ သိရသလောက် ဆိုရင် တချို့ သတင်းတွေကျရင် မောင်တော အာဏာပိုင်တွေက မသိသေးဘူး။ နေပြည်တော်က အာဏာပိုင်တွေက ပြည်ပ သတင်း မီဒီယာတွေကတဆင့် သိသွားပြီ။ ဒီကို လှမ်းမေးတော့ တခါတခါ မောင်တောက တာဝန်ရှိသူတွေက မဖြေနိုင်တော့ လှမ်းအဆူ ခံရတယ်လို့လည်း ကြားသိရပါတယ်” ဟု ပြောသည်။

ယခုကဲ့သို့ ဘင်္ဂလာ လက်ကိုင်ဖုံးများကြောင့် အာဏာပိုင်များ၏ လာဒ်ပေး လာဒ်ယူမူများမှ အစ လူ့အခွင့်အရေး ချိုးဖေါက်မူ သတင်းများကို ပြည်ပ သတင်းဌာနများက အချိန်မှီ ရရှိသွား သဖြင့် မောင်တောခရိုင် အထက် အာဏာပိုင်များက အဆို လက်ကိုင်ဖုံးများကို ပြင်းပြင်းထန်ထန် နှိမ်နှင်းလိုနေသည်ဟု သိရသည်။

သို့သော် အောက်ခြေအဆင့် ၀န်ထမ်းများမှ လက်ကိုင်ဖုံးများကို ဖမ်းဆီးရမိတိုင်း အထက်သို့ မတင်ပြဘဲ ပိုင်ရှင်များထံမှ ငွေညစ်တောင်းခံလေ့ ရှိသဖြင့် အဆိုပါ လက်ကို်င်ဖုံး နှိမ်နှင်းရေးမှာ မအောင် မမြင် ဖြစ်နေရသည်ဟု သိရသည်။

Rest of your post

ဆက်ဖတ်မယ်ဆိုရင်....

ရှေးရိုး လေးမပယ်နိုင် ဒီလိုလေးဘဲ လုပ်စားနေတာကြာပေါ့

မူးယစ်တိုက်ဖျက်ရေးနေ့ အကြောင်းပြ အပစ်ရပ်များအပေါ် နည်းဗျူဟာစစ်ဆင်ရန် စစ်တိုင်းမှူးများ တွေ့ဆုံ
ကြာသပတေးနေ့၊ 18 ဇွန်လ 2009 သျှမ်းသံတော်ဆင့်
ဂျွန် ၂၆ ကမ္ဘာ့မူးယစ် တိုက်ဖျက်ရေးနေ့အတွက် ပြင်ဆင်ရန် နှင့် သျှမ်းပြည်တွင်း အပစ်ရပ်များ အပေါ်နည်းဗျူဟာစစ်ဆင် ရေး အသစ်ဖြင့်ချုပ်ကိုင်နိုင်ရန် စစ်တိုင်းမှူး ၃ ယောက် ကျိုင်းတုံမြို့၌ တွေ့ဆုံခဲ့ကြသည်ဟု ကျိုင်းတုံစစ်တိုင်းရုံးအသိုင်း အ၀ိုင်း နှင့် နီးစပ်သတင်းရပ်ကွက် က သိုးသိုးသန့်သန့်ကြားရသည်ဟု ဆိုသည်။


လားရှိုးအခြေစိုက် ရမခ တိုင်းမှူး ဗိုလ်ချုပ်အောင်သန်းထွဋ်၊ တောင်ကြီးအခြေစိုက် ရပခ တိုင်းမှူး ဗိုလ်ချုပ်ရာပြည့် နှင့် ကျိုင်းတုံအခြေစိုက် တြိဂံတိုင်းမှူး ဗိုလ်ချုပ်ကျော်ဖြိုးတို့ တွေ့ဆုံဆွေးနွေးပြီး ကမ္ဘာ့မူးယစ်တိုက်ဖျက်ရေးနေ့အကြို ကျိုင်းတုံ တွင် မူးယစ်ဆေးဝါးမီးရှို့ပွဲတော်ကျင်းပပြရန် နှင့် အပစ်ရပ်အဖွဲ့ဆိုင်ရာကိစ္စရပ်များပါ ဆွေးနွေးကြရန် ဖြစ်နိုင်ချေရှိသည်ဟု အတည့်မပြုနိုင်သေးသော သတင်းအဖြစ် အဆိုပါသတင်းရပ်ကွက်က ဆိုသည်။
[စစ်အစိုးရ မူးယစ်ဆေးဝါး မီးရှို့ပွဲ (ဓါတ်ပုံ - imageshack.us )]

စစ်အစိုးရ မူးယစ်ဆေးဝါး မီးရှို့ပွဲ (ဓါတ်ပုံ - imageshack.us )

“လားရှိုးတိုင်းမှူးဗိုလ်ချုပ်အောင်သန်းထွဋ်ကိုယ်တိုင် တာချီလိတ်အထိလာသလိုလိုကြားရတယ်။ ၁၇ ရက်နေ့မွန်းလွဲပိုင်း မှာဘဲ တာချီလိတ်ကနေ ပုလိပ် နဲ့ စစ်သားဆယ်ယောက်ကျော်ပါတဲ့ မှန်လုံကား ၁ စီး၊ ဖိုးဝှီး ၁ စီး အပြင် ချောကား ၂ စီး နဲ့ -တာချီလိတ်ခရိုင်/မြို့နယ်ထဲ ဖမ်းဆီးစုဆောင်းထားတဲ့ မူးယစ်ဆေးဝါးပစ္စည်းတွေ ကျိုင်းတုံကို သယ်သွားပြီးပြီလို့ ပြောတယ်” - ဟု တာချီလိတ်ရောက် ကျိုင်းတုံဒေသခံတဦးက ပြောပါသည်။

အဆိုပါသတင်းနှင့် ပတ်သက်၍ သျှမ်းသံတော်ဆင့်မှသီးခြားအတည်မပြုနိုင်သေးသော်လည်း အမည်မဖေါ်လိုသည့် ထိုင်းနယ် စပ်လုံခြုံရေးအရာရှိတဦးက- “အဲ ဒီသတင်းကျနော်တို့ကြားရတာ ၂-၃ ရက်ရှိပြီ၊ ကျနော်တို့ဆီ အကြောင်းကြား ဖိတ်ကြား လာတာတော့ မရှိသေးဘူး၊ ဘန်ကောက်ကို တိုက်ရိုက် အကြောင်းကြား ဖိတ်ခေါ်မလားတော့မသိဘူး” - ဟုဆို၏။

ဂျွန်လ ၂၆ ရက် ကမ္ဘာ့မူးယစ်ဆေးဝါးတိုက်ဖျက်ရေးနေ့ အကြိမူးယစ်ဆေးဝါးမီးရှို့ပွဲကို စစ်အစိုးရက နာမည်ကောင်း အမှတ်ရ ရေးအတွက် နှစ်စဉ်နှစ်တိုင်း ပြင်ဆင်ပြသလေ့ရှိသည်ဟု လေ့လာသူများက ပြောဆို၏။

ယခုလည်း အပစ်ရပ်အဖွဲ့များအပေါ်မူးယစ်ဆေးဝါးဖြင့် အပြစ်ဖို့ ပုံချနိုင်မည့်နည်းလမ်းများရှာရန်နှင့် ဒေါ်အောင်ဆန်းစုကြည် အမှု ကမ္ဘာထိပ်တန်းသတင်းဖြစ်နေမှုအပေါ် အာရုံပြောင်းရန် ကျိုင်းတုံတွင်ပြု လုပ်ခြင်းဖြစ် နိုင်သည်ဟု သျှမ်းပြည် မူးယစ်ဆေး ၀ါး စောင့်ကြည့် လေ့လာရေးအဖွဲ့က သုံးသပ်ပြော ဆိုပါသည်။

Rest of your post

ဆက်ဖတ်မယ်ဆိုရင်....

လူသတ်အစိုးရ လုံခြုံရေးအတွက် ဗမာပြည် ခြံစီးရိုးဘယ်သူစောင့်မလဲ

ဘယ်သူတွေ နယ်ခြားစောင့်ကြမလဲ မင်းချမ်း(ဘဝတက္ကသိုလ်)
နအဖစစ်အစိုးရက သေရေးရှင်ရေးသမျှ အလောတကြီးလုပ်ဆောင်နေတဲ့ နယ်ခြားစောင့်တပ် အသွင်ပြောင်းလဲရေး ကိစ္စမှာ နအဖရဲ့နယ်ခြားစောင့်တပ်အသွင်ပြောင်းရေး ဖေါ်ဆောင်မှုကော်မတီ အကြီးအကဲ/ စရဖ ချုပ်ဒု-ဗိုလ်ချုပ်ကြီး ရဲမြင့်ကို အပစ်ရပ် တိုင်းရင်းသားပါတီ၊ တပ်ဖွဲ့တွေက ယခင်က အားနာနေသယောင်နဲ့ ဟိုရွေ့ဒီရွေ့ အချိန်ဆွဲခဲ့ရာက နောက်ဆုံးအားမနာတမ်း“ဘူး” ခံပြလာတော့ မြန်မာနိုင်ငံ အရှေ့မြောက်ခြမ်းက အင်အားကြီးမားတဲ့ UWSA ဝတပ်ဖွဲ့နဲ့ အခြားတပ်ဖွဲ့တွေအပေါ် ဘယ်လိုကိုင်တွယ်ရမလဲဆိုတာ နအဖတို့အနေနဲ့ မျက်ပြူးဆံပြာဖြစ်ခဲ့ရပါတယ်။

ယခုဇွန်လ ၁၅ ရက်နေ့ကလည်း ဒု-ဗိုလ်ချုပ်မှူးကြီး မောင်အေး ပေါက်ဖေါ်တရုတ်ဆီ သွားရောက်ခဲ့ပါတယ်။ စီးပွားရေး ကိစ္စလို့ သတင်းများ လွှင့်ထုတ်နေပါတယ်။ တရုပ်နယ်စပ်က အပစ်ရပ်အဖွဲ့တွေ နယ်ခြားစောင့်တပ်ကိစ္စကနအဖအတွက် အလွန်အရေးကြီးတဲ့ ဗျူဟာတစ်ရပ်ပါ။ အကဲခတ်တွေကတော့ နယ်ခြားစောင့် တပ်ဖွဲ့ကိစ္စထက် အခုတလော ကမ္ဘာ့ သတင်းလောက ထိပ်တန်းသတင်းတွေမှာ လူအများအာရုံစိုက်နေကြရတဲ့ ဒေါ်အောင်ဆန်းစုကြည်ကိစ္စကို ဘယ်လို
ဖြေရှင်းမလဲ ဆိုတာကိုပဲ ပေါက်ဖေါ်တရုပ်ကြီးအနေနဲ့ ဦးစားပေးရမဲ့ အနေအထားမှာ ရှိနေတယ်လို့ ဆိုကြပါတယ်။

တရုတ်ပြည်က လူအဖတ်များတဲ့ အင်တာနက်စာမျက်နှာ www.news.qq.com ရဲ့ ဇွန်လ ၁၆ ရက်နေ့က ရေးသားချက် မှာ တရုတ် ပြည်သူ့ သမ္မတနိုင်ငံ သမ္မတ မစ္စတာဝမ်ကျားပေါင်က မြန်မာပြည် ဒီမိုကရေစီရေး ပြုပြင် ပြောင်းလဲမှုကို မျှော်လင့်နေသည်ဟု ဒုတိယ ဗိုလ်ချုပ်မှူးကြီး မောင်အေးကို ထုတ်ဖော် ပြောဆိုလိုက်ကြောင်း၊ ဒီလိုပြုပြင်ပြောင်းလဲမှုကို ဆောင်ရွက်ရာမှာ အမျိုးသား ရင်ကြားစေ့ရေး၊ နိုင်ငံတော် တည်ငြိမ်ရေးနဲ့ စီးပွားရေး၊ ဖွံဖြိုး တိုးတက်ရေးတို့ကို ထိခိုက်ခြင်း မရှိစေရန်အတွက် မှန်မှန် လုပ်ဆောင်ရန် လိုတယ်လို့ အဲဒီသတင်းမှာ ဖော်ပြထားပါတယ်။ အခုတလော မြောက်ကိုးရီးယားကို အရေးယူမှုမှာ တရုတ်က အများဆန္ဒအတိုင်း လုံခြုံရေးကောင်စီမှာ သဘောတူလိုက်တာတွေဟာ နအဖစစ်အစိုးရအတွက် သတိပြုစရာ အချက်တစ်ရပ်လို့ ဆိုနိုင်ပါတယ်။

လက်ရှိ ဒေါ်အောင်ဆန်းစုကြည်ကို အမှုဆင်ဖမ်းဆီးထားတဲ့ ကိစ္စဟာလည်း စစ်အစိုးရမှာ ဖွတ်အမြီးဖွတ်လည်ပင်းကို ပြန်ပတ်မိနေတဲ့ကိန်း ဆိုက်နေတယ်ဆိုတာ မြန်မာ့အရေး စိတ်ဝင်စားကြသူတိုင်း အကဲခတ်မိကြမှာပါ။ အာဆီယံ၊ ဥရောပသမဂ္ဂ EU၊ ကုလသမဂ္ဂတို့၊ မစ္စတာဘန်ကီမွန်း၊ ဂမ်ဘာရီ၊ ဆက်ဆံရေးဝန်ကြီး ဦအောင်ကြည်တို့၊ NLD နဲ့ ဒေါ်အောင်ဆန်းစုကြည်၊ တိုင်းရင်းသားအဖွဲ့အစည်းတို့နဲ့ အမျိုးသားပြန်လည် သင့်မြတ်ရေးကိစ္စတွေဖေါ်ဆောင်ဖို့ အချိန်ကုန်အောင် တမင်ဆွဲထားသူက နအဖပါပဲ။

ဗိုလ်ခင်ညွန့် အနေနဲ့လည်း KNU တစ်ဖွဲ့ကို အပစ်ရပ်အဖွဲ့ထဲ စည်းရုံးသိမ်းသွင်းနိုင်မလားဆိုပြီး စောင့်စားမျှော်ကိုးရင်း နောက်ဆုံး စစ်ထောက်လှမ်းရေး ယန္တယားတစ်ခုလုံး အဖြိုခွဲခံလိုက်ရတဲ့အထိပါပဲ။ ဗိုလ်ချုပ်ကြီးမြကိုယ်တိုင် ရန်ကုန်မြို့ ကို ရောက်ခဲ့ရပါတယ်။ မအောင်မြင်ခဲ့ကြပါဘူး။ စစ်အစိုးရဖက်တော့ KNU နဲ့ အပစ်အခတ်အောင်မြင်သွားရင် တစ်နိုင်ငံ လုံးအတိုင်းအတာဆောင်တဲ့ အပစ်အခတ်ရပ်စဲရေး ဖြစ်လာမယ်။ ဒီတော့ နိုင်ငံရေးအရ အားလုံးမဖြစ်မနေဆွေးနွေး အဖြေရှာရမဲ့အဆင့်ကို အလိုလိုရောက်သွားမယ်၊ ဆိုတော့ စစ်အစိုးရက ဒီအဆင့်ကိုတက်လှမ်းဖို့ အင်မတန်ဝန်လေး နေပြီး လက်ခံဖို့မဖြစ်နိုင်တဲ့ အနေအထားမှာရှိနေပါတယ်။ ဒီတော့ KNU နဲ့ အပစ်အခတ်ရပ်စဲဖို့ စကားကမ်းလှမ်းထားဆဲ အဆင့်မှာပဲ ဆက်ပြီးထားနေရဦးမှာပဲ။

အခု စစ်အစိုးရ ဦးတည်ဖော်ဆောင်နေတာကတော့ အလုပ်ရှားပါးတဲ့ မြန်မာပြည်မှာ စစ်သားဦရေ ပိုများပြားလာအောင် လုပ်ဆောင်နေပုံပါပဲ။ တစ်နိုင်ငံလုံးအပစ်အခတ်ရပ်စဲရေး၊ အမျိုးသားပြန်လည်သင့်မြတ်ရေးတို့ကို ပါးစပ်ကသာ တဖွဖွ ရွတ်ပြနေပြီး တစ်ဖက်မှာ စစ်အင်အားတိုးချဲ့လာကာ ကိုယ့်လူမျိုးအချင်းချင်း ပြန်တိုက်ခိုင်း၊ သတ်ခိုင်းနေတာကို အခုတလော KNU နဲ့ DKBA တိုက်ပွဲတွေကသက်သေဖြစ်သလို ဒီတိုက်ပွဲတွေမှာ မြန်မာအစိုးရရဲ့တပ်ဖွဲ့တွေလုံးဝ မပါဝင် ခဲ့ကြောင်း၊ အချင်းချင်းတိုက်ခိုက်နေကြကြောင်း ဥရောပသမဂ္ဂရဲ့စိုးရိမ်မှုကို ဇွန်လ ၁၃ ရက်နေ့မှာ နအဖနိုင်ငံခြားရေး ဝန်ကြီးဌာနက ပြန်လည်ချေပတဲ့ ထုတ်ပြန်ကြေညာချက်မှာ အတိုင်းသားဖတ်ရှုခဲ့ရပါတယ်။ နအဖတပ်ဖွဲ့ပါဝင်တာ မပါဝင် ထားပါ။ ကရင်အချင်းချင်းတိုက်ခိုက်နေကြတာကို အင်မတန်သဘောခွေ့နေပုံပါပဲ။

နဝတ၊ နအဖရဲ့ တရားဝင်ထုတ်ပြန်ချက်တွေမှာ ဥပဒေဘောင်အတွင်းဝင်ရောက်လာတဲ့ တိုင်းရင်းသားလက်နက်ကိုင် ပါတီ အဖွဲ့အစည်း ၁၇ ဖွဲ့ရှိပါတယ်။ လက်နက်ချအဖွဲ့များ မပါဝင်ပါ။ စစ်အစိုးရနှင့် အပစ်အခတ်ရပ်စဲထားတဲ့ အဖွဲ့ ၁၇ ဖွဲ့ ထဲမှာ စစ်အစိုးရဖက်က သဘောတူညီချက်စည်းကမ်းအချို့ကို ဖောက်ဖျက်လာတဲ့အတွက် ဖိအားအမျိုးမျိုးတို့ကို မခံ မရပ်နိုင်တဲ့အဆုံး အောက်ဖေါ်ပြပါ တိုင်းရင်းသားလက်နက်ကိုင် တပ်ဖွဲ့အချို့ ယခုတိုင် စစ်အစိုးရကို ပြန်လည်တိုက်ခိုက် နေတာကို တွေ့နေရပါတယ်။
၁။ ကရင်နီတိုးတက်ရေးပါတီKarenni National Progressive Party (KNPP),
၂။ပလောင်ပြည်လွတ်မြောက်ရေးတပ်မတော် Palaung State Liberation Army (PSLA),
၃။ သျှမ်းပြည်လူမျိုးပေါင်းစုံလွတ်မြောက်ရေးအဖွဲ့ Shan State Nationalities People Liberation Organization (SNPLO),
၎။ သျှမ်းပြည်အမျိုးသားတပ်မတော် Shan State National Army (SSNA)

အပစ်အခတ်ရပ်စဲပြီး စစ်အစိုးရကို ပြန်လည်တိုက်ခိုက်နေတဲ့ ဒီတိုင်းရင်းသားလက်နက်ကိုင်တပ် ၄ ဖွဲ့ကို နအဖကအများ တကာ ပြည်သူများကိုတင်ပြရာမှာ ယခုတိုင်အပစ်ရပ်အဖွဲ့ ၁၇ ဖွဲ့ ရှိနေတယ်လို့ပဲ ဗြောင်လိမ်နေပါသေးတယ်။ ၁၃ ဖွဲ့ပဲ ကျန်တော့တယ်လို့ အဘယ်ကြောင့် မဖေါ်ပြပါသလဲ။ ဘာကြောင့် အပစ်အခတ်ရပ်စဲပြီး ပြန်လည်ပစ်ခတ်ကြရပါသလဲ။ မည်သည့်ဖက်က ကတိသဘောတူညီမှုများ စတင်ချိုးဖောက်ခဲ့သလဲဆိုတာ ပြည်သူများ အမှန်တကယ် သိရှိသွားမှာကို စစ်အစိုးရတို့ အလွန်ပင်စိုးရိမ်နေရပါတယ်။

နယ်ခြားစောင့်တပ်ဖွဲ့အသွင်ပြောင်းလဲရေးကို စစ်အစိုးရဆန္ဒအတိုင်း မလိုက်လျောဘဲ ခေါင်းခါငြင်းဆံနေတဲ့ အဖွဲ့တွေ ကတော့ လက်ရှိအနေအထားမှာ ဒီလိုတွေ့ရှိနေရပါတယ်။
၁။ ကချင်ဒီမိုကရေစီသစ် တပ်မတော်New Democratic Army-Kachin (NDA-K)
၂။ ကချင်လွတ်လပ်ရေးအဖွဲ့ Kachin Independence Organization (KIO)
၃။ ကယန်းပြည်သစ်ပါတီ Kayan New Land Party (KNLP)
၎။ မိုင်းလားအဖွဲ့ National Democratic Alliance Army(NDAA)
၅။ ကိုးကန့်အဖွဲ့Myanmar National Democratic Alliance Army (MNDAA)
၆။ ဝပြည်ညီညွတ်ရေးတပ်မတော် United Wa State Army (UWSA)
၇။ သျှမ်းပြည် တပ်မတော် မြောက်ပိုင်း Shan State Army- North (SSA-N)
၈။ မွန်ပြည်သစ်ပါတီ New Mon State Party (NMSP)

၂၀၁၀ ရွေးကောက်ပွဲမတိုင်မီ နယ်ခြားစောင့်တပ်အသွင်ပြောင်းနိုင်ရန် စစ်အစိုးရဖိအားပေးနေမှုကို ကိုးကန့်၊ ၀ ၊ မိုင်းလား အပစ်ရပ်အဖွဲ့တို့က စစ်အစိုးရဆန္ဒကို လက်မခံ သဘောမတူနိုင်ကြောင်း အကြိမ်ကြိမ် ပြောဆိုထားပြီး ဖြစ်ပါ တယ်။ သျှမ်းပြည်တပ်မတော်(မြောက်ပိုင်း) ကလည်း ငြင်းပယ်ထားပါတယ်။

KIO ကချင်လွတ်လပ်ရေးအဖွဲ့ကလည်း ကချင်ပြည်သူများရဲ့ ဆန္ဒအရ နယ်ခြားစောင့်တပ်အသွင်ကို နောင်တက်လာမဲ့ အစိုးရနဲ့သာ တွေ့ဆုံပြောကြားဖို့ စဉ်းစားမယ်လို့ သတင်းဌာနများကို ပြောဆိုခဲ့ပါတယ်။

မွန်ပြည်သစ်ပါတီကလည်း ၂၀၀၈ ဒီဇင်ဘာလကတည်းက မွန်ပြည်သစ်ပါတီ အနှစ် ၅၀ ရွှေရတုသဘင်မှာ မွန်ပြည်သူ များကို အသိပေးထုတ်ပြန်ခဲ့ရာမှာ ၂၀၀၈ မြန်မာနိုင်ငံရဲ့ လက်ရှိဖွဲ့စည်းပုံအခြေခံဥပဒေကို အများသဘောတူညီနိုင်သည် အထိ အချက်အလက်အချို့ကို ပြန်လည်မပြင်ဆင်လျှင် ၂၀၁၀ ရွေးကောက်ပွဲကိုလည်းမဝင်၊ မွန်အမျိုးသားလွတ် မြောက်ရေး တပ်မတော် MNLA ကိုလည်း နယ်ခြားစောင့်တပ်အသွင်ပြောင်းလဲမှာ မဟုတ်ကြောင်း အတိအလင်း ကြေညာခဲ့ပါတယ်။

နအဖတို့ အကြိမ်ကြိမ်တောင်းဆိုနေပေမဲ့ မွန်ပြည်သစ်ပါတီဟာ ဒီရပ်တည်ချက်ကို လုံးဝပြောင်းလဲဖို့ မဖြစ်နိုင်တဲ့ အခြေအနေတွေရှိနေပါတယ်။ ဖြတ်သန်းလာခဲ့တဲ့ အတွေ့အကြုံအရ ဒီအကြောင်းကို အနည်းငယ်အကျယ်တဝင့် ရှင်းပြချင်ပါတယ်။

ယနေ့ကာလမှာ မွန်ပြည်သစ်ပါတီဟာ စစ်အစိုးရနဲ့ ဆက်ဆံရေးကဏ္ဍမှာ တစ်ဖက်နဲ့တစ်ဖက် အပစ်အခတ်ရပ်စဲထားရုံ မျှသာရှိကြပြီး စစ်အစိုးရထံက ဘာထောက်အပံ့ကိုမှ မရရှိတော့ပါဘူး။ စတင် အပစ်ရပ်စဲစဉ် သုံးလေးနှစ်လောက်ကာလ မှာပဲ စစ်အစိုးရက ထောက်ပံ့ခဲ့တာရှိခဲ့ပါတယ်။ အဲဒီကာလတွေမှာ တစ်ဖက်နဲ့တစ်ဖက် အဆင့်အလိုက် အပတ်စဉ်၊လစဉ်၊ နှစ်စဉ် ပုံမှန်အစည်းအဝေးတွေ ရှိကြပါတယ်။ ပြဿနာရှိယင် ချက်ချင်းပြောဆိုဖြေရှင်းကြပါတယ်။

အမျိုးသားညီလာခံမှာ မွန်ပြည်သစ်ပါတီနဲ့ အခြားအပစ်ရပ်အဖွဲ့တွေ တင်ပြချက်တွေကို ငြင်းပယ်ခံလိုက်ရလို့ မွန်ပြည်သစ်ပါတီက အမျိုးသားညီလာခံကို ဆက်မတက်တဲ့ကိစ္စ၊ ဝန်ကြီးချုပ်ဗိုလ်ချုပ်သိန်းစိန်ရဲ့ပန်ကြားချက်အရ တစ်ဖက်နဲ့တစ်ဖက် မျက်နှာမပျက်ရလေအောင်၊ အများတကာမြင်ကောင်းကြားကောင်းအောင် မွန်ပြည်သစ်က လေ့လာသူအဆင့်အနေနဲ့ တက်ရောက်တဲ့အခါ အရေးသိပ်မပါတဲ့ လူငယ်ခေါင်းဆောင်တွေကိုပဲ လွှတ်သွားတဲ့ကိစ္စ၊ နောက်ပိုင်းမှာ စစ်အစိုးရရဲ့ သဘောထားအတိုင်း ခေါင်းလိုက်မညိတ်တာတွေ များလာတာကြောင့် ပိတ်ဆို့မှု၊ ဖြတ်တောက်မှု၊ အကန့်အသတ်တွေအမျိုးမျိုးကို မွန်ပြည်သစ်အပေါ် လုပ်လာပါတယ်။ အယင်က ပုံမှန်အစည်းအဝေး တွေလည်း မရှိကြတော့ပါဘူး။ စစ်အစိုးရထံက စီးပွားရေးအခွင့်အလမ်းနဲ့ အထောက်အပံ့တွေ မရရင် လုံးဝရပ်တည်နိုင် မှာ မဟုတ်ဘူးလို့ စစ်အစိုးရဖက်က ယူဆထားခဲ့ဟန်တူပါတယ်။

တစ်ခုတော့ရှိပါတယ်။ ဘယ်ပါတီအဖွဲ့အစည်းမှာမဆို သစ္စာဖောက်တတ်တဲ့ နှစ်ဖက်ခွ အချောင်သမားတွေတော့ ရှိတတ်ကြစမြဲပါ။ ပါတီရဲ့ အရေးပါတဲ့ နေရာတွေမှာရောက်ရှိ တာဝန်ထမ်းဘူးခဲ့သူတစ်ယာက်စ၊ နှစ်ယောက်စ စစ်အစိုးရဆီက လာဘ်လာဘတွေကို မျှော်ကိုးပြီး သတင်းပေး၊ အကဲခတ်၊ အကြံပေးတွေ လုပ်နေတဲ့သူတွေကိုလည်း တွေ့နေရပါတယ်။ ဒီလိုမျိုးပုဂ္ဂိုလ်တွေ ကျပြန်တော့လည်း မွန်နိုင်ငံရေးမျက်နှာစာမှာ စင်ပေါ်တင်ဖို့က လူရှေ့သူရှေ့မှာ ခေါင်းဖော်၊ ခေါင်းမော်ဝံ့သူတွေမဟုတ်မှန်း စစ်အစိုးရ သဘောပေါက်လာပါတယ်။ နယ်ခြားစောင့်တပ် အတင်းလုပ်ခိုင်းဖို့ကလည်း အင်အားစုနိုင်ဖို့က မွန်လူငယ်တွေကို စစ်ထဲဝင်ခိုင်း၊ မဲပုံးလာထောင်ရဲလောက်တဲ့သတ္တိခဲ မွန်မျိုးချစ်အာဇာနည်လောင်း တွေ နအဖရွေးမထွက်တော့ သူတို့အပါးတော် အကြံပေးအဆင့်လောက်မှာပဲ ဒီသစ္စာဖေါက်တွေကိုနေရာပေးထားရ ပါတယ်။

မဖြစ်နိုင်တာကို ထပ်မံတောင်းဆိုဖို့ ဒု-ဗိုလ်ချုပ်ကြီးရဲမြင့် မျက်နှာပူမိတယ်လို့ ထင်ပါရဲ့။ မေလနောက်ဆုံးအပတ်မှာ မော်လမြိုင်မြို့ကို သူတိတ်တဆိတ်ခေတ္တခဏ လာရောက်စဉ် မွန်ပြည်သစ်ပါတီကို မခေါ်တော့ပါ။ နယ်ခြားစောင့်မဲ့ ဖထီးတွေကိုပဲ လာတွေ့သွားတယ်လို့ ရတခနဲ့နီးစပ်သူတွေက ပြောပြခဲ့ပါတယ်။

ဒု-ဗိုလ်ချုပ်ကြီးရဲမြင့် အမှာတော်ပါးခဲ့တဲ့အတိုင်း ဒီဇွန်လ ၇ ရက်နေ့မှာ ရတခတိုင်းမှူးက မွန်ပြည်သစ်ပါတီ ထိပ်ပိုင်း ခေါင်းဆောင်တွေကို ခေါ်ယူတွေ့ဆုံခဲ့ပြီး ထုံးစံအတိုင်း နယ်ခြားတပ်ဖွဲ့ကိစ္စကို ဈေးထပ်ဆစ်ပြန်ပါတယ်။ အားနာနာနဲ့ မွန်ပြည်သစ်ပါတီက “ဟုတ်ကဲ့ ကျနော်တို့ အစည်းအဝေးခေါ်ပြီး စဉ်းစားပေးမယ်” ဆိုပြီး တုန့်ပြန်ထားတယ်လို့ သိရပါ တယ်။ စာရေးသူပါဝင်ခွင့် ရခဲ့တဲ့ မွန်ပြည်သစ်ပါတီနဲ့ စစ်အစိုးရကိုယ်စားလှယ်တွေ ၄ ကြိမ်တိတိ အပစ်အခတ်ရပ်စဲနိုင်ဖို့ ဆွေးနွေးခဲ့စဉ်ကာလက အနာဂတ်တစ်နေ့မှာ မွန်ပြည်သစ်ပါတီလက်အောက်မှာရှိတဲ့ မွန်အမျိုးသားလွတ်မြောက်ရေး တပ်မတော်ကို နယ်ခြားစောင့် တပ်အသွင်ပြောင်းလဲရေးကိစ္စ လုံးဝမပါရှိခဲ့ပါ။

စစ်အစိုးရရဲ့ နယ်ခြားစောင့် Border Guard Force တပ်ကို အသွင်ပြောင်းလဲမယ့် အဖွဲ့တွေကတော့ ခေါင်းဆောင်ပိုင်း တွေမှာ နိုင်ငံရေးအမြင်အားနည်းမှုနဲ့ ကိုယ်ကျိုးစီးပွားတို့ကြောင့် ဒီဖေါ်ပြပါ အပစ်ရပ်တိုင်းရင်းသား လက်နက်ကိုင် ၅ ဖွဲ့ ဟာ စစ်အစိုးရရဲ့ဆန္ဒအတိုင်း သဘောတူညီလိုက်ရတာကို အကဲခတ်မိပါတယ်။
၁။ ကယန်းအမျိုးသားတပ်ဖွဲ့ Kayan National Guard (KNG),
၂။ ကရင်နီအမျိုးသားပြည်သူ့လွတ်မြောက်ရေးတပ်ဦး Karenni Nationalities People Liberation Front (KNPLF),
၃။ တိုးတက်သော ကရင်ဗုဒ္ဓဘာသာတပ်ဖွဲ့ Democratic Karen Buddhist Army (DKBA),
၎။ ကချင်ကာကွယ်ရေးတပ်မတော် Kachin Defense Army (KDA),
၅။ ပအိုဝ်းအမျိုးသားအဖွဲ့ Pa-O National Organization (PNO)

ဒီတိုင်းရင်းသားတပ်ဖွဲ့တွေကို နယ်ခြားစောင့်တပ်ဖွဲ့ပြောင်းလဲဖို့ ခေါင်းဆောင်ပိုင်းက စစ်အစိုးရနဲ့ သဘောတူညီခဲ့တယ် ဆိုပေမဲ့ စစ်အစိုးရအရာရှိတွေ မိမိတပ်ဖွဲ့မှာ လာရောက်အုပ်ချုပ်လာမှာကို အောက်ခြေအရာရှိ ရဲဘော်တွေထဲမှာ ဂယက် ရိုက်ခတ်နေဆဲပါ။ ဘာသာစကား၊ စရိုက်ချင်းလဲမတူ။ မိမိလူမျိုးကိုယ်စားပြုတဲ့ သက်ဆိုင်ရာတိုင်းရင်းသားတွေရဲ့ အမည် နာမတွေ ဖျောက်ဖျက်လိုက်ရတာကိုလည်း မကျေနပ်သူများ ရှိနေကြပါတယ်။ ဒါပေမဲ့ စီးပွားရေးအရ စစ်အစိုးရထံဆီက သူတို့ရဲ့ ထိပ်ပိုင်းခေါင်းဆောင်တွေ အကူအညီများစွာ ရယူထားပြီး နှုတ်ဂတိတွေ ကျွံလာခဲ့တော့ ဘယ်လိုမှလည်း လွန်ဆံလို့မရတော့ပါဘူး။

ဒီတပ်ဖွဲ့စည်းပုံအတိုင်း သတ်မှတ်အရေအတွက်ပြည့်မီနိုင်ဖို့ လစာတစ်လကျပ်ငွေ နှစ်သောင်းခွဲနဲ့ အောက်ခြေရဲဘော်တွေ စုဆောင်းနိုင်ဖို့ DKBA တပ်ဖွဲ့ဝင်တွေ ကရင်ကျေးရွာဒေသများမှာ တစ်ရွာဝင်ထွက်ပြီး မဲစနစ်နဲ့ လူငယ်များကို အတင်း အကြပ် ကောက်ယူနေရတာကို ကြားသိနေရပါတယ်။ စစ်အစိုးရတပ်တွေထဲမှာတောင် တပ်သားသစ်ရဖို့အရေးစုဆောင်း နိုင်ဖို့ အတော်လေးအခက်တွေ့နေရတဲ့ ကာလမှာ စစ်အစိုးရတပ်သားတွေဖြစ်လာရတော့မယ့် မြန်မာနယ်ခြားစောင့် စစ်သားလောင်း DKBA တွေ အခုလို စုဆောင်းပေးနေတာကို စစ်အစိုးရဖက်က သိပ်ကိုကျေးဇူးတင်နေမှာပါ။ အရွယ် ရောက်တဲ့ ကရင်လူငယ်တွေ အတော်များများက ထိုင်းနယ်စပ်ဖက်ကို ထွက်ပြေးနေရပါပြီ။

ဒီတော့ ရှင်းရှင်းပြောရရင် အခုနယ်ခြားစောင့်တပ်ဖွဲ့ကိစ္စက စစ်အစိုးရအနေနဲ့ အရပ်စကားနဲ့ဆိုလျှင် “ခင်ဗျားတို့တပ်ဖွဲ့က လက်နက်ရောလူတွေပါ အားလုံကို ကျုပ်တို့လက်ထဲအပ်၊ ခင်ဗျားတို့ကိုလခပေးထားမယ်၊ အသက်ကြီးတဲ့ သူတွေကို ပင်စင်ပေးမယ်” ဆိုတာပါဘဲ။

Rest of your post

ဆက်ဖတ်မယ်ဆိုရင်....

Friday, June 19, 2009

အမျိုးသမီးနေ့ 

Statement Final Edited[1]

Rest of your post

ဆက်ဖတ်မယ်ဆိုရင်....

အမေ ပျော်ရွှင်တဲ့ မွေးနေ့ ဖြစ်ပါစေ

ဘုရား တရား သံဃာ ရည်စူးလျက် ရွှေတဂုံဘုရား ဦးထိတ်ထားပြီ ဤလို နေ့ မြတ်မှာ အမေစု မွေးနေ့ ပွဲကို ထောင်နံရံတွေ အတွင်းမှာကျင်းပ ရပေမယ့်လည်း အမေ့ရဲ့ ဂုဏ်သိက္ခာ နဲ့ တကမ္ဘာလံုးက ဆုတောင်းပေးနေမယ့် အမေစုမွေးနေ့ ပွဲမှာ အနှိုင်းမဲ့ ပျော်ရွှင်ရတဲ့ နေ့ တနေ့ ဖြစ်ပါစေ။
ဒေါင်းတမာန်

ဆက်ဖတ်မယ်ဆိုရင်....

Thursday, June 18, 2009

ဗမာပြည်ဟာ ယို့ ယွင်းနေတဲ့ ကားအိုကြီးလို

ဖုန်းလိုင်းပြတ်တောက်မှုများနေခြင်းကြောင့် ပြည်သူလူထု အခက်အခဲဖြစ်နေပြီး ဝန်ကြီးဌာနသို့ တိုင်ကြား
Wednesday, 17 June 2009 23:11 ဖြိုးကြီး
ဆက်သွယ်ရေးဝန်ထမ်းများ လာဘ်ပေးလာဘ်ယူလုပ်နေမှုများနှင့် ဖုန်လိုင်းများ အဆမတန် ပြတ်တောက်နေခြင်းကြောင့် ပြည်သူလူထုအနေဖြင့် အခက်အခဲဖြစ်နေရပြီး နေပြည်တော်ရှိ ဆက်သွယ်ရေးဝန်ကြီးဌာနသို့ တိုင်ကြားစာ ပေးပို့ထားသည်ဟု ဆိုသည်။

ရန်ကုန်တိုင်း၊ ဒဂုံမြို့သစ်တောင်ပိုင်း၊ လေးထောင့်ကန် အိတ်ချိန်းရုံးမှ ဝန်ထမ်းများကို မကျေနပ်သည့် ဖုန်းပိုင်ရှင် ၁၆ ဦးက လက်မှတ်ရေးထိုးကာ ယမန်နေ့က တိုင်ကြားထားခြင်းဖြစ်ကြောင်း ဒေသခံတဦးက ပြောသည်။

“အိတ်ချိန်းရုံးက ဝန်ထမ်းတွေက လျှပ်စစ်မီးပျက်တဲ့အချိန်တွေမှာ မီးစက်မောင်းပြီး အလုပ်မလုပ်ဘူး၊ မြန်မာ့ဆက်သွယ်ရေးက ချပေးထားတဲ့ ဒီဇယ်ကိုလည်း သူတို့က ကိုယ်ကျိုးအတွက် သုံးတယ်၊ တယ်လီဖုန်းလိုင်း ပျက်နေရင်လဲ ပြုပြင်ဖို့ခေါ်ရင် လိုက်ပြီးပြင်တာမရှိဘူး၊ နောက်တခါကျတော့ ဖုန်းလိုင်းတွေကို တမင်ဖြတ်ပြီး ပြင်ဖို့ခေါ်တယ်ဆိုရင်လဲ အခကြေးငွေ တောင်းတယ်၊ အဲဒါတွေကို အထက်လူကြီးတွေသိအောင် တင်ပြတဲ့သဘောပါ” ဟု ပြောသည်။

ထို့အပြင် လစဉ် ဖုန်းခွန်ပေးသွင်းရာတွင်လည်း သုံးစွဲထားသည်ထက် အဆမတန်များပြားနေပြီး ဝန်ထမ်းတွေကလဲ ဆက်ဆံရေး မကောင်းသည့်အတွက် စိတ်ညစ်နေရကြောင်း ဒေသခံက ဆက်လက်ပြောသည်။

“ဝန်ထမ်းတွေက ပြောတာဆိုတာလဲ မကောင်းဘူး၊ ကျနော်တို့ အခုဆို အရေးပေါ်ကိစ္စ၊ လူမှုရေး၊ ကျန်းမာရေးကိစ္စတွေ အရေးကြီးလို့ ဆက်သွယ်မယ်ဆိုရင် တော်တော်ကို ဒုက္ခရောက်နေရတယ်၊ အရင်က ရေဒီယိုဖုန်းတွေအစား ကန်းရိုးတမ်းသုံး အော်တိုဖုန်းတွေနဲ့ လဲတပ်တော့ ပိုက်ဆံ (၈) သိန်း ထပ်တောင်းတယ်၊ အဲဒါကြောင့်လဲ အခုလို တိုင်ရတာ” ဟု ပြောသည်။

အဆိုပါ ဆက်သွယ်ရေးလိုင်း ပြတ်တောက်မှုအခြေအနေများနှင့် ပတ်သက်၍ လေးထောင့်ကန် အိတ်ချိန်းရုံးမှ တာဝန်ရှိသူတဦးက ဖုန်းလိုင်းများ ပြတ်တောက်နေခြင်းမှာ မှန်ကန်သော်လည်း အခြားအကြောင်းအရာများကို ငြင်းဆန်ခဲ့သည်။

“ဖုန်းလိုင်းပျက်လို့ တိုင်ထားတာ နည်းနည်းပဲရှိပါတယ်၊ ပြင်တယ်ဆိုတာက ကျနော်တို့ဆီတိုင်မှ ပြင်ပေးရတယ်၊ အဲဒီအပေါ်မှ အခကြေးငွေတောင်းတာ မရှိပါဘူး၊ ကျနော်တို့ လိုက်လုပ်ပေးပါတယ်” ဟု ဝန်ထမ်းတဦးက ပြောသည်။

လေးထောင့်ကန် အိတ်ချိန်းရုံးသို့ ဖုန်းလိုင်းပျက်သဖြင့် တိုင်းကြားသူ တနေ့လျှင် ၅ ဦးခန့်ရှိပြီး ယခုလအတွင်း တိုင်ကြားထားသူ ၁၀၀ ကျော်ရှိပြီဖြစ်ကြောင်း ဆက်လက်ပြောသည်။

တောင်ဒဂုံမြို့သစ်တောင်ပိုင်း ကျေးရွာများတွင် လွန်ခဲ့သည့် သုံးနှစ်ခန့်မှ စတင်ပြီး ဖုန်းအလုံး ၂၀၀ ခန့် ချပေးထားပြီး ယခုအခါ အလုံး ၄၀၀ ကျော်ရှိပြီဖြစ်ကြောင်း ၎င်းက ဆက်ပြောသည်။

Rest of your post

ဆက်ဖတ်မယ်ဆိုရင်....

ကျွန်တော် လောလောဆယ်ဖတ် နေတဲ့ စာအုပ်နဲ့  လက်ရှိ ဗမာ့စစ်ခေါင်းဆောင်များ


လူမှာ သဘာဝနှစ်မျိုးရှိတယ် ။ တိရစ္ဆာန်သဘာဝနဲ့  လူ့ သဘာဝဆိုပြီး နှစ်မျိုးရှိတယ်။ မတရားလောဘကြီးတာ၊ အလွန် အကျွံ စားချင်သောက်ချင်တာ၊ နိုင့်ထက်စီးနင်းလုပ်ချင်တာ၊ သုံးဖြုံးချင်တာတွေဟာ တိရစ္ဆာန်သဘာဝ တွေဘဲ။ ဒါတွေအားလုံးကို သတိလေးနဲ့ ဥာဏ်လေးနဲ့  ယှဉ်ပြီးတော့ ထိန်းသိမ်းလိုက်မယ်ဆိုရင် လူ့  သဘာဝဖြစ်လာတယ်။ ထိန်းသိမ်းမှုလည်း ရှိရမယ်၊ လိုချင်တာလည်းသင့်တော်သလောက် ရရမယ်နော်၊ ထိန်းသိမ်းမှု မရှိခဲ့ရင်တော့ တိရစ္ဆာန်အစစ်ဖြစ်သွားမှာဘဲ။


အပျော်ဆုံးလူ
ဆရာတော် ဦးဇောတိက

(ဖတ်ဆဲ)

ဆက်ဖတ်မယ်ဆိုရင်....

Wednesday, June 17, 2009

တို့ အိမ် .....သီချင်းကို သိမ်းဆည်းဖြစ်တယ်။


တေးရေး - အရိုး
တေးဆို - ဓီရာမိုရ်
အိမ်ခေါင်မိုးက မိုးမလုံလည်း … ငါတို့လုံးဝ စိတ်မကုန်ပါ …
ရေခံခွက်အောက် မိုးစက်တပေါက်ပေါက် ကျသံ … တွံတေးကြီး တေးသံလား …
အမေဆင်မြန်းတဲ့ နန်းဆောင်အို ကိုရွှေသကြားမင်း ဗိမာန်မို့ …
စင်တင်ဇာတ်ထုတ်ထဲက အကောင်းစားတိုက်အိမ် … တစ်လုံးနဲ့ မလဲပါဗျို့ …
ရွှေမြေအိုးမည်း နှုတ်ခမ်းရယ်တို … ဆာနေကြတဲ့ ၀မ်းတွေစို …
အခုရထားတဲ့ လောကစည်းစိမ် … နတ်ပြည်နဲ့ မလဲဘူး …

အမေ ကောက်ညှင်းဆန် လက်တစ်ဆုပ်ပေါင်း နှမ်းထောင်းရင် …
နတ်ပေးတဲ့ သြသဓဆေး … အတိတ် အနာဂတ်နဲ့ ပစ္စုပ္ပန်မှာ …
တို့ အိမ်က မခွဲကြေး … ပညာမတတ် ဉာဏ်နည်းတဲ့ ဆင်းရဲသားတွေလို့ …
ကောင်းချီးသြဘာပေး … စိတ်မဆင်းရဲဘူးဟေ့ တို့အိမ် …
တစ်ခေါက်လောက် မင်းလာကြည့်တော့ … သူငယ်ချင်း …

မဟာဂေါဏ ဘို့လည်ထောင် … စူဠဂေါဏ နောက်အငယ်ကောင် …
အတူတစ်ကျင်းထဲစားတဲ့ တို့ရဲ့နွားနှစ်ကောင် … အမေ့ရဲ့ သားတော်မောင် …
မဟာအန္ဓအစ်ကို့နာမည် … စူဠအန္ဓ ကျွန်တော့်နာမည် …
အနှိမ်ခံ တောသားကျောမွဲ ဦးနှောက်နည်းလည်း … အမေ့ရဲ့ အားတွေပဲ …
ညီမလေးက နှီးထိုင်ဖြာ … အဘက ဆေးတစ်ဆုံဖွာ …
မှောင်ရီလရိပ်အောက်က တိတ်တဆိတ်ညတွေမှာ …
အမေ့ရဲ့ တရားသံနာ … လူဟာဘယ်လောက်ထိ အသက်ရှင်လဲ …
ဘယ်လောက်အများဆုံး ရနိုင်လဲ … အခုရထားတဲ့ လောကစည်းစိမ်တွေ …
ဘယ်လောက် ကြာကြာ မြဲမလဲ …

လူဟာ လောဘတရားနဲ့ ငရဲလမ်းသွားတဲ့ … ဒုက္ခယက်ကောင်များ …
အတိတ် အနာဂတ်နဲ့ ပစ္စုပ္ပန်မှာ … တင်းတိမ်ရောင့်ရဲကြ …
ပညာမတတ် ဉာဏ်နည်းတဲ့ ဆင်းရဲသားတွေလို့ …
နှာခေါင်းရှုံ့ လက်ခါမလား … စိတ်မဆင်းရဲဘူးဟေ့ တို့အိမ် …
တစ်ခေါက်လောက် မင်းလာကြည့်တော့ သူငယ်ချင်း …

ဆက်ဖတ်မယ်ဆိုရင်....

မနောမြေသို့ မျှော်ကြည့်သော် KIA news

KIA troops take to forests for possible war with Burmese Army
Written by KNG Tuesday, 16 June 2009 20:30
Troops of the Kachin Independence Army (KIA) are going into the forests from their army battalions in Burma's northern Kachin State for a possible war with the Burmese Army. This, despite having accepted the junta's strategy of transforming the armed-wing in principle, said local sources.


Columns of KIA soldiers are heading for the frontline. The KIA’s activity is mainly concentrated in the areas around Laiza, the headquarters and the border trade centre of KIA and its political wing the Kachin Independence Organization (KIO), said sources close to KIA soldiers.

A KIO serviceman of the KIA 3rd Brigade in Bhamo district told KNG, "Now, all KIA soldiers are entering the bushes. Many KIA soldiers have fanned out around the KIO/A headquarters in Laiza on the Sino-Burma border."

An eyewitness told KNG today, she surprisingly saw several columns of Burmese Army soldiers on the road between Bhamo and Kai Htik, the border trade route between China and Burma in Bhamo district.

All KIA soldiers are equipped with sophisticated guns and ammunition. They have been ordered to standby 24 hours in their army bases, KIA sources said.

The KIA’s preparation is to defend itself from the Burmese troops. It is not offensive in nature, according to KIA officials.

Maj-Gen Gunhtang Gam Shawng, Chief of Staff of KIA reiterated that the junta's proposal of transforming KIA into a battalion of border guard force before the end of this year is a load of nonsense. The KIA’s transformation will be considered after all political problems between the KIO and the junta are resolved.

On the other hand, political leaders of the KIO met the junta's army officials at least twice on transforming the KIA in Myitkyina, the capital of Kachin State in the last two weeks, said KIO/A's headquarter sources.

As of now, Kachin political leaders are against the junta's proposal of transforming KIA to a battalion of a border guard force. All Kachin political organizations, Kachin university students in the entire country and Kachin people both inside Burma and abroad are against this move.

The KIA is one of strongest ethnic armed groups in the country because it connects with all Kachin people and is supported by all Kachins in Burma and abroad.

Unless the political problems are resolved first, the transformation of KIA is unacceptable for both KIA and the Kachin people.
Rest of your post

ဆက်ဖတ်မယ်ဆိုရင်....

ရှိတာအကုန်ရောင်းတယ် ရတဲ့ငွေ ပြည်သူတွေ မျက်စောင်းထိုးမယ် မကြံနဲ့ 

ရခိုင်-တရုတ် ဓာတ်ငွေ့ပိုက်လိုင်း စက်တင်္ဘာတွင် စတင် တည်ဆောက်မည်
6/17/2009
မင်းဆက်ခိုင်(နိရဉ္စရာ) ရခိုင်ပြည်နယ်နှင့် တရုတ်နိုင်ငံ အကြား တည်ဆောက်မည့် ဓာတ်ငွေ့ပိုက်လိုင်းကို လာမည့် စက်တင်္ဘာလမှ စတင်ပြီး အကောင်အထည်ဖေါ် ဆောင်ရွက်သွားမည် ဖြစ်သည်။

အဆိုပါ ပိုက်လိုင်းကို ရခိုင်ပြည်နယ် ကျောက်ဖြူမြို့မှ တရုတ်နိုင်ငံ ကူမင်းမြို့ ထိ ဖေါက်လုပ်မည် ဖြစ်ပြီး ထိုမှ တဆင့် ဂွမ်းဂျုံး ပြည်နယ် ချုံကန်း ဒေသအထိ ဖြတ်သန်း ဖေါက်လုပ်မည် ဟု တရုတ်နိုင်ငံထုတ် ဂျာနယ် တစောင်က ဖေါ်ပြသည်။


ပိုက်လိုင်းမှာ ၂၈၀၆ ကီလိုမီတာ ရှည်လျားမည်ဖြစ်ပြီး တရုတ်အမျိုးသား ရေနံ ကော်ပိုးရေးရှင်း (CNPC) က တာဝန်ယူ တည်ဆောက်မည် ဖြစ်သည်။

၂ဝ၁၂ မှ စတင်ပြီး တနှစ်လျှင် သဘာဝ ဓာတ်ငွေ့ တန်ချိန် ကုဗမီတာ ၁၂ ဘီလီယံနှင့် ရေနံစည်ပေါင်း ၄ဝဝဝဝဝ တင်ပို့ နိုင်မည် ဟု အဆိုပါ ဂျာနယ်က ဖေါ်ပြသည်။

တရုတ်နိုင်ငံနှင့် မြန်မာ ၂ နိုင်ငံ ကုန်သွယ်မှုမှာ ၂ဝဝ၈ အတွင်းက ၂ ဒဿမ ၆ ဘီလီယံအထိ ရှိခဲ့ရာမှ အဆိုပါ ပိုက်လိုင်းတည်ဆောက်ပြီးပါက ကုန်သွယ်မူ ပမာဏ ပိုမိုတိုးတက်လာနိုင်သည်ဟု ဆိုသည်။

တရုတ်နိုင်ငံသည် မြန်မာနိုင်ငံရှိ သတ္တုတူးဖော်ရေး၊ ရေအားလျှပ်စစ် ထုတ်လုပ်ရေးနှင့် ရေနံနှင့် သဘာဝဓာတ်ငွေ့ စသည့် စီမံကိန်း များတွင် စုစုပေါင်း ဒေါ်လာ ၁ ဒဿမ ၃၃ ဘီလီယံ ရင်းနှီး မြှုပ်နှံထားကြောင်း သိရသည်။

တရုတ်နိုင်ငံသို့ မြန်မာနိုင်ငံမှ ဓာတ်ငွေ့နှင့် ရေနံများကို သာမက စိုက်ပျိုးရေး ထွက်ကုန်များ၊ ကျွန်းသစ် အပါအ၀င် သစ်မာများနှင့် တွင်းထွက်ပစ္စည်းများ အပါအ၀င် သတ္တု- ကျောက်မျက် ရတနာများကို တင်ပို့ နေသည်ဟု သိရသည်။

Rest of your post

ဆက်ဖတ်မယ်ဆိုရင်....

၈၈ ရင်သွေးများ 1988 Generation

ဆက်ဖတ်မယ်ဆိုရင်....

နိုးဗျာ နိုး နှစ်ခါရှိပြီငြင်းတာ

ဒေါ်အောင်ဆန်းစုကြည် ဥပမာထား ၀ ခေါင်းဆောင်များ အသွင်ပြောင်းရေး ငြင်းဆန်
အင်္ဂါနေ့၊ 16 ဇွန်လ 2009 သျှမ်းသံတော်ဆင့်
ဂျွန်လဆန်းပိုင်းက ဒုဗိုလ်ချုပ်ကြီးရဲမြင့် သျှမ်းပြည်တလွှား အပစ်ရပ်ခေါင်းဆောင်များ သဘောထားပျော့ပြောင်း လာစေရန် ထပ်မံ ကျောသပ်ဖြောင်းဖြရန် နယ်လှည့်စည်းရုံးစဉ် ပန်ဆန်း ၀ ခေါင်းဆောင်များကအသွင်ပြောင်း ဖို့မဖြစ်နိုင်ကြောင်း ဒေါ်အောင်ဆန်းစုကြည်ကို ဥပမာထား၍ အကျယ်တ၀င့်ရှင်းပြခဲ့ကြောင်း ၀ ခေါင်းဆောင်ပိုင်းနှင့် ရင်းနှီးသည့်ဆိုစ့်က ဆိုပါ သည်။

“ဗိုလ်ရဲမြင့် နဲ့အဖွဲ့ ပန်ဆန်းမှာ ၂ ည အိပ်တယ်။ ဥက္ကဌကြီးပေါက်ယူရှဲန်နဲ့ ၆ ရက်နေ့မှာတွေ့တော့ ဥက္ကဌကြီးက - ဆိုင်ရာ တာဝန်ရှိလူကြီးတွေနဲ့တွေ့ဖို့ ကျနော်အာဏာကုန်လွှဲထားပြီးပြီ၊ ဆွေးနွေးလိုရာဆွေးနွေးပါ - လို့ပြောလိုက်တယ်၊ ၇ ရက် နေ့မှာ ထိပ်ပိုင်းခေါင်းဆောင်တချို့နဲ့ဘဲ တနေကုန်အခြေအတင်ပြောဆိုဆွေးနွေးခဲ့တယ်” ဟု အဆိုပါဆိုစ့်က သျှမ်းသံတော် ဆင့် သို့ပြောပြ၏။

တွေ့ဆုံဆွေးနွေးပွဲတွင် အမည်မဖေါ်လိုသည့် ၀ အရာရှိကြီးတဦးက - နယ်ခြားစောင့်တပ်အသွင်ပြောင်းပြီး တပ်ရင်း တရင်း အင်အား ၃၂၆ ယောက် ထားဖို့ကိစ္စ လိုက်လျောဖို့ မဖြစ်နိုင်ကြောင်း - ဤကဲ့သို့စပြောပါသည်။

“တချိန်က ခင်ဗျားတို့ယုံကြည်အားထားတဲ့ ခင်ဗျားတို့ရဲ့အကြီးအကဲဖြစ်ပါတယ်ဆိုတဲ့ ဗိုလ်ချုပ်ခင်ညွန့်နဲ့ ကျနော်တို့ နက်နက်ရှိုင်းရှိုင်း သဘောတူထားတာရှိတယ်၊ အဲဒီကတိတွေကို ခင်ဗျားတို့လွယ်လွယ်နဲ့ဖျက်လိုက်တဲ့သဘောလား။ တကယ်တမ်းကျနော်တို့က ခင်ဗျားတို့ဆန္ဒအတိုင်းလိုက်လျောရင် - ကျနော်တို့တမျိုးသားလုံးရဲ့အနာဂတ် ကံကြမ္မာ ဘယ်လောက်ယုံကြည်စိတ်ချရမလဲ” ဟု ပြန်လည်ဆွေးနွေးသည့်အပြင် ဒေါ်အောင်ဆန်းစုကြည်နှင့်ခိုင်းနှိုင်း၍လည်း ဤကဲ့သို့ ဆက်ပြောသည်ဟုဆို၏။

“တကမ္ဘာလုံးက အသိအမှတ်ြုပလေးစားခံရတဲ့ ဗမာပြည်ရဲ့ လွတ်လပ်ရေးဖခင် ဗိုလ်ချုပ်အောင်ဆန်းရဲ့သမီးတောင်မှ ခင်ဗျားတို့ အဲလောက်အထိ လုပ်ရက်နိုင်သေးတယ်။ ကျနော်တို့က ခင်ဗျားတို့နဲ့ သွေးမတော်သားမစပ် လူမျိုး/ဘာသာ စကားလဲမတူဘူး၊ ကျနော်တို့အလားအလာက သူမထက်ပိုဆိုးသွားနိုင်တယ်။ အကယ်လို့ ကျနော်တို့ ခေါင်းညိတ် လိုက်မယ်ဆိုရင် နောင်တချိန် အစွယ်ကျိုးအဆိပ်မဲ့ဖြစ်သွားတဲ့ ကျုပ်တို့ကို ခင်ဗျားတို့ ဖမ်းမယ်ဆီးမယ် လုပ်လာရင် အကျဉ်းထောင်မပြောနဲ့ ကြက်တွေဝက်တွေလိုလှောင်တဲ့ ခြင်း/တောင်းတောင် လောက်မှာမဟုတ်ဘူး။ အဲဒါတွေကို သတိချပ်မိလို့ ခင်ဗျားတို့ဆန္ဒကို မလိုက်လျောနိုင်တာဖြစ်တယ်” ဟုပြောကြောင်း အဆိုပါဆိုစ့်က ပြောပါသည်။

တောင်ပိုင်းအခြေစိုက် ၀ ထိန်းချုပ်နယ်မြေမှ ရုပ်ခိုင်းရေးသည်လည်းမဖြစ်နိုင်ကြောင်း ထိုစခန်းများအတွက် ၀ တပ်မတော် သားများထောင်ချီ အသက်ပေးပြီး ခွန်ဆာ MTA တပ်ဖွဲ့ထံမှ တိုက်ယူရကြောင်း၊ “ခင်ဗျားတို့အကြီးအကဲ ဗိုလ်ချုပ်ကြီး မောင်အေးကိုမေးကြည့်ပါ၊ သူအသိဆုံး။ တိုက်ပွဲကြောင့် မိုင်းဖြတ်ဆေးရုံမှာ ကျနော်တို့တပ်သား တွေတင်ထားတုန်းက သူကိုယ်တိုင်လာပြီး အားပေးစကားပြောခဲ့တယ် ပုဝါတွေပေးကမ်းတယ် ၊ မူးယစ်ရာဇာ ခွန်ဆာလက်ထဲက တိုက်ယူနိုင်ရင် စိတ်တိုင်းကျနေပါ - လို့တောင် ပြောသွားသေးတယ်၊ အဲဒီကတိသစ္စာစကားတွေ ဘယ်ရောက်သွားကုန်ပြီလဲ” ဟု အဆိုပါ ၀ အကြီးအကဲက ဗိုလ်ရဲမြင့်တို့အဖွဲ့အား ထပ်ဆင့်ထောက်ပြခဲ့ကြောင်း ဆိုပါသည်။
[ဒု-ဥက္ကဌ ဦးရှောက်မင်လျံ လားရှိုးတိုင်းမှူး ဗိုလ်ချုပ်အောင်သန်းထွဋ် ရဲမှူးကြီးဗိုလ်ချုပ်ရဲမြင့် ဥက္ကဌ ဦးပေါက်ယိုချမ် ကျိုင်းတုံတိုင်းမှူး ဗိုလ်ချုပ်ကျော်ဖြိုး (၀ဲမှ ယာသို့)]

ဒု-ဥက္ကဌ ဦးရှောက်မင်လျံ လားရှိုးတိုင်းမှူး ဗိုလ်ချုပ်အောင်သန်းထွဋ် ရဲမှူးကြီးဗိုလ်ချုပ်ရဲမြင့် ဥက္ကဌ ဦးပေါက်ယိုချမ် ကျိုင်းတုံတိုင်းမှူး ဗိုလ်ချုပ်ကျော်ဖြိုး (၀ဲမှ ယာသို့)

စစ်အစိုးရဖိအားပေးမှုကြောင့် ခွန်ဆာတပ်အားတိုက်ခိုက်စဉ် ၀ တပ်သားထောင်ချီသေကျေဒဏ်ရာရခဲ့ကြောင်း၊ လွန်ခဲ့သည့် ၂၀၀၂/၂၀၀၅ တုံးကလည်း SSA-S စ၀်ယွက်စစ်အဖွဲ့အား သွားတိုက်ရန် ဖိအားထပ်ပေးလာသဖြင့် သွားတိုက်ခဲ့ရကြောင်း၊ “ခင်ဗျားတို့ သွန်လိုသွန်မှောက်လိုမှောက် အကုန်လိုက်လုပ်ရမယ်ဆိုတာတော့ မဟုတ်တော့ ဘူးထင်တယ်” ဟုပြောကြား ကြောင်း ဆိုပါသည်။

အဆိုပါ ၀ ခေါင်းဆောင်ပြောကြားချက်နှင့်ပတ်သက်ပြီး ဗိုလ်ချုပ်ရဲမြင့်က - “ ကျနော့အနေနဲ့ ဘာတခုမှ ဆုံးဖြတ်ချက် ချလို့မရပါဘူး။ ကျနော်တို့ရဲ့နိုင်ငံတော်အကြီးအကဲ ညွန်ကြားချက်အရ လာရောက်ပြောကြားရတာဖြစ်တယ်” - ဟုသာ ပြန်လည်ပြောကြားသွားကြောင်း ဆို၏။

ဂျွန်လ ၃ ရက်မှ ၉ ရက်နေ့ အထိ ဒုဗိုလ်ချုပ်ကြီးရဲမြင့်သည် မြောက်ပိုင်း SSA-N တပ်ဖွဲ့ ခေါင်းဆောင်၊ ကိုးကန့် ဒုဥက္ကဌ၊ ၀ ခေါင်းဆောင်ပိုင်းများ၊ မိုင်းလား ဥက္ကဌ ဦးစိုင်းလင်းတို့နှင့် တကူးတကသွားရောက် ဖြောင်းဖျခဲ့သော်လည်းလက်ချည်း ဗလာ ပြန်လှည့်ခဲ့ရကြောင်း သျှမ်းပြည်အရေးလေ့လာသူများက သုံးသပ်ကြပါသည်။

Rest of your post

ဆက်ဖတ်မယ်ဆိုရင်....

Tuesday, June 16, 2009

နောက်ဆို လူပါအရည်ဖျော်တော့မယ်

မနေ့က စားအုန်းဆီထဲမှာ ဆပ်ပြာမှုန့်တွေရောပြီး မခဲအောင်လုပ်နေတယ်လို့ အတည်မပြုနိုင်သေးတဲ့ သတင်းတခုကြားပါတယ်။ ကြောက်စရာကောင်းတဲ့ သတင်းပါ။ (ကိုညိုစိုင်း မှပေးပို့ ပါသည် မှတ်ချက် ဆောင်ရန်ရှောင်ရန်ဆိုသလို စီပွားရေးသမားတွေမှာ ငွေသာမြင်သည်မို့  စားအုံးဆီ မခဲရေးအတွက် အဆိပ် တဇွန်းလောက်ထည့်ရမယ်ဆိုရင်လည်းသူတို့ က ဂျွမ်းထိုးထည့်မှာပါ-ဒေါင်းTM)

အီလန်ဆပ်ပြာမှုန့်က ဈေးပေါတော့ စားအုန်းဆီတပီပါ ၄၂ဂါလံကို အီလန်တထုပ် (၂၀၀ ဂရမ်လို့ထင်ပါတယ်) ထည့်တယ်လို့ ကြားပါတယ်။

ဆီကိုရေချိုး ဆေးရိုးမီးလှုံ ကောက်ရိုးတောင်လိုပုံဆိုတဲ့ စကားပုံကို အမြတ်တနိုးရွတ်တတ်တဲ့ ဗမာလူမျိုးဟာ ဆီစားကြမ်းပါတယ်။ ဒါပေမယ့် ပြည်တွင်းမှာ ဆီပေါလို့လားဆိုတော့ မဟုတ်ပါဘူး။ မပေါတော့တာ ကြာလှပါပြီ။ ဒီစကားပုံက ရှေးဟောင်းပစ္စည်းဖြစ်သွားပါပြီ။

မြန်မာတိုင်းမ်ရဲ့ အဆိုအရ ဗမာတယောက်ဟာ တနှစ်ကို စားသုံးဆီ ၅ပိသာနဲ့ ၄၉ကျပ်သား စားပါတယ်။ လူဦးရေ ၅၂သန်းနဲ့ တွက်မယ်ဆို တနှစ်ကို ပိသာပေါင်း ၂၈၅ သန်း၊ တန်အားဖြင့် ၄သိန်းစားပါတယ်။

ဆီအဖြစ် ပဲဆီ၊ နှမ်းဆီ၊ စားအုန်းဆီတို့ကို အဓိက အသုံးပြုရာမှာ ပြည်တွင်းမှာ စားဆီ ၅၀%လောက်ပဲ ထွက်ပြီး ကျန်တဲ့တ၀က်ကို ပြည်ပက တင်သွင်းရပါတယ်။

အဓိကတင်သွင်းတဲ့ နိုင်ငံက မလေးရှားဖြစ်ပြီး သွင်းတဲ့ဆီအမျိုးအစားက စားအုန်းဆီဖြစ်ပါတယ်။ တနှစ်ကို တန်ချိန် ၂သိန်းတင်သွင်းပါတယ်။ ပြည်တွင်းမှာ တနင်္သာရီတိုင်းမှာ ဧက ၂သိန်းလောက်စိုက်ဖို့ လျာထားတာ ၁သိန်းလောက်ပဲစိုက်နိုင်သေးတယ်လို့ ဆင်ဟွာသတင်းဌာနက ပြီးခဲ့တဲ့လက ရေးပါတယ်။

ဒါပေမယ့် မြန်မာတိုင်းမ်က ၂၀၀၅မှာ ဧက ၇သောင်းလောက်ပဲ စိုက်နိုင်သေးတယ်လို့ ဆိုပါတယ်။ မြန်မာတိုင်းမ်အဆိုက အမှန်နဲ့ ပိုနီးစပ်ပါတယ်။

ဘာဖြစ်လို့လဲဆိုတော့ ၁ဧကကို ၂.၅တန်ထွက်ရင် ဧက ၇သောင်းကို တန်ချိန် ၁ သိန်း၇သောင်းခွဲ ထွက်ပါတယ်။ မလေးရှားက တနှစ်ကို စားအုန်းဆီ တန် ၂သိန်းတင်သွင်းတယ်ဆိုတော့ ပြည်တွင်းမှာ စားအုန်းဆီ နှစ်စဉ် တန်ပေါင်း ၃သိန်း ၇သောင်းခွဲ စားနေပါတယ်။ ဆင်ဟွာက ပြောတာယူရင် နှစ်စဉ်စားတဲ့ဆီက စားအုန်းဆီချည်းပဲ တန်၎သိန်းခွဲ ဖြစ်သွားပါလိမ့်မယ်။

တနှစ်ကို စားအုန်းဆီ တန် ၃သိန်း၇သောင်းခွဲစားတယ်ဆိုတော့ လိုတဲ့ တန် ၂သောင်းခွဲက ပဲဆီနဲ့ နှမ်းဆီဖြစ်ဖို့များပါတယ်။ နေကြာဆီနည်းနည်းပါနိုင်ပါတယ်။

ချုပ်လိုက်ရင် စားအုန်းဆီတွေ ပြည်တွင်းမှာ လှိုင်ဘောလယ်နေပါတယ်။ တန် ၃သိန်း၇သောင်းခွဲကို လူဦးရေ ၅၂သန်းနဲ့စားရင် လူတယောက်ဟာ တနှစ်ကို စားအုန်းဆီ ၅ပိသာနဲ့၁၅ကျပ်သား စားပါတယ်။

စားအုန်းဆီက ဒီတိုင်းထားရင်း ခဲတယ်ဆိုတာ လူတော်တော်များများသိပါတယ်။ သူ့ရဲ့ အခဲဖြစ်တဲ့ အပူချိန်ကမြင့်ပါတယ်။ ၃၁နဲ့ ၄၁ဒီဂရီ စင်တီဂရိတ်ကြားမှာအခဲဖြစ်ပါတယ်။ ဗမာပြည်မှာ အောက်ပြည်အောက်ရွာနဲ့ အညာမှာ တနှစ်လုံးပျမ်းမျှအပူချိန်က ၃၀ဒီဂရီနဲ့ အထက်မှာ ရှိတာဆိုတော့ စားအုန်းဆီခဲဖို့ လွယ်တဲ့နေရာပါ။

စားအုန်းဆီခဲရင် ပျော်သွားအောင် တနေ့ကို နည်းနည်းချင်းစီ အပူပေးရပါတယ်။ အပူသိပ်ပြင်းရင် ဆီထဲက အဆီတွေပျက်သွားလို့ အနံ့ဆိုးသွားပါတယ်။ ဒီတော့ စားအုန်းဆီကို ထိန်းသိမ်းရတာ ခက်ပါတယ်။

အဲဒီတော့ ရောင်းတဲ့လူတွေက အလွယ်လိုက်ပြီး အဆီတွေပျော်အောင် ဆပ်ပြာမှုန့်ရောလိုက်ပုံ ရပါတယ်။

ဆပ်ပြာမှုန့်သွေးလမ်းကြောင်းထဲရောက်သွားရင်

သွေးထဲမှာ အက်ဆစ်ပမာဏများလာတာ

အစာလမ်းကြောင်းပေါက်ကုန်တာ

အသက်ရှုကျပ်တာ

သွေးဖိအားကျတာ

လည်ချောင်းယောင်လာတာ

ခန္ဓာကိုယ်တွင်းက အင်္ဂါတွေပျက်စီးတာ ဖြစ်တတ်ပါတယ်။

၂၀၀၉ခုနှစ် ဇွန်လ ကမ္ဘာ့စားအုန်းဆီပေါက်ဈေးနဲ့ တွက်မယ်ဆိုရင် စားအုန်းဆီတတန်ကို အမေရိကန်ဒေါ်လာ ၇၁၄ဒေါ်လာပေါက်ပါတယ်။ ပိသာနဲ့ပြန်တွက်မယ်ဆို တပိသာကို ၉၉ဆင့်ပဲကျပါတယ်။ ၁ဒေါ်လာပဲ ထားပါတော့။ ဗမာငွေနဲ့ဆို ၁၁၀၀မပြည့်ပါဘူး။

ဒါပေမယ့် ရန်ကုန်မှာ စားအုန်းဆီ တပိသာ ၂၁၀၀၊ မန္တလေးမှာ ၁၉၁၀၊ တောင်ကြီးမှာ ၂၁၀၀နဲ့ စစ်တွေမှာ ၂၂၀၀ပေါက်ပါတယ်။ စစ်တွေကလူတွေက စားအုန်းဆီကို ကမ္ဘာ့ပေါက်ဈေးထက် ၂ဆပိုပေးပြီး စားရပါတယ်။

စားအုန်းဆီကို မလေးရှားကသွင်းနေတာ ဦးပိုင်ကပါ။ လက်ကား၊ လက်လီအဆင့်ဆင့်ဖြတ်ပြီး တကယ်စားတဲ့လူဆီရောက်တော့ သွင်းဈေးရဲ့၂ဆဖြစ်နေပါပြီ။ ဒါပေမယ့် ဈေးကြီးတာက ထားတော့။ လူတွေအဆိပ်သင့်အောင် ဘာဖြစ်လို့ ဆပ်ပြာမှုန့်တွေ ရောနေပါလဲ။

စားသုံးသူက ဘာအခွင့်အရေးမှ မရှိတာကြာနေပါပြီ။ ဒါပေမယ့် ကိုယ့်အသက်ကို အန္တရာယ်ပြုနေတဲ့လူတွေကို တရားစွဲလို့ရတဲ့ ဥပဒေရှိတာကို သုံးရမယ့် အချိန်ရောက်နေပါပြီ။ တရုတ်ပြည်မှာတောင် နို့မှုန့်ထဲ မယ်လမင်းရောတဲ့လူတွေကို သေဒဏ်ပေးလိုက်ပါပြီ။

ဗမာပြည်မှာ စားသုံးသူတွေရဲ့ အခွင့်အရေးကို တောင်းဆိုတဲ့ အဖွဲ့တွေရှိဖို့လိုနေပါပြီ။ ဥပဒေပညာရှင်တွေ၊ ကျန်းမာရေးဝန်ထမ်းတွေ၊ စားသုံးသူတွေကိုယ်တိုင်ပါဝင်ပြီး အစားအစာတွေကို အဆိပ်ဖြစ်အောင်လုပ်နေတဲ့ လူတွေကို တရားစွဲရမယ့် အချိန်ရောက်နေပါပြီ။ တနှစ်ကို အဆိပ်ရည် ၅ပိသာ သိသိကြီးနဲ့ တိုက်နေတာကို ချက်ချင်းရပ်သင့်ပါပြီ။

Rest of your post

ဆက်ဖတ်မယ်ဆိုရင်....

H1 N1 လောက်တော့ ဗမာပြည် မှာ အပျော့ 

ဝက်များ တုပ်ကွေးဖြစ်လျှင် စိုးရိမ်စရာမလိုဟုဆို
Tuesday, 16 June 2009 16:57 ကြည်ဝေ
မြန်မာနိုင်ငံတွင် H1 N1 တုပ်ကွေးဖြစ်ပွားပါက ၀က်များအား ရှင်းလင်းပစ်ရန် မလိုအပ်ဘဲ တိရစ္ဆာန်ဆေးကု ဆရာဝန်များနှင့် ကုသပျောက်ကင်း နိုင်သည်ဟု မွေးမြူရေးနှင့် ထုတ်လုပ်ရေး အသင်းက မွေးမြူရေး လုပ်ငန်း ရှင်များကို ပြောဆိုခဲ့ကြောင်း သတင်းရရှိသည်။

[ဖိလစ်ပိုင်နိုင်ငံ မနီလာမြို့ရှိ ကျောင်းသားတချို့တွင် H1 N1 ရောဂါပိုး တွေ့ရသဖြင့် တက္ကသိုလ်များ စတင်ဖွင့်လှစ်သည့် ဇွန် ၁၅ ရက်နေ့က ကျောင်းသူ ကျောင်းသားများကို စစ်ဆေးပေးနေစဉ် (ဓာတ်ပုံ - အေပီ)]

ဖိလစ်ပိုင်နိုင်ငံ မနီလာမြို့ရှိ ကျောင်းသားတချို့တွင် H1 N1 ရောဂါပိုး တွေ့ရသဖြင့် တက္ကသိုလ်များ စတင်ဖွင့်လှစ်သည့် ဇွန် ၁၅ ရက်နေ့က ကျောင်းသူ ကျောင်းသားများကို စစ်ဆေးပေးနေစဉ် (ဓာတ်ပုံ - အေပီ)
ဝက်များတွင်ဖြစ်ပွားသော H1 N1 တုပ်ကွေးပိုးကို တခြားနိုင်ငံကြီးများတွင် တွေ့ရှိသော်လည်း မြန်မာနိုင်ငံ၌ မတွေ့ရှိရသေးကြောင်း၊ ဖြစ်ပွားခဲ့လျှင်လည်း အဆိုပါ ၀က်ကို သီးသန့်အခန်းတွင် ထားပြီး တိရစ္ဆာန်ဆေးကု ဆရာဝန်နှင့် ကုသပါက ပျောက်ကင်းကောင်းမွန်နိုင်ကြောင်း မွေးမြူရေးနှင့် ထုတ်လုပ်ရေးအသင်း ဥက္ကဌ ဦး လှိုင်မြင့်ဦးက ဇွန်လ ဒုတိယပတ်အတွင်း ပြောဆိုခဲ့သည်။

“၀က်တကောင်ရဲ့ တန်ဖိုးကလည်း မနည်းတော့ ၀က်ကို ဘယ်သူမှ ဆုံးရှုံးခံချင်မှာ မဟုတ်တဲ့အတွက် တုပ်ကွေး ဖြစ်တဲ့ ၀က်ကို သီးသန့်ခန်းထဲမှာ ထားပြီး ကုသပေးရင် ပြန်ကောင်းလာမယ်။ ကောင်းသွားမှ ပြန်မွေးလို့ရတယ်။ ၀က်သားကို သေချာ ချက်ပြုတ်စားရင်လည်း ၀က်တုပ်ကွေးရောဂါ လူကို မကူးနိုင်ပါဘူး” ဟု ၎င်းကဆိုသည်။

ဝက်တုပ်ကွေးသတင်းများ ထွက်ပေါ်လာသည့်အတွက် ဈေးကွက်အတွင်း ၀က်သားရောင်းအား ကျဆင်းသွားခဲ့ပြီး ၀က်မွေးမြူရေးလုပ်ငန်းရှင်များလည်း ထိခိုက်မှုများရှိလာကြောင်း၊ စားသုံးသူများမှာ ၀က်သားစားသုံးမှု အပေါ်တွင်
သံသယဖြစ်နေပြီး မွေးမြူသူများကလည်း H1 N1 တုပ်ကွေးဖြစ်လာမည်ကို ကြောက်ရွံ့နေကြကြောင်း၊ တချို့ ခြံများတွင် ရာသီအလိုက် ၀က်များ နေမကောင်းဖြစ်ကြသည်ကို တွေ့ရသည့်အတွက် မွေးမြူရေးနှင့် ထုတ်လုပ်ရေး အသင်းက မွေးမြူရေးလုပ်ငန်းရှင်များကို ထုတ်ပြန် ပြောဆိုခြင်းဖြစ်သည်ဟု သိရှိရသည်။

Flower News ဂျာနယ် အတွဲ ၅၊ အမှတ် ၂၂ တွင်လည်း H1 N1 တုပ်ကွေးဖြစ်ပွားပါက “မြန်မာနိုင်ငံရှိ ၀က်များကို သုတ်သင်ပစ်ရန်မလိုဘဲ ဆေးကုသရုံဖြင့် ပျောက်ကင်းနိုင်” ဟူသောခေါင်းစဉ်ဖြင့် သတင်းဖော်ပြခဲ့သည်။

အဆိုပါ သတင်းတွင်လည်း ဦးလှိုင်မြင့်ဦးက ၀က်၌ အသက်ရှူလမ်းကြောင်းနှင့်ပတ်သက်သော ရောဂါများ၊ H1 N1 တုပ်ကွေးရောဂါနှင့် ချောင်းဆိုးခြင်းများ ဖြစ်ပွားခဲ့လျှင် သုတ်သင်ရှင်းလင်းရန် မလိုအပ်ဘဲ တိရစ္ဆာန်ဆေးကု ဆရာဝန်များနှင့် တပတ်ခန့် ကုသပေးပါက ကောင်းမွန်နိုင်ကြောင်း ပြောဆိုခဲ့သည်ဟု ရေးသားဖော်ပြ ထားသည်။

“ကမ္ဘာ့နိုင်ငံကြီးတွေမှာတောင် ၀က်တုပ်ကွေးကို အရမ်းသတိထားနေချိန်မှာ ဦးလှိုင်မြင့်ဦးအနေနဲ့ အဲဒီလို လက်လွတ်စပယ်ပြောတာ ဆိုတာမျိုး မလုပ်သင့်ဘူး။ ဒီက အခြေအနေက ၀က်တုပ်ကွေးကို ကုသနိုင်ဖို့ မပြောနဲ့ ဖြစ်နေတယ် ဆိုတာတောင် သိနိုင်တဲ့ အခြေအနေမရှိဘူး” ဟု ရန်ကုန်အခြေစိုက် သတင်းအယ်ဒီတာ တဦးက ဆိုသည်။

မင်္ဂလာဒုံ၊ ပျဉ်းမပင် ၀က်မွေးမြူရေးခြံများအပါအ၀င် ရန်ကုန်တိုင်းအတွင်းရှိ ၀က်မွေးမြူရေး ခြံတချို့ရှိဝက်များတွင် ယခုအခါ မိုးရာသီနှင့်ဆောင်းရာသီများတွင် ဖြစ်ပွားလေ့ရှိသော နှာရည်ယိုခြင်း၊ ချောင်းဆိုးခြင်း စသည့် တုပ်ကွေး လက္ခဏာကို တွေ့မြင်ရသော်လည်း ထိုရောဂါကို H1 N1 တုပ်ကွေး ရောဂါ ဟု ပြောဆိုရန် ခက်ခဲ ကြောင်း မွေးမြူရေးနှင့် ကုသရေးဦးစီးဌာနမှ လက်ထောက်ညွှန်ကြားရေးမှူးတဦးက ပြောဆိုသည်။

“ရာသီကြောင့် ဖြစ်တယ်လို့ပဲ ပြောလို့ရမယ်ထင်တယ်။ ၀က်တွေ ဖျားကြတယ်၊ တုပ်ကွေး လက္ခဏာလည်း တွေ့ရတယ်။ အဲဒီလို ပြောရင် လူတွေ အထိတ်တလန့် ဖြစ်မှာ စိုးရိမ်တာကြောင့် သာမန်ဖျားတာလို့ပဲ
ပြောရမယ်ထင်တယ်” ဟု မွေးမြူရေးနှင့် ကုသရေး ဦးစီးဌာနမှ ဆရာဝန်တဦးက ပြောဆိုသည်။

ရောဂါဖြစ်နေသည့် ၀က်ကို ၎င်းဌာနမှ ဂရုတစိုက် သွားရောက်ကြည့်ပေးပြီး ထိုဝက်များကို ဈေးထဲတွင် ချမရောင်းရန်နှင့် အသားမပေါ်ရန် ဌာနက တားမြစ်ထားသည်ဟု သူက ဆက်ပြောသည်။

မြန်မာနိုင်ငံတွင် မေလအတွင်း ၀က်တုပ်ကွေးကြောင့်သေဆုံးခဲ့သောလူ ၂၀ ၀န်းကျင်ခန့်ရှိကြောင်း မြောက် ဥက္ကလာပ ဆေးရုံကြီးနှင့် ရန်ကုန်ဆေးရုံကြီးနှင့် နီးစပ်သည့် သတင်းရပ်ကွက်မှ ကြားသိခဲ့ရသော်လည်း အစိုးရက သတင်း ထုတ်ပြန်ခဲ့ခြင်း မရှိသကဲ့သို့ မီဒီယာများကလည်း အတည်ပြုနိုင်ခြင်း မရှိ သေးကြောင်း သိရသည်။

ဝက်တုပ်ကွေး သတင်းများ စတင်ကြားရစဉ်က ၀က်သား စားသုံးမှု လျော့ကျသွားသော်လည်း ယခုအခါ ပုံမှန်အတိုင်း ပြန်လည် စားသုံးနေကြပြီဖြစ်ကြောင်း တာမွေဈေးမှ ၀က်သားအရောင်းဆိုင် တဆိုင်ကဆိုသည်။

“အရင် သတင်းကြားခါစကတော့ ရောင်းအားနည်းနည်းကျတယ်။ နားလည်တဲ့ သူတွေလောက်ပဲ အစား လျော့သွားတာ။ ၀က်သား ဈေးကျလို့ဆိုပြီး စားကြတဲ့သူတွေရှိတော့ ဈေးကွက်ကို သိပ်မထိခိုက်လိုက်ပါဘူး။ ဘာမှ မဖြစ်တော့လည်း လူတွေက ပြန်စားနေကြပြီပဲ။ ရောင်းအားရော ဈေးရော ပုံမှန်ပြန်ဖြစ်နေပြီ” ဟု အဆိုပါ အရောင်းဆိုင်က ဆိုသည်။

H1 N1 တုပ်ကွေးသည် ယမန်နေ့ကအထိ ကမ္ဘာ့နိုင်ငံပေါင်း ၇၆ နိုင်ငံသို့ ပျံနှံ့ခဲ့ပြီး လူ ၃၀၀၀၀ ကျော်သို့ ကူးစက်ခဲ့ကာ သေဆုံးသူ ၁၆၃ ဦးရှိပြီးဖြစ်ကြောင်း ကမ္ဘာ့ကျန်းမာရေး အဖွဲ့အစည်း (WHO) ကဖော်ပြ ထားသည်။

မြန်မာနိုင်ငံ၏ အိမ်နီးချင်းနိုင်ငံဖြစ်သော ထိုင်းတွင်လည်း ယမန်နေ့ကအထိ ကူးစက်ခံရသူ ၂၀၁ ဦးရှိနေပြီ ဖြစ်ပြီး ဂျပန်နှင့် အမေရိကန်ပြည်ထောင်စုတွင် ရောဂါကူးစက်သူဦးရေ ၃၀၀ နှင့် ၄၀၀ ကြားတွင် ရှိနေကြောင်း သိရ သည်။

ဇွန်လ ၁၁ ရက်နေ့အထိ တောင်ကိုရီးယားတွင် H1 N1 တုပ်ကွေး ကူးစက်သူ ၅၆ ဦးရှိပြီး ဗီယက်နမ်တွင်လည်း ၂၀ ဦးရှိနေပြီဟု ကြေညာထားသည်။

မြန်မာနိုင်ငံတွင် ၀က်ကောင်ရေ ၇ သန်းခန့် ရှိသော်လည်း H1 N1 တုပ်ကွေးဖြစ်ပွားသည်ကို မတွေ့ရသေး ကြောင်း မွေးမြူရေးနှင့် ရေလုပ်ငန်း ၀န်ကြီးဌာန၊ မွေးမြူရေးနှင့် ကုသရေးဦးစီးဌာနက ထုတ်ပြန် ကြေညာ ထားသည်။

“ကြက်တုပ်ကွေးတုန်းကလည်း မရှိဘူးလို့ အရင်ပြောတာပဲ၊ နောက်မှ ၀န်ခံတဲ့ သာဓက တွေလည်း ရှိတော့ ၀က်တုပ်ကွေးသတင်း ကြားကတည်းက အိမ်မှာ ၀က်သား မစားခိုင်းတော့ဘူး။ ဘယ်လိုပဲ ပြောပြော သူတို့ကို မယုံဘူး။ သတင်းထုတ်ပြန်တာလည်း မရှိတော့ ခုကိစ္စမှာလည်း ကိုယ့်ဘာသာကိုယ်ပဲ ကာကွယ် ရမယ် ထင်တယ်” ဟု ရန်ကုန်တွင် နေထိုင်သည့် ရှေ့နေတဦးက ပြောဆိုသည်။

ယခုကဲ့သို့ ၀က်တုပ်ကွေးမရှိကြောင်း ကြေညာနေခြင်းမှာ ပြည်ပပို့ကုန်လုပ်ငန်း ထိခိုက်မည်ကို စိုးရိမ် သောကြောင့် ဖြစ်နိုင်ကြောင်း အဆိုပါ ရှေ့နေက သုံးသပ်ပြောဆိုသည်။

မြန်မာနိုင်ငံမှ ဝက်များကို နယ်စပ်လမ်းကြောင်းများမှ တဆင့် အိန္ဒိယနိုင်ငံ မီဇိုရမ်ဒေသသို့ အဓိကတင်ပို့လျက် ရှိပြီး ၂၀၀၈ -၂၀၀၉ ခုနှစ်အတွင်း ၁၂ တန် တင်ပို့နိုင်ခဲ့ကြောင်း၊ ၀က်တုပ်ကွေး သတင်းများကြောင့် အိန္ဒိယသို့
တင်ပို့မှု လျော့ကျသွားခဲ့ကြောင်း၊ ယခုအခါ ပြန်လည်တင်ပို့ နေရပြီဖြစ်သော်လည်း ပုံမှန်မဖြစ်သေးကြောင်း၊ မေလတွင် ၀က် ၆၀၈ ကောင်ကို ၁၂ ကြိမ်ခွဲ၍ တင်ပို့နိုင်ခဲ့ပြီး ဇွန်လက ၁၄၂ ကောင်သာ တင်ပို့နိုင်ခဲ့ကြောင်း မွေးမြူရေးနှင့်ထုတ်လုပ်သူများအသင်း၏ စာရင်းဇယားများအရ သိရှိရသည်။

Rest of your post

ဆက်ဖတ်မယ်ဆိုရင်....

လက်ညှိုးထောင်ခေါင်းညိတ်များထက် ခေါင်းခါအပစ်ရပ်အဖွဲ့ပိုများနိုင်

တနင်္လာနေ့၊ 15 ဇွန်လ 2009 သျှမ်းသံတော်ဆင့်
စစ်အစိုးရကြေငြာခဲ့ဘူးသော အပစ်ရပ်အဖွဲ့ ၁၇ ဖွဲ့အနက် စစ်အစိုးရဆန္ဒအတိုင်း မလိုက်လျောဘဲခေါင်းခါငြင်းဆန်သည့် အဖွဲ့ ပိုများနိုင်ကြောင်း အပစ်ရပ်စောင့်ကြည့်လေ့လာသည့် အသိုင်းအ၀ိုင်းကဆိုသည်။

၁၉၈၉ မှစ၍ စစ်အစိုးရအား လက်နက်ကိုင်တိုက်ခိုက်ခဲ့ကြသည့် တပ်ဖွဲ့များတဖွဲ့ပြီးတဖွဲ့ ငြိမ်းချမ်းရေးရယူ ရပ်တည် ခဲ့ကြသည့် အပစ်ရပ်အဖွဲ့ ၁၇ ဖွဲ့အထဲ၌ သျှမ်းပြည်တွင်း အပစ်ရပ် အဖွဲ့ ၉ ဖွဲ့ရှိရာ အပစ်ရပ်အဖွဲ့များအား ၂၀၁၀ ရွေးကောက် ပွဲမတိုင်မီ နယ်ခြားစောင့်တပ်အသွင်ပြောင်းရန် စစ်အစိုးရကြိးစားနေမှုကို ကိုးကန့်၊ ၀ ၊ မိုင်းလား အပစ်ရပ်အဖွဲ့တို့မှ စစ်အစိုးရဆန္ဒအတိုင်းလက်မခံ သဘောမတူနိုင်ကြောင်းပြောပြီး သျှမ်းပြည်တပ်မတော်(မြောက်ပိုင်း) ကလည်း လိမ္မာပါးနပ်စွာ ငြင်းပါယ်ထားကြောင်း ဒေသတွင်းသတင်းများကပြောဆိုသည်။

သျှမ်းသံတော်ဆင့် အယ်ဒီတာချုပ်ဦးခွန်စိုင်းက- “သျှမ်းပြည်မှာ အပစ်ရပ်အဖွဲ့ ၉ ဖွဲ့ ရှိတယ်ဆိုပေမဲ့ PSLA ပလောင် အဖွဲ့ ကို ၂၀၀၅ မှာ အတင်းအကျပ်လက်နက်ချခိုင်းတယ်။ အဲဒီနှစ်မှာဘဲ SSNA တချို့တပ်ရင်းတွေ ပလောင်တပ်ဖွဲ့လို လက်နက်ချရပေမဲ့ ကျန်တပ်ရင်း တပ်မဟာတွေကိုတော့ ဗိုလ်မှူးကြီးစိုင်းရီက ဦးဆောင်ပြီးတောပြန်ခိုခဲ့တယ်။ အဲဒီ အထဲမှာ သျှမ်းပြည်လူမျိုးပေါင်းစုံလွတ်မြောက်ရေးအဖွဲ့ SNPLO လည်း SSNA အတိုင်းဘဲ ၂၀၀၇ နှစ်လည်ပိုင်းမှာ တပ်စိတ်/ဖွဲ့တချို့ လက်နက် ဖြုတ်ခံရသလို တချို့လဲတောပြန်ခိုတယ်” - ဟုဆို၏။

သျှမ်းပြည်အမျိုးသားတပ်မတော်၊ ပလောင်ပြည်လွတ်မြောက်ရေးတပ်မတော်၊ သျှမ်းပြည်လူမျိုးပေါင်းစုံ ပြည်သူ့ လွတ်မြောက် ရေးအဖွဲ့တို့သည် စစ်အစိုးရလိုလားချက်အတိုင်း အားမတန်မာန်လျှော့ လက်နက်ချ လိုက်လျောခဲ့ကြသကဲ့သို့ လက်ရှိ စစ်အစိုးရဆန္ဒအတိုင်း လက်ညှိုးထောင် ခေါင်းညိတ်မည့်အလားအလာရှိသည့်အဖွဲ့များမှာ ပအိုဝ်းဖြူ PNO နှင့် ကချင် KDA တို့ဖြစ်နိုင်ချေရှိကြောင်း သိရသည်။

ပအိုဝ်းဒေသအခြေအနေစောင့်ကြည့်လေ့လာသည့် ပအိုဝ်းလူငယ် ခွန်ဟောဝ်မြတ်က -“PNO လို့ခေါ်တဲ့ ဦးအောင်ခမ်းထီ အဖွဲ့က - ၁။ နယ်မြေဒေသကို မစွန့်ခွာနိုင်သူ အများစုဖြစ်လို့တောပြန်ခိုဖို့မလွယ်ဘူး။ ၂။ မြို့ထဲမှာစီးပွားရေးလုပ်ငန်းအများ အပြားမြုပ်နှံထားတယ်။ နောက်ဆုံးအချက်က အခြားအပစ်ရပ်တွေထက် စစ်အစိုး နဲ့ သူတို့ပိုရင်းနှီးတယ်။ တခြားအပစ် ရပ်တွေနဲ့ ရေမြေဒေသ အခြေအနေမတူတော့ စစ်အစိုးရဆန္ဒအတိုင်း လိုက်လျောဖို့များတယ်” - ဟုဆို၏။

စစ်အစိုးရသတ်မှတ်သည့် အပစ်ရပ် ၁၇ ဖွဲ့အနက် - သျှမ်းပြည်တွင် ကိုးကန့် (MNDAA)၊ ၀ အဖွဲ့ (UWSA)၊ သျှမ်းပြည် တပ်မတော် မြောက်ပိုင်း(SSA-N)၊ မိုင်းလား (NDAA) တို့က ခေါင်းခါသည့်အဖွဲ့ထဲပါဝင်နိုင်ပြီး ကျန်သည့်ကချင် ကာကွယ်ရေး တပ်မတော် (KDA ) နှင့် ပအိုးအမျိုးသားအဖွဲ့ (PNO) တို့က ခေါင်းညိတ်ဘို့များနိုင်ကြောင်းသုံးသပ်ကြ သူများရှိ နေသည်။

လက်နက်ကိုင်တပ်ဖွဲ့ ဒုတိယအများဆုံးဖြစ်သည့် ကရင်နီပြည်၌ - ကယန်းအမျိုးသားစောင့်ရှောက်ရေးအဖွဲ့(KNG)၊ ကရင် နီလူမျိုးများလွတ်မြောက်ရေးတပ်ဦး (KNPLF) တို့မှာ ခေါင်းညိတ်နိုင်မည့်အဖွဲ့ဖြစ်ပြီး၊ ကယန်းပြည်သစ်ပါတီ (KNLP) မှာမူ လက်မခံနိုင်ကြောင်းသိရ၏။ ကရင်နီအမျိုးသားတိုးတက်ရေးပါတီ (KNPP) ၁၉၉၅ တွင် သုံးလတာအပစ်ရပ်ခဲ့ရာမှ နအဖ ၏ သဘောတူညီချက်ချိုးဖေါက်မှုကြောင့် အခုအထိပြန်လည်တိုက်ခိုက်နေသော်လည်း စစ်အစိုးရက အပစ်ရပ်စာရင်းမှ မဖျက်သေးပေ။

ကချင်ပြည်၌ ဒီမိုကရေစီသစ်တပ်မတော် - ကချင် (NDAK) နှင့် ကချင်လွတ်လပ်ရေးတပ်မတော် KIA တို့က မူအရ စစ်အစိုးရ၏ အသွင်ပြောင်းရေးအစီအစဉ်ကို လက်ခံထားသော်လည်း လက်နက်ချဖို့၊ တပ်ပြန်လည်ဖွဲ့စည်းဖို့ကိုလက်မခံနိုင် ကြောင်း ကချင်သတင်းအယ်ဒီတာ ကိုနော်ဒင်းကပြောပါသည်။

မွန်ပြည်သစ်ပါတီက - “နယ်ခြားစောင့်တပ် အသွင်ပြောင်းရေး” ဆိုသည့်အချက်သည် အပစ်စရပ်စဉ်က နအဖ တို့ထည့် သွင်း ပြောမထားခဲ့ဖူးသောကြောင့် လက်မခံနိုင်ကြောင်းပြောသော်လည်း တိုးတက်သောကရင်ဗုဒ္ဓဘာသာက ကရင် အမျိုးသားလွတ်မြောက်ရေးတပ်မတော် KNLA အား နအဖ နှင့်ပူးပေါင်းထိုးစစ်ဆင် တိုက်ခိုက်သည့်အပြင်နယ်ခြားစောင့် တပ်အသွင်ပြောင်းဖို့ နယ်မြေ တိုးချဲ့နေကြောင်း ကရင်သတင်းစဉ်အယ်ဒီတာ နန်းဖေါကေ ကဆိုပါသည်။
Rest of your post

ဆက်ဖတ်မယ်ဆိုရင်....

Monday, June 15, 2009

အဆုံးသတ် ကံမြင့်ချိန် (ဖတ်သင့် ဗဟုသုတ ရယူသင့်တဲ့  တပ်မတော်အရာရှိ အဖြစ်အပျက်)

စာဖတ်ပရိသတ်များ ခင်ဗျား
တပ်မတော် အရာရှိ တစ်ဦးရဲ့  ကိုယ်တွေ့ ဖြစ်စဉ်နဲ့ အတွေးအမြင် တစ်ခုကလည်း ဗဟုသုတ ရစရာမို့ ဒီကနေ့မှာ စာဖတ်ပရိသတ်များအတွက် တင်ပြပေးလိုက်ပါတယ်။ ကိုယ်ပြုသမျှ ကံဟာ တစ်နေ့မှာတော့ ကိုယ့်ဆီသာ ပြန်လာစမြဲမို့ စစ်ခေါင်းဆောင်တွေ အနေနဲ့ အချိန်မှီ အမြင်မှန်တရား ရရှိကာ တိုင်းပြည် ကောင်းကျိုး ဆထက်တံပိုး ဆောင်ရွက်ဖို့ လိုကြောင်း ဆောင်းပါးရှင်က ဆန္ဒပြု ပေးပို့ လာခြင်း ဖြစ်ပါတယ်။ အခုလို ပေးပို့လာတဲ့ ဆောင်းပါးရှင် တပ်မတော် အရာရှိ သိုးထိန်းအား ကျွန်တော် ကိုဖိုးတရုတ်မှ အထူး ကျေးဇူးတင်ရှိပါကြောင်း စည်းလုံးခြင်းရဲ့  အင်အား ၀က်ဘ်ဆိုဒ်မှ မှတ်တမ်းတင် ဂုဏ်ပြုအပ်ပါတယ် ခင်ဗျား။
အဆုံးသတ် ကံမြင့်ချိန်

ဆောင်းပါးရှင် - သိုးထိန်း (တပ်မတော် အရာရှိ တစ်ဦး)

ယနေ့ စစ်အစိုးရအုပ်ချုပ်သော စစ်အာဏာရှင် လက်အောက်မှ မြန်မာ ပြည်သူ ပြည်သား များသည် ကျီးလန့်စာစား ဘ၀ကို ရုန်းကန် ဖြတ်သန်းနေကြရသည်။ ခေတ်တစ်ခေတ်၏ မင်းကောင်း မင်းဆိုးအပေါ်တွင် အဓိက အကျိုးအမြတ် ခံစားနေရသည်မှာ ပြည်သူတွေသာ ဖြစ်ပါသည်။ ထို့ကြောင့် မြန်မာ ပြည်သူများခမျာ မင်းဆိုးမင်းညစ်တွေကြားမှာသာ ကျင်လည်ကြီးပြင်း နေခဲ့ကြရသည်မှာ ကံဆိုးလှပေသည်။ ဘယ်သောအခါမှ မင်းကောင်း မင်းမြတ် ပေါ်မည်နည်း။ ယနေ့ခေတ် ကာလကတော့ဖြင့် မင်းဆိုးမင်းညစ်တို့၏ တန်ခိုးအာဏာ အကြီးထွားဆုံး အချိန်ကာလ ဖြစ်ပေသည်။

ပြည်သူတွေခမျာ တံတားဆောက်လို့ အိမ်ဖယ်ပေးလိုက်ရပြန်ပြီ။ တပ်မြေမို့လို့ လယ်တွေ၊ ယာတွေ အသိမ်းခံလိုက်ရပြန်ပြီ၊ မိရိုးဖလာ လုပ်လာသော လယ်မြေတွေကို ပိုင်ရှင်အတိအကျ မပြနိုင်၍ တပ်ပိုင် အသိမ်းခံ လိုက်ရပြန်ပြီ စသည်….စသည်ဖြင့် ဒုက္ခ တွေ ပင်လယ်ဝေကာ ပြည်သူတွေ အတိဒုက္ခ ရောက်ကြသည်မှာ သနားစရာပင် မြင်တွေ့နေရသည်။

အဲ့ဒီလို ဖြစ်စဉ်တွေအတွက် ဖြေသာစရာ အကြောင်းအရာလေးတစ်ခု မြန်မာပြည်သူများကို ပြောပြချင်သည်။ ယနေ့ စစ်အစိုးရလက်ထက်တွင် လူသားများသာ မဟုတ် နတ်ဒေ၀တာများပါ မကျန် နေစရာ နေရာမရှိသည်ကို ယုံကြည်မည် လားမသိ။ ပြည်သူတွေ အားမငယ်ကြပါနဲ့၊ နတ်ဒေ၀တာတွေပင် နေစရာ ခဏခဏ အသိမ်းခံရလို့ ပြဿနာတွေ ဖြစ်ခဲ့ဘူးပါသည်။

ယခုဖော်ပြမည့် ဖြစ်စဉ်လေးသည် ကျွန်တော် တက်ရောက်ခဲ့သော စစ်တက္ကသိုလ်တွင် အမှန်တကယ် ဖြစ်ပျက်ခဲ့သော ဖြစ်စဉ်လေး ဖြစ်သည်။ ၎င်းဖြစ်စဉ်တွင် သိပ္ပံနည်းအရ လက်ခံဖွယ်ရာ မရှိသော သဘာဝလွန် ဖြစ်ရပ်များ ပါဝင်နေပေသည်။ ကျွန်တော်ကိုယ်တိုင်က စစ်သားလည်းဖြစ်၊ ယင်းသဘာဝလွန် ဖြစ်ရပ်များကိုလည်း မကြုံခဲ့ဖူး၍ မယုံကြည်ခဲ့ချေ။ သို့သော် ကိုယ်တိုင်ကြုံခဲ့ရသော ယင်းဖြစ်စဉ်လေးမှာတော့ ယုံရမလိုပင် ဖြစ်ခဲ့သည်ကို ၀န်ခံရပေမည်။

စစ်တက္ကသိုလ်သည် ယခင်က တပ်ရင်းတစ်ရင်းသာ ရှိသည်။ ကျွန်တော် စစ်တက္ကသိုလ်ရောက်တော့ တပ်ရင်း(၂)ရင်း ဖြစ်နေချေပြီ။ တပ်ရင်း(၁)နဲ့ တပ်ရင်း(၂)။ အသစ် တိုးချဲ့ထားသော တပ်ရင်း(၂)သည် ယခင်က တောအုပ်ကြီး၊ ၎င်းတောအုပ်ကြီးကို ခုတ်ထွင် ရှင်းလင်းပြီး တပ်ရင်း(၂) ကို တည်ဆောက်ခဲ့ခြင်း ဖြစ်သည်။ ကျွန်တော်က တပ်ရင်း (၁)မှ ဖြစ်သည်။ ကျွန်တော် Final year ရောက်တော့ တပ်ရင်း(၃) ကို တိုးချဲ့ တည်ဆောက်သည်။ ၎င်းတပ်ရင်း(၃)သို့ ကျွန်တော် ပြောင်းရွှေ့ခဲ့ရသည်။

၎င်းတပ်ရင်း (၃) ရှိ ကျွန်တော်တို့ တပ်ခွဲနောက်တွင် “ရေကွက်” လေးတစ်ခု ရှိသည်။ ပေ ၂၀ သာသာ လောက် ရှိမည်။ ဘယ်က ဘယ်လို ရေထွက် နေသည် မသိ။ အပြင်ကို လျှံမသွား၊ ရေလည်းခမ်းမသွား ၎င်း “ရေကွက်” လေး၏ ဘေးတွင် သစ်ပင်ကြီးတစ်ပင် ရှိသည်။ ထိုသစ်ပင်ကြီး အောက်တွင် နတ်စင်လိုလို ခပ်ယိုင်နဲ့နဲ့လေး တစ်ခုပြုလုပ်ထားသည်။ ဘယ်သူက လာလုပ်သွားသည်မသိ။ သေချာတာကတော့ ကျွန်တော်တို့ တပ်ရင်း(၃)ကို ပြောင်းရွှေ့မလာခင်ကတည်းက ရှိနေသော နတ်စင် လေးဖြစ်သည်။

ကျွန်တော်တို့ Final year များကတော့ အယုံအကြည် သိပ်မရှိ။ ထမင်းစား တန်းဖြုတ်ပြီး အပေါ့သွားချင်သည် ဆိုပါစို့၊ အိမ်သာသို့ ၀င်မသွားတော့။ ၎င်းရေကွက်၏ အပေါ် လှေကားထစ်မှ “ရေကွက်” ထဲသို့ ကော့ကော့ပန်းကြသည်မှာ အကျင့်လို ဖြစ်နေသည်။ စားရိပ်သာနှင့် လမ်းသင့်၍ လည်းကောင်း၊ “ရေကွက်” ရေမျက်နှာပြင်နဲ့ ရူးရူးတို့ ထိတွေ့သွားသည့် ပလုံစီ အသံလေးကပင် နားထောင်ကောင်းသယောင်၊ ဒီကြားထဲ First year များကို အမှိုက်သွန်ခိုင်းလျှင် စီနီယာ ဗိုလ်လောင်းများ လစ်တာနဲ့ ၎င်းရေကွက်ထဲသို့ ပစ်ချကြသည်။ အမှိုက်ပုံသို့ မသွားကြ။ အမှိုက်ပုံက ဝေးသည်လေ။ ဒီလိုနဲ့ ရေကွက်ကလေးကို လုပ်ချင်သလို လုပ်နေကြရာ တစ်နေ့ တပ်ခွဲမှူးအရာရှိက ကျွန်တော်တို့ Final year များကို လာပြောလေသည်။

“၎င်းအား ညက ပိတ်ဖြူစင်ကြယ်နှင့် အဘိုးကြီးက အိပ်မက်လာပေးကြောင်း သူ့ရဲ့ ရေကွက်ထဲသို့ အမှိုက်တွေ ပစ်ကြောင်း၊ အပေါ့အလေး စွန့်ကြောင်း မင်းလူတွေ မင်းထိန်းလို့ ပြောသွားကြောင်း” ကျွန်တော်တို့ကို အကြားအမြင်ရ ပုဂ္ဂိုလ်တစ်ဦးပုံစံနဲ့ လာပြောလေသည်။ ကျွန်တော်တို့က ပြန်မပြောရဲ၍သာ ငြိမ်နေရသည်။ စစ်သားကို အိပ်မက်အကြောင်း လာပြောတော့ ကျွန်တော်တို့ နားထဲ ကန့်လန့်ကြီး ဖြစ်နေတာ သေချာသည်။ ဒါပေမဲ့လည်း ၎င်းဗိုလ်ကြီး စိတ်ကျေနပ်အောင် First year များ ရေကွက်ထဲသို့ အမှိုက်မပစ်ရန် တင်းကြပ်စွာ အမိန့်ထုတ် ပေးလိုက်ရတော့သည်။

သို့ပေမယ့် စစ်တက္ကသိုလ်မှာ ထိန်းမရဆုံးက Final year များဖြစ်ကြသည်။ ရေကွက်ထဲသို့ အပေါ့မသွားပါနဲ့ တောင်းပန်လည်းမရ၊ အပေါ့သွားမြဲ သွားသည်။ နောက်တပတ်လောက်လည်းကျရော တပ်ခွဲမှူးအရာရှိ ပြန်ရောက်လာပြီး ညက သူ့ကို အိပ်မက်ထဲမှာ လည်ပင်းလာညှစ်ကြောင်းပြောပြီး ပုဆိုးကို ခါးတောင်းကျိုက်၊ ပေါက်တူးတစ်လက်နဲ့ ရေကွက်ထဲဆင်းပြီး သန့်ရှင်းရေး လုပ်နေပါတော့သည်။ သူပြန်တော့ နတ်စင်လေးမှာ ဖယောင်းတိုင်နဲ့ ထမင်းတောင် ကပ်သွားလိုက်သေးသည်။ ၎င်းတပ်ခွဲမှူးကို ဘယ်လို ယုံကြည်ရမှန်းမသိ၊ စိတ္တဇဖြစ်နေပြီလားလို့တောင် ထင်လိုက်မိသည်။

ဒါပေမဲ့ ၎င်းအရာရှိ ကတော့ အပတ်စဉ်ပုံမှန် ၎င်းရေကွက်ကို သန့်ရှင်းရေးလာလုပ်သည်။ ကျွန်တော်တို့ ကတော့ နေ့စဉ်မှန်မှန် ရေကွက်ထဲ အပေါ့သွားသည်။ ဒီလိုနဲ့ တစ်ည First year ခန်းဘက်မှ ဆူဆူညံညံ အသံများ ကြားလိုက်ရသည်။ စစ်တက္ကသိုလ်တွင် ဂျူနီယာများ ဤကဲ့သို့ ဆူဆူ ညံညံလုပ်ဖို့ နေနေသာသာ စီနီယာရှေ့တွင် စကားပင် ပြောခွင့်မရှိ၊ ကျွန်တော်တို့ စိတ်အရမ်းတိုသွားသည်။

ဒါနဲ့ Final year ဗိုလ်လောင်းတွေ First year အခန်းထဲ ချက်ချင်း ထလိုက်ကြသည်။ First year က ပထမဆုံး ၀င်လာတဲ့ ဗိုလ်လောင်းတပ်ခွဲမှူးကို ပြေးထိုးပါတော့သည်။ ဗိုလ်လောင်းတပ်ခွဲမှူးခမျာ ဖင်ထိုင်ပါကျသည်။ ကျွန်တော်တို့လည်း စိတ်အရမ်းတိုကာ ၎င်း First year ဆီ ပြေးအ၀င်၊ ၎င်း First year ကလည်း တစ်ယောက်ပြီး တစ်ယောက် ဆင့်ဆင့်ထိုးလိုက်တာ အကုန်လုံး အကွဲကွဲ အ ပြဲပြဲ ဖြစ်ကုန်သည်။

အဲ့ဒီ First year ကို Second year ၁၀ယောက်လောက် ၀ိုင်းချုပ်တာတောင် ထိန်းလို့ သိမ်းလို့မရ၊ နောက်အသံနက် ကြီးနဲ့ ထအော်တော့သည်။ “မင်းတို့ အရာရှိကို သွားခေါ်တဲ့” ကျွန်တော်တို့လည်း အခြေအနေ မဟန်တာနဲ့ တပ်ခွဲမှူးအရာရှိကို သွားပြေးခေါ်ရသည်။ တပ်ခွဲမှူးအရာရှိရောက်လာပြီး သောင်းကျန်းနေတဲ့ First year ကို မြင်တယ်ဆိုရင်ဘဲ ချက်ချင်း လှည့်ပြေးပြီး တပ်ရင်းမှူး ဒုဗိုလ်မှူးကြီး အောင်နိုင်ကို ပြေးခေါ်ပါတော့သည်။ သိပ်မကြာလိုက် တပ်ရင်းမှူး ရောက်ချလာသည်။ တပ်ရင်းမှူး ရောက်လာသည်အထိ First year ရဲ့ အခြေအနေကို မထိန်းသိမ်းနိုင်သေး။ ရုန်းရင်းဆန်ခတ် ဖြစ်နေဆဲပင်။

တပ်ရင်းမှူးကို မြင်သည်နှင့် First year က “ဟေ့ကောင်တွေ မင်းတို့ဟာက မလွန်ဘူးလားကွ ဟင်.. ငါ့ဘာသာငါ ဟိုဘက်မှာ နေတယ်” ဆိုပြီး လက်ညိုးလှမ်းထိုးပြတဲ့နေရာက ယခင်တောအုပ်ကြီးကို ရှင်းပြီး ဆောက်လုပ်ထားသောတပ်ရင်း(၂)၊ ပြီးတော့ ဆက်အော်ပြန်သည်။“မင်းတို့ရွှေ့ ဆိုလို့ ဒီဘက်ရွှေ့လာပြီးပြီ။ တခါထပ်ပြီး ကျူးကျော်လာပြန်ရော၊ တစ်ကောင်မှ လေးစားမှု မရှိဘူး၊ ငါ့ကို နေရာတစ်နေရာစာ အမြန်ပေးစမ်း” ဆိုပြီး အသံနက်ကြီးနဲ့ အားရပါးရ အော်ကာ ရပ်သွားတော့သည်။ အပ မီသလိုလို ဖြစ်နေသော First year လည်း အရုပ်ကြိုးပြတ် လဲကျသွားသည်။ ကျွန်တော်တို့မှာ အပမီသည်ဆိုလို့သာ သီးခံလိုက်ရသည်၊ ၎င်း First year ထိုးထည့်လိုက်သော ဗိုလ်လောင်းများမနဲ။

နောက်နေ့ တပ်ရင်းမှူး ဒုဗိုလ်မှူးကြီး အောင်နိုင် ကိုယ်တိုင် ပြန်တမ်းစာတခု ယူလာပြီး တပ်ခွဲ အနောက်ဘက်ရှိ အပင်က ရုက္ခစိုးကို အနောက်ဘက်က တောအုပ်ထဲသို့ ရွှေ့ပေးလိုက်ရသည်။

အဲဒီအဖြစ်အပျက်ကလေးသည် စစ်တက္ကသိုလ်တွင် အမှန်တကယ် ဖြစ်ပျက်ခဲ့ခြင်းဖြစ်သည်။ ဤဖြစ်စဉ်နှင့်တဆက်တည်း ရာဇ၀င်လေးတစ်ခုကို ပြောပြချင်သည်။ အနော်ရထာမင်းကြီး ဘုန်းတန်ခိုး လွန်စွာ ထက်မြက်နေသော အချိန်က သစ်ပင်စောင့် ရုက္ခစိုး နတ်တစ်ပါးကို ကျိန်ဖြင့် ရိုက်၍ အပြစ်ပေးဖူးသည် ဟူ၏။ အကြောင်းက အနော်ရထာမင်းကြီး တိုင်းခန်းလှည့်လည်လာစဉ် သစ်ပင်စောင့်ရုက္ခစိုးက ခရီးဦးကြိုမပြု ဘဲ နေခဲ့သောကြောင့် ဟုဆို၏။

သို့ပေမဲ့ အနော်ရထာ ဘုန်းတန်ခိုး အာဏာယုတ်လျော့ လာသောအခါ ၎င်းကိုယ်တိုင် ကျိန်ဖြင့် ရိုက်၍ အပြစ်ပေးခဲ့သော ရုက္ခစိုးက ကျွဲယောင် ဖန်ဆင်း၍ အနော်ရထာမင်းအား ရန်ငြိုးထား ဝှေ့သတ်ခဲ့သည်ဟု ရာဇ၀င်များတွင် ကြားဖူး လေသည်။( ပါးစပ်ရာဇ၀င် ဖြစ်ကောင်း ဖြစ်နိုင်ပါသည်)

၎င်းရာဇ၀င်လေးနှင့်ဆက်စပ်စွာ ယနေ့စစ်အာဏာရှင် လူတစ်စုသည် ဘုန်းတန်ခိုး အာဏာ အမြင့်ဆုံး အချိန်ကို ရောက်ရှိနေသည်မှာ သေချာလှသည်။ သို့သော်လည်း ကျွဲဝှေ့ခံရဖို့ အချိန်ကလည်း တဖြည်းဖြည်း နီးလာပြီ ဆိုတာကိုလည်း စေတနာရှေ့ထား၍ သတိပေး နှိုးဆော်လိုက်ရခြင်း ဖြစ်ပါတော့သည်။

(စာကြွင်း။ ။ ကျွန်တော်တို့ စစ်တက္ကသိုလ်မှ ကျောင်းဆင်းပြီး ဘွဲ့လွန်သင်တန်း တက်ရန် ပြင်ဦးလွင်သို့ ပြန်ရောက်သောအခါ ကျွန်တော်တို့ တပ်ခွဲနောက်မှ ရုက္ခစိုးအား နေရာရွေ့ပေးခဲ့သော တောအုပ်ကြီးတွင် တပ်ရင်းအသစ်တစ်ခု တိုးချဲ့နေသည်ကို တွေ့ခဲ့ ရပါသည်။)
http://www.photayokeking.org/ ကိုဖိုးတရုပ် အင်တာနက်စာမျက်နှာမှ ကူးယူ သိမ်းဆည်းပါသည်။
Rest of your post

ဆက်ဖတ်မယ်ဆိုရင်....

ကျနော်စစ်သား စဉ်းစားသည်

ဆောင်းပါးရှင် - ညီတိုးငြိမ်း (ပြည်တွင်းမှ တပ်မတော် အရာရှိ တစ်ဦး)
authentic-leaderစစ်တပ်ထဲက တပ်တွင်းအချုပ်တွင် ချုပ်သွင်းထားသော အချုပ်သားကို လူတစ်ယောက်က ခိုးကြောင်ခိုးဝှက် လာတွေ့သည်။ လက်ရှိ ဥပဒေအရ အချုပ် ခံထားရသူသည်သာ အပြစ်ရှိသူ ဖြစ်နေသည် ဆိုလျှင် လက်ရှိ စစ်ထောင် အသီးသီးရှိ အချုပ်ခံ စစ်သားတို့ကို လွတ်မြောက်အောင် ၀ိုင်းကူညီကြမည်။ ကူညီသူများကို မိလျှင်လည်း ချုပ်ခံနေရသော အချုပ်သားမှာသာ အပြစ်ရှိမည်။ ကူညီသူ သွားတွေ့သူမှာ အပြစ် မရှိနိုင်ပေဟု ထပ်တူပုံတူ ကူးသော အတွေးဖြင့် ကိုယ်ချင်းစာ တွေးနေမိသည်။ ထို့ပြင် ဗဟိုကင်းတို့ ဘာတို့ အစောင့်တို့လည်း လုံးဝ အပြစ်မရှိ၊ ဒီလို သဘောလား၊ တွေးကြည့်ပါကုန်။

မနှစ်တုန်းက ဖြစ်ခဲ့သော အလားတူဖြစ်စဉ်မျိုးကို အချုပ်နှောင်ခံ အကျဉ်းစံက တိုင်တန်းသတင်းပို့ချက် ပြုပါရက်ကယ်နဲ့ မသိကျိုးကျွံပြုထားပြီး ယခုနှစ် အလားတူ ဖြစ်လာသော အခါကျမှ ကြီးကျယ်သော ပြစ်မှုကြီး ဖြစ်လေဟန် ရုပ်လုံးဖေါ်ခြင်းသည် တရားမျှတခြင်း ရှိပါရဲ့လား။ ထောင်ချောက်လေလား။ လုပ်ကွက်ဇာတ်လမ်း ဆင်တာလေလား။ လုပ်ကြံဖန်တီးချက်လား။ လေလားတွေ များပြီးေ၀၀ါးလာလေရဲ့၊ ဖမ်းလည်း ဖမ်းထားသေး။ ထိတွေ့ဆက်ဆံမှု အားလုံးကိုလည်း ဖြတ်တောက် ထားသေး။ မရှက်သော ယက်တော မြက်လျောလို ခိုးဝင်လာလို့ အကျဉ်းစံ မဟာလူသားက တိုင်ကြားသတင်းပို့ရန် ကြံကာရှိသေး။ တစ်ဦးတည်းသော ထိတွေ့ခွင့်ရရာ ဆေးဆရာဝန်ကို လုံခြုံရေး တာဝန်ခံ ဆိုသူတွေက ဆည်ပေါက်ဝ ဗျိုင်းစောင့် ဖမ်းသလို ပိတ်ဖမ်းပြီး အဆက်သွယ် ဖြတ်လိုက်ပြန်သေး။ ပြီးတော့ အနှောင်စံ အမျိုးသမီး အထီးကျန် အကျဉ်းစံ သုံးဦးကို ဘယ်သူကိုမှ သတင်းမပို့လို့တဲ့ ။ တရားချက်ကွာ။ တောက် ….

ဟော …

အခု အမှုတွေ စစ်သတဲ့။ တရားတွေ စွဲသတဲ့။ ဖြစ်စဉ်တွေ တသီကြီးနဲ့ စွဲချက်တွေ တင်သတဲ့။ အဲဒီဖြစ်စဉ်စွဲချက်တွေထဲ အကျဉ်းစံ မဟာ လူသားတို့ကို မလှုပ်မပြေးနိုင်အောင် ပတ်လည်ကာကွယ်စောင့်ကြည့် တာဝန်ယူရတဲ့ လုံခြုံရေး ဆိုသူ တာဝန်ရှိသူတွေကျ တခွန်းမှ မဟ။ တစမှ မဖေါ်။ ပေါ်လာမှာတောင် ကြောက်နေဟန်နဲ့ ရေငုံရယ်တဲ့မှ နှုတ်ပိတ်။ ဒါကြောင့်လည်း တရားသူကြီးဆိုတဲ့ ဘက်လိုက်တော်သားကြီး အိမ်ကို ဂဲ နဲ့ အထုခံရတာ .. နည်းတောင် နည်းသေး။

ကျုပ် စစ်သားသာ အဲဒီ မတရားသူကြီး ဆိုသူနဲ့ အိမ်ချင်းနီးနေရင် မီးတောင် တင်ရှို့ပစ်မယ် မှတ်။ ဒီလောက်တောင် ပေါ်တင်ကြီး ညစ်ပတ်နေမှန်း သိရက် တရားသူကြီးဆိုတဲ့ နာမည်ခံရဲတဲ့ ကောင်။ ၀တ်လုံနက်ကြီး ၀တ်ရဲတဲ့ကောင်။ ဒါလား တရားမျှတမှုကို ဖေါ်ဆောင် စီရင်မယ့် တရားသူကြီးလားကွ ဆိုပြီး ငတို့ ရှေ့တန်းမှာ မိုင်းထောင် လူသတ် မုဒိမ်းကျင့် တရားခံမိရင် စစ်ဆင်ရေးကာလ အပြစ်ပေး နည်းကားနဲ့ လည်ပင်း ၀ါးကြောလှီးသတ် သလိုတောင် သတ်ချင်မိသေး။

တရားမျှတမှု ဆိုတာတွေ ငတို့ လူနေမှု စနစ်ထဲ မရှိတော့ရင် ငတို့လည်း လူသားချင်းစာနာတယ် ဆိုတဲ့ ထောက်ထားစာနာမှုကို ခနခေတ္တတော့ ဘေးဖယ်ထားရကောင်း ထားရနိုင်တယ်။ ဥပဒေမဲ့ လုပ်ရပ်တွေ လုပ်နေတဲ့ ဒီလို ဥပဒေ ဘက်တော်သား ဆိုသူကို ဥပဒေ စီရင်ထုံးတွေ တည်ဆောက်ပြီး စီရင်စွဲချက်တင် နေလို့ မဖြစ်နိုင်ဘူး။ ပြတ်ပြတ်ဘဲ ရှင်းစရာ ရှိတော့မယ်။

နောက်ပြီး ..

ပြစ်ချက်တွေ တစ်ခုပြီးတစ်ခုနဲ့ စွဲချက်တင်။ အကြောင်းပြချက် အမျိုးမျိုးနဲ့ ခေါင်းစဉ်တပ်။ နည်းအမျိုးမျိုးနဲ့ ဖမ်းဆီးချုပ်နှောင်ခဲ့တာ နှစ်ပေါင်းလည်း မနည်းတော့ဘူး။ ဒါတောင်မှ ခုတခါ ဖမ်းရတာဟာ မဖမ်းချင်ဘဲ ဖမ်းရတာပါတဲ့။ လွှတ်တော့မယ့် ဆဲဆဲ။ အခုလို မြက်လျော ယက်တောကို လက်ခံတွေ့ဆုံခဲ့လို့ မဖမ်းချင်ဘဲ ဖမ်းရတာတဲ့ ။

ငါစစ်သားနဲ့ အဲဒီစကားပြောတဲ့ ရဲချုပ်ဆိုသူ သက်ကြားအို ဗိုက်ရွှဲ စစ်ဓါးမြဗိုလ်ချုပ် နှစ်ယောက်ချင်းယှဉ်ပြီး ဘယ်ကောင် တိုင်းပြည်ကို ပိုချစ်သလဲ ။ ဘယ်ကောင် မှန်သလဲ မှားသလဲ။ လက်ရုံးရည် နှလုံးရည် ဘယ်သူ ပြည့်သလဲ အများ ပြည်သူလူထုရှေ့ ပြိုင်လိုက်ချင် စမ်းပါဘိ။

ဟော အခုကြည့် စွပ်စွဲခံရသူ ဘက်က ထိမိခိုင်မာတဲ့ ထွက်ဆိုခြေပချက်တွေလည်း ပေးလိုက်ရော။ အဓမ္မသမားတွေ ရုံးချိန်းရွှေ့တယ် ဆိုပြီး ဆင်ကြံကြံဖို့ အချိန်ယူတော့တာပဲ။ စဉ်းစားတတ် သူတိုင်း သိနေတာဘဲ။

unjustifiedလွှတ်ရက်စေ့လို့ မဖြစ်မနေ လွှတ်ရတော့မယ့် ခေါင်းဆောင် တစ်ယောက်။ ဒီခေါင်းဆောင်က ညွှန်ကြားရင် တာဝန်ပေးရင် ဘာမဆို လုပ်မယ့် ငတ်မွတ်ဆင်းရဲနေတဲ့ လူထုကြီးက တလှုပ်လှုပ်။ တိုင်းပြည်က ဖွတ်ကျောထက်က ဂျွတ်ပွေးသာသာ အခွံပဲကျန်ပြီ။ လူတွေ အချင်းချင်း အမွဲပြိုင်ရင်တောင် လူတိုင်းဟာ ပထမ ဆုချည်းဘဲချိတ်မယ်။ အမွဲဆုံး ဆုတွေ လူတိုင်းကို ပေးပါဆိုရင် ခြေလျှင် ခြေမြန်တပ်ရင်းက ကျုပ်တပည့် ရဲဘော် အကြပ်တွေ စစ်သည်တွေ ထိပ်ဆုံးက ပါမှာ အသေအချာပဲ။ သူတို့လည်း ငမွဲပဲ။ မမွဲတဲ့ လက်နက်ကိုင်တပ်ဆိုလို့ မြို့ပြက စစ်မလိုင်တပ်တွေ။ အပါးတော်မြဲ လုံခြုံရေး တပ်တွေ။ ကိုယ်ရံတော် တပ်တွေသာ အခွင့်အရေးတွေ တပြုံတမကြီးနဲ့ စည်းစိမ်ခံ ယစ်မူးနေနိုင်တာ။ အားလုံး သိနေကြတာဘဲ။

ဒီကနေ့ ဖြစ်နေတဲ့ တိုင်းပြည်အခြေအနေကို ပြည်သူတိုင်း စိတ်ပါဝင်စားနေကြသလို တပ်ထဲက ကျုပ်တို့ စစ်သားတွေလည်း တမျှော်မျှော်ဆိုတာ အသိပေးလိုက်မယ်။ ကျုပ်တို့လည်း ပဒေသာရာဇ် စစ်ကျွန် ဘ၀က လွတ်ချင်တာမှ အရူးတပိုင်းဆိုတာ ပြည်သူတွေ သိစေချင်တယ်။

မနက်ဖြန် ဘာဖြစ်မယ် အသေချာ မတွေးနိုင်။ ဆင်းရဲလိုက်တာမှ လည်း တာတေလံ။

ဒီကြားထဲ အခွန်က ဖိစီး။ ကုန်ဈေးနှုန်းက ဖိစီး။ ရာသီဥတု ဖေါက်ပြန်မှုက ဖိစီး။ အာဏာပိုင် အောက်ခြေ အဆင့်ဆင့်က ဖိစီး၊ခွေးကျွန် အတွေးရှိသူတွေက ဒီစာတွေ ဖတ်ပြီး လေထွားတဲ့ ကောင်လို့ ဆိုချင်ဆိုမယ်။ အများပြည်သူရှေ့ လွတ်လပ်တဲ့ စောင့်ကြည့်တဲ့ တရားစီရင်ခွင့်သာ ပေးလိုက်စမ်းပါ။ ငါပြောသလို ဘယ်သူက စစ်သား ပီသ သလဲ ခေါင်းမော့ ရင်ကော့ပြီး ပြိုင်ရဲတယ်။

တကယ်တမ်းသာ ပြည်သူကို ကာကွယ်စောင့်ရှောက်တဲ့ စစ်သားမှန်ရင် ပြည်သူ့အနာဂတ်ကို ထိပါးလာတဲ့ လုပ်ရပ် မှန်သမျှကို လက်မခံရဘူး။ ပြည်သူကို ခြိမ်းခြောက်လာတဲ့ ဖိစီးမှုမှန်သမျှကို လက်မခံရဘူး။ ပြည်သူတရပ်လုံးနဲ့ ယှဉ်တဲ့ တရားဥပဒေ ပျက်ယွင်း မိုက်မဲမှု လုပ်ရပ်တွေကို သိနေ မြင်နေ ကြားနေ တွေ့နေပါရက် ခေါင်းလွှဲ မျက်လုံးလွှဲနေရင်………..

ဟေ့ …… ပြည်သူတွေ ချွေးနည်းစာကနေ ပေးတဲ့ အခွန်ငွေနဲ့ စစ်သားရိက္ခာ စစ်သားလစာစားပြီး ပြည်သူလူထုအကျိုးကို မကြည့်တဲ့ ငမိုက်သားတွေပဲ ဖြစ်လိမ့်မယ်။

ပြည်သူ့မျက်နှာ ပြည်သူ့ အနာဂတ်၊ ပြည်သူ့ ခံစားချက်ကို မျက်ကွယ်ပြုပြီး ငါ့တကိုယ်အကျိုး ငါ့အခွင့်အရေး၊ ငါ့ရာထူး ဆိုတာကိုပဲ တွက်ချက် တုံ့ဆိုင်း မှုန်မှိုင်းနေအုံးမယ် ဆိုရင် ဒီမှာ ကိုယ့်လူတို့….

ကိုယ့်သခင် ထင်ရာစိုင်းသမျှ နောက်က တကောက်ကောက်လိုက် တဟဲဟဲ ပါးစပ်တဖြဲဖြဲ၊ တနှဲ့နှဲ့ ကောက်သောအမြီး တရှုးရှုးနဲ့ သခင်ညွှန်ရာ အမဲကောင်နောက် ဂမူးရူးထိုး လိုက်ဟောင်တတ်တဲ့ အမဲလိုက် ခွေးတွေ မြင်ဖူးသလား။ တွေးကြည့်စမ်း။

သူတို့က သူ့သခင် ကျွေးမယ့် အမဲတစ်တုံး အရိုးတစ်ချောင်းကိုပဲ မြင်တတ်ကြတာ။ အရိုးတစ်ချောင်း အသား တစ်တုံးနဲ့ သဏ္ဍာန်တူတဲ့ ကားပါမစ် တစ်ခု တဆင့်တိုး ရာထူးလေး တစ်နေရာ။ မြေကွက်ပါမစ် ဖုန်းပါမစ်လေး တစ်စောင်၊ ဘဏ်စုငွေ ကိုယ့်ပိုက်ဆံလေး ပြန်ထုတ်ခွင့် ဆိုတဲ့ အခွင့်အရေး ၊ခွေးလှေးဖုံ လောက် ခံစားခွင့်လေး မက်လုံးပေးလို့ ကိုယ်ကတော့ လေးချောင်းထောက်ရတဲ့ ဘ၀မျိုး ပြောင်း မသွားစေနဲ့ဟေ့ …

ဒီမယ်…. ဒီစကားပြောနေတဲ့ကျုပ်…. အရပ်သား မဟုတ်ဘူး။ စစ်ဝတ်ယူနီဖေါင်းကို စမတ်ကျကျဝတ်။ ခေါင်းမော့ရင်ကော့ပြီး ပြည်သူ့ ကောင်းကျိုးအတွက်ဆို အရာရာ တွေးကြံပြုမူဖို့ အသင့်ဖြစ်နေခဲ့တဲ့ စစ်သားဟောင်း တစ်ယောက်ပဲ။

စစ်သားဆိုတာ ပြည်သူကို ကာကွယ်စောင့်ရှောက်ရေးတာဝန်၊ ဒီအတွက်ဆို အသက်ကို ရဲရဲစွန့်နိုင်ဖို့ စိတ်ပိုင်းဖြတ်ထားသူမှ စစ်သားဖြစ်တယ်။ စစ်သား စစ်မယ်။ စစ်သားလို့ ကြွေးကြော်နိုင်တယ်။

အခု ငါပြောနေတာကလည်း ပြည်သူ့အကျိုး နိုင်ငံ့ အကျိုးအတွက်ပဲ ဖြစ်လို့ ငါ စစ်သားစိတ်နဲ့ ပြောမယ်။ ငါတို့ စစ်သားတွေ စစ်ကျွန်မဟုတ်ဘူး။ စစ်ခွေးလို့ စွပ်စွဲခံနေရတဲ့ ခိုင်းရာလုပ် ဘ၀က ရုန်းထွက်ကြ….

ငါတို့ စစ်သားဆိုတာ ပြည်သူပေးတဲ့ အခွန်ငွေ လစာကို စား၊ ပြည်သူအကျိုးကို ဆောင်ပါမယ်၊ ပြည်သူကို ကာကွယ်ပါမယ်လို့ နေ့စဉ် သစ္စာတွေ ရွတ်နေရတာ။ သစ္စာတည်အောင် ကြိုးပမ်းဖို့ လိုတယ်။ ကတိတည်အောင် လုပ်ကြဖို့ လိုတယ်။ ဒါမှ မဟုတ်ရင် သစ္စာစူးလိမ့်မယ်။ သစ္စာစူးမှာ မကြောက် ငရဲချိုးကပ်မှာ မကြောက် သခင်အလို တစ်ခုသာ ကြည့်ပြီး ဘယ်သူ့ ကိုက်ရကိုက်ရ ဘယ်သူ့ကို ပစ်သတ်ရ သတ်ရ လုပ်နေ သတ်နေတဲ့ လက်ရဲဇက်ရဲ လက်နက်ကိုင် တပ်ဖွဲ့ဝင် မှန်သမျှကို ပြည်သူ့စစ်သား စစ်စစ်တွေက တိုက်ထုတ်ရမယ့် တာဝန်ရှိတယ်။

လက်နက်မဲ့ အကြမ်းမဖက် ကျောင်းသား၊ ရဟန်း၊ လူထု ပြည်သူကို သွေးအေးအေးနဲ့ ပစ်သတ်နေတဲ့ လက်နက်ကိုင် အဖွဲ့တွေ အမိန့်ပေး စေခိုင်းသူတွေ အားလုံးဟာ ပြည်သူ့ ရန်သူပဲ။ ပြည်သူ့ စစ်သားတို့ရဲ့  ရန်သူပဲလို့ ငါတို့ ခံယူတယ်။ ယုံကြည်တယ်။

ငါတို့ နိုင်ငံ ဒီကနေ့ ဘာတွေ ဖြစ်နေသလဲ။ ငါတို့ မြင်အောင် ကြည့်ကြရမယ်။ သိအောင် ကျင့်ကြရမယ်။

တရားမျှတမှုဆိုတာရဲ့ အဓိပ္ပါယ်ဆိုတာကို ငါတို့ ဘယ်လို နားလည်ခံယူရမှာလဲ။ ဘယ်လို တည်ဆောက်ကြမှာလဲ။ သိသိကြီးနဲ့ ဗြောင်ကျကျကြီး အလိမ်ခံနေခဲ့တယ်ဆိုတဲ့ လူ့သမိုင်းစဉ်ကို ဒို့မြန်မာ တိုင်းရင်းသားတွေ ရေးခဲ့ကြမှာလား။

အလိမ်ခံခဲ့ရတယ် ဆိုတာထက် လူလိုသတ္တိ မမွေးရဲခဲ့လို့ မျိုးရိုးနဲ့ချီပြီး အောက်တန်းသိပ်ကျခဲ့ရတယ် ဆိုတဲ့ သမိုင်း အမွေဆိုး ကျန်နေခဲ့မှာကိုပဲ သိပ်စိုးထိတ် မိတယ်။

ငါတို့ လူဖြစ်ရင် လူပီသရမယ်။ စစ်သားဖြစ်ရင် စစ်သား ပီသရမယ်။ ကိုယ်ဖြစ်တဲ့ ဇာတ်ရုပ်ကို ကိုယ်ကမှ ပီပြင်အောင် မက နိုင်ခဲ့ဖူးဆိုရင် အရိုးတွေ တွန်ချိန်မှ “က” ကြမှာလား၊ သေနှင့်ပြီးတဲ့ ရှေးမြန်မာ သူရဲကောင်းတွေ စိတ်ချ နေနိုင်အောင် ဒို့တွေ မြန်မာ ပီသမှ ရမယ်။ မြန်မာဆိုတာ မျိုးရိုးနဲ့ ချီပြီး သတ္တိ၊ ဗျတ္တိ ရှိခဲ့တယ်လို့ ကမ္ဘာ့ သမိုင်းမှာ မှတ်တမ်းဝင်ခဲ့တယ်။

ဒါကို ဒို့ခေတ်ကျမှ ခြေနဲ့ ဖျက်ကြတော့ မှာလား။ စစ်သားတို့ စဉ်းစား။ နိုင်ငံသားတို့ စဉ်းစား။ မျိုးဆက်သစ်တွေ စဉ်းစား။ ဟေ့ အွန်လိုင်းပေါ်မှာ တိုက်နေယုံနဲ့ မြန်မာပြည် လွတ်လပ်မလာဘူး ဆိုတာ လက်ခံတယ်။ ဒါပေမယ့် လူမှု ကူးလူးဆက်သွယ်ရေး၊ စိတ်ဓါတ်ပေါင်းကူး တည်ဆောက်ရေး အတွက် အင်တာနက် ကွန်ယက်ကသာ ယနေ့ အထိရောက်ဆုံး ဖြစ်နေလို့ ခေတ်အခြေအနေအရ အွန်လိုင်းမှာ ရေးရတာပဲ။ ရေးကို ရေးရမှာဘဲ။

ကျနော် ရန်ကုန်မှာ နေပါတယ်။ နိုင်ငံရေး ဒုက္ခသည် မဟုတ်ပါ။ ဒေါ်လာ လက်ဖြန့် တောင်းနေသူလည်း မဟုတ်။ စည်းလုံးညီညွတ်ရေး တိုးတက်ရေး ငြိမ်းချမ်းရေး အတွက် ဘယ်လို လူမျိုးနဲ့ မဆို ပူးပေါင်းဆောင်ရွက်ဖို့ အသင့်ရှိနေတဲ့ မျိုးချစ်စစ်သားဟောင်း တစ်ယောက်ပါ။

ပြီးတော့ တပ်မတော်ကို ချစ်တယ်။

ကိုယ့်တိုင်းပြည်ကို ချစ်တယ်။

အထက်ပါ စာမူအား တင်ပြခဲ့တဲ့ နေ့ရက်ကတော့ Monday, June 15th, 2009 ဖြစ်ပြီး အချိန် 2:00 am မှာ ဖြစ်ပါတယ်။ ဒီ စာမူရဲ့  အမျိုးအစား ကတော့ တိုက်တွန်းပြောကြားခြင်း ဖြစ်ပါတယ်။ သင့်အနေနဲ့ သဘောအမြင် အယူအဆများကို ပေးသွားလို့ ရပါတယ်။ ယခုလို အားပေး ကြည့်ရှုတဲ့ အတွက် ကျေးဇူးတင်ပါတယ် ခင်ဗျား။
ကhttp://www.photayokeking.org/ ကိုဖိုးတရုပ် အင်တာနက်စာမျက်နှာမှ ကူးယူတင်ပြပါတယ်
Rest of your post

ဆက်ဖတ်မယ်ဆိုရင်....

ပွားနေတာ ပွားနေတာ

ဝါရှင်တန်ရောက် မြန်မာ အတိုက်ခံ နှစ်ဦး ဘာတွေလုပ်နေကြလည်းဆိုတာကို ဤနေရာမှ သတင်းဖြန့် ရန်လေ့လာနေပါသည်။

ဆက်ဖတ်မယ်ဆိုရင်....

သန်းရွှေ ရဲ့ စစ်သောင်းကျန်းသူတွေ လုပ်ချင်ရာလုပ်နေပေါ့

ရသေ့တောင်မြို့နယ် ကျေးရွာ (၈) ရွာမှ စွန့်ပစ်ခြင်းခံရသူ စစ်သားမယား ၂၁၀ ဦးရှိ
6/14/2009
ရခိုင်ပြည်နယ် ရသေ့တောင်မြို့နယ် ကျေးရွာ (၈) ရွာမှ စစ်သားများနှင့် လက်ထပ်ပြီး စစ်သားများ၏ စွန့်ပစ်ခြင်းကို ခံရ၍ မုဆိုးမ အဖြစ် ကျန်ရစ်ခဲ့သူ အမျိုးသမီး ၂၁၀ ဦး ရှိကြောင်း စာရင်းကောက်ယူ ထားသူ လူငယ်တဦးက ပြောသည်။

“ ကျွန်တော် ကျေးရွာ (၈) ရွာကို ဆင်းပြီး စာရင်း ကောက်ယူတဲ့အခါ စစ်သားတွေနဲ့ ညားပြီး စစ်သားတွေ ပြောင်းရွှေ့သွားတဲ့အခါ ယူမသွားဘဲ ကျန်ရစ်ခဲ့တဲ့ စစ်သားမယား အမျိုးသမီး ၂၁၀ ဦး ရှိပါတယ်။ အဲဒီအထဲမှာ ကလေးတွေရဲ့ စာရင်း မပါဝင် သေးပါဘူး။”

ကျန်ရစ်သူ စစ်သားမယား ၂၁၀ မှာ ရသေ့တောင်မြို့ မြောက်ဘက်တွင် တည်ရှိသော ကံပြင်၊ ဆည်ကန်၊ ခနှောင်းကြီး၊ တောင်လှမော်၊ ရွာသစ်ကေ၊ ငတောက်တူချေနှင့် ရသေ့တောင်မြို့ပေါ်မှ အရှေ့တောင်နှင့် အရှေ့မြောက် ရပ်ကွက်တို့မှ ဖြစ်ကြသည်။

အဆိုပါ စာရင်းမှာ ၁၉၉၀ ခုနှစ်မှ ၂၀၀၈ ခုနှစ် အတွင်း စစ်သားများနှင့် အိမ်ထောင်ပြုပြီး ကျန်ရစ်သူ အမျိုးသမီးစာရင်း ဖြစ်သည်။

“ တချို့ကျေးရွာတွေမှာ ဆိုရင် မိဖတွေဟာ ဗဟုသုတ မရှိတဲ့ အတွက် သမီးတွေကို စစ်သား တွေနဲ့ မင်္ဂလာဆောင်တဲ့အခါ ဒေသ ဓလေ့အရ မင်္ဂလာဆောင်တာက ပိုများပါတယ်။ လက်ထပ် စာချုပ်မရှိဘူး။ အသိအမှတ်ပြု စာရွက် စာတန်းတွေလည်း မရှိဘူး။ စစ်သားတွေ တပ်ပြောင်းတဲ့အခါ သမီးတွေကို ယူမသွားတော့ တပ်ရင်းတွေမှာ သွားတိုင်ရင်လည်း အထောက်အထား မပြနိုင်တဲ့ အတွက် ဘာမှ တိုင်တန်းလို့ မရပါဘူး။ အများစုကတော့ ဆင်းရဲတဲ့ မိသားစုတွေ ဖြစ်ကြပါ တယ်” ဟု သူက ပြောသည်။

နအဖ စစ်အစိုးရမှ ၁၉၉၀ ခုနှစ် ၀န်းကျင်တွင် ခမရ ၅၃၆၊ ၅၃၇ နှင့် ၅၃၈ တပ်ရင်း သုံးရင်းကို ရသေ့တောင်မြို့ မြောက်ဘက် တွင် အခြေစိုက် ချထားခဲ့သည်။

အဆိုပါ တပ်ရင်းများတွင် တာဝန်ကျလာသူ အများစုမှာ ဗမာ စစ်သားများ ဖြစ်ပြီး တာဝန်ကျစဉ် အတွင်း ဒေသခံ ရခိုင် အမျိုးသမီးများကို လက်ထပ်ယူပြီး တပ်ပြောင်းသောအခါ ယူမသွားသဖြင့် ယခုကဲ့သို့ ကျန်ရစ်ခဲ့ကြခြင်း ဖြစ်သည်ဟု သူက ပြောသည်။

“ ခုလို လုပ်တာမှာ အစိုးရက စီမံကိန်းတွေနဲ့ လုပ်ဆောင် နေတယ်ဆိုပြီး ဒေသခံ လူထုက တော့ အဲသလို ယုံကြည် နေကြပါတယ်။ ရသေ့တောင်မြို့နယ်မှာ သောင်းကျန်း သူလည်း မရှိဘူး။ အေးဆေးတည်ငြိမ်တဲ့ မြို့နယ် တခု ဖြစ်ပါတယ်။ အဲသလို တည်ငြိမ် အေးချမ်းတဲ့ မြို့မှာ စစ်တပ် တပ်ရင်း (၃) ခု လာပြီး တပ်စွဲပါတယ်။ သူတို့ တပ်ချမယ့် နေရာ တွေက လယ်တွေကို သိမ်းပါတယ်။ တောင်တွေကို သိမ်းပါတယ်။ မြစ်ချောင်း အင်းအိုင်တွေကို သိမ်းပါတယ်။ ကျွန်တော်တို့ အများစု ပြည်သူလူထုဟာ တောတောင်တွေ ချောင်းတွေကို မှီခိုပြီး လုပ်ကိုင်စားသောက်ကြသူတွေ ဖြစ်ပါ တယ်။ တောင်ကို ၀ါးခုတ် သစ်ခုတ်သွားရင် စစ်သားတွေ ပိုင်တဲ့တောင်ဆိုပြီး ဓါးတွေကို သိမ်း လူတွေကို ရိုက်ပုတ် ပါတယ်။ ချောင်းတွေ မြစ်တွေ ဆိုရင်လည်း သူတို့ပိုင်တဲ့ ချောင်းဆိုပြီး ငါးဖမ်း ခွင့်မရပါဘူး။ အဲသလို ဖြစ်လာတော့ အဲဒီဒေသက လူငယ်တွေဟာ မထူးဘူးဆိုပြီး ထိုင်း၊ မလေးရှား စတဲ့ နိုင်ငံတွေကို ထွက်ခွာသွားကြပါတယ်။ ရွာတွေမှာ ကျန်နေခဲ့တာက အမျိုးသမီးတွေဘဲ ဆိုတော့ အိမ်ထောင်ပြုမယ့် အရွယ်ရောက်လာတဲ့အခါ အနီးအနားမှာ ရှိတဲ့ ဗမာ စစ်သားတွေကိုဘဲ ယူကြရတာ ပါဘဲ။ ခုဆိုရင် ရခိုင်ပြည်နယ် အနှံ့အပြားမှာ စစ်သား မိန်းမ မရှိတဲ့ ရွာဆိုလို့ မရှိတော့ပါဘူး။ တချို့ စစ်သားတွေကျရင် သူတို့မိန်းမတွေကို ယူသွားပေမယ့် အများစုက ယူမသွားတဲ့ အတွက် ဗိုက်တလုံးနဲ့ ကျန်ခဲ့ကြရတဲ့ အမျိုးသမီးတွေက ပိုများပါတယ်။”

နအဖ စစ်အစိုးရသည် စစ်တပ် တပ်ရင်း (၆၀) နီးပါးအား ရခိုင်ပြည်နယ်တွင် တပ်စွဲ ချထားပြီး ရခိုင်ပြည်နယ်၏ နိုင်ငံရေး စီးပွားရေး လူမူရေးကို တင်းတင်းကျပ်ကျပ် ထိန်းချုပ်ထားကာ ဒီမိုကရေစီ နိုင်ငံ ဖြစ်လာပါက ရခိုင်လူမျိုးများ အနေဖြင့် ဖဆပလ ခေတ်က ကဲ့သို့ ခေါင်းမထောင်လာနိုင်အောင် နည်းမျိုးစုံဖြင့် ရခိုင်ပြည်နယ်အား မြေလှန် ဖျက်ဆီးပစ် နေသည်ဟု အမည်မဖေါ်လိုသူ ဆရာတော် တပါးက ပြောသည်။

Rest of your post

ဆက်ဖတ်မယ်ဆိုရင်....

အီးယူဥက္ကဌ၏ကြေညာချက်ကို မြန်မာစစ်အစိုးရတုန့်ပြန်ချေပ (သို့ ) ပေါ်တင်ကြီးကို အရှက်မရှိလိမ်နေသော မိစ္ဆာများ

Kaowaoဇွန် ၁၄၊ ၂၀၀၉။
စံခလပူရီ(ဇွန်-၁၄)။ ။ ယခုလဆန်းပိုင်းက ထိုင်းမြန်မာနယ်စပ်၌ KNU တပ်ဖွဲ့အပေါ် စစ်အစိုးရတပ်နှင့် ဒီကေဘီအေ ကရင်လက်နက်ကိုင်တပ်ဖွဲ့တို့ ထိုးစစ်ဆင်တိုက်ပွဲများဖြစ်ပေါ်နေမှုကြောင့် ဒေသခံကရင်အရပ်သား ထောင်နှင့်ချီ၍ ထိုင်းနိုင်နိုင်ငံသို့ ဝင်ရောက်ခိုလှုံလျက်ရှိကြရာ ဥရောပသမဂ္ဂ EU ဥက္ကဌက လွန်ခဲ့သည့် ဇွန်လ ၁၁ ရက်နေ့ဖြင့် ယခုဒုက္ခသည်များအရေးကို အလွန်စိုးရိမ်နေမိကြောင်း ဖေါ်ပြခဲ့၍ မြန်မာစစ်အစိုးရ နိုင်ငံခြားရေးဝန်ကြီးဌာနကလည်း ဇွန်လ ၁၃ ရက်နေ့စွဲဖြင့် ပြန်လည်တုန့်ပြန်ချေပခဲ့သည်ကို ယနေ့ထုတ်စစ်အစိုးရ သတင်းစာတွင် အပြည့်အစုံ ဖေါ်ပြထားသည်ကို ဖတ်ရှုရသည်။
ထိုင်းနိုင်ငံသို့ ယခုရောက်ရှိလာသောဒုက္ခသည်များ KWO အဖွဲ့မှလှူဒါန်းနေပုံ (ဓာတ်ပုံ-KIC)


ထိုထုတ်ပြန်ချက်၌ “ပြည်ထောင်စုမြန်မာနိုင်ငံတွင် ၁၉၄၈ လွတ်လပ်ရေးရရှိပြီးနောက်ပိုင်း ပြည်တွင်းသောင်းကျန်းမှုသမိုင်းကို နှစ်ပေါင်း ၄၀ ကျော်တွေ့ကြုံရင်ဆိုင်ခဲ့ရခြင်းမှာလည်း အတိတ်သမိုင်းက ကိုလိုနီတို့၏ သွေးခွဲအုပ်ချုပ်မှုစနစ်ဆိုး၏ အမွေဆိုးများဖြစ်ပါသည်” နိဒါန်းချီကာ ဖေါ်ပြခဲ့သည်။
အဆိုပါ စစ်အစိုးရညွှန်းဆိုသော နှစ်ပေါင်း ၄၀ မှာ ၁၉၄၈ မှ ၁၉၈၈ ခုနှစ်ကိုရည်ညွှန်းခြင်းဖြစ်၍ နဝတ၊ နအဖ ခေတ်များတွင် ပြည်တွင်းသောင်းကျန်မှုများ မရှိသည့်ကာလဟု ယူဆထားဟန်တူသည်။

ထို့နောက် “မြန်မာနိုင်ငံအရှေ့ပိုင်း နယ်စပ်တွင်ဖြစ်ပွားနေသော KNU,KNLA တပ်ဖွဲ့နှင့် DKBA တိုက်ပွဲအချင်းချင်း တိုက်ခိုက်မှုဖြစ်ပြီး မြန်မာ့တပ်မတော် တပ်ဖွဲ့ဝင်များ မည်သို့သော အခန်းကဏ္ဍမှ ပါဝင်ပတ်သက်ခဲ့ခြင်းမရှိပါ၊ မြန်မာအစိုးရတပ်ဖွဲ့ဝင်များက ကရင်တိုင်းရင်းသားလူမျိုးစုအား ထိုးစစ်ဆင်နေကြောင်း အီးယူဥရောပ သမဂ္ဂ၏ စွပ်စွဲချက်ဖော်ပြခြင်းကို မြန်မာနိုင်ငံ နိုင်ငံခြားရေးဝန်ကြီးဌာန် ပြတ်သားစွာ ပယ်ချကြောင်း” ယခုကဲ့သို့ ဗြောင်ကျကျ ငြင်းဆိုရေးသားဖော်ပြခဲ့သည်။

RPG-of-SPDC-arrive-in-Thailand (ပုံ-KIC)

ယခုလဆန်းပိုင်းက မြန်မာစစ်အစိုးရတပ်ဖွဲ့ဝင်များနှင့် ဒီကေဘီအေ ပူးပေါင်းတပ်ဖွဲ့တို့ KNU,KNLA တို့အား ထိုးစစ်ဆင်နေသည့် သတင်းများကို မြန်မာအစိုးရဘက်မှ သတင်းရေးသားဖော်ပြခဲ့ခြင်း မရှိသော်လည်း BBC, VOA, RFA, DVB ရေဒီယိုနှင့် မြန်မာအင်တာနက် သတင်းများတွင် သက်သေဓါတ်ပုံများနှင့်တကွ ဖေါ်ပြပါရှိခဲ့ကြသည်။

ထွက်ပြေးလာကြသည့် ဒုက္ခသည်အရေအတွက်များမှာ ၆၀၀၀ ကျော်ခန့် ရှိရာ UNHCR နှင့် ကရင်ဒုက္ခသည်ကယ်ဆယ်ရေး အသင်းအဖွဲ့များက အကူအညီပေးလျှက်ရှိသည်။
ထွက်ပြေးလာသူများထဲတွင် ဒီကေဘီအေနှင့် မြန်မာတပ်ဖွဲ့တို့မှ ထွက်ပြေးလွတ်မြောက်လာသော ပေါ်တာအထမ်းသမားများ၊ ဒီကေဘီအေ တပ်ပြေးအချို့လည်း ပါရှိခဲ့၏။

လက်နက်ကြီးကျည်ဆံများ ထိုင်နယ်မြေတွင်းကျရောက်ခဲ့သဖြင့် ထိုင်းတို့က မြန်မာစစ်အစိုးရထံ ကန့်ကွက်လွှာများ ပေးပို့ခဲ့သည်။

ကရင်တိုင်းရင်းသားအပေါ် ယခုထိုးစစ်ဆင်လာမှုကြောင့် အရပ်သားအများအပြား မိမိဒေသတို့ ထွက်ပြေးနေရသည့် ဖြစ်ရပ်အပေါ် အခြားနိုင်ငံများနှင့် NGO အဖွဲ့များကန့်ကွက်လာကြသည်။ ထိုးစစ်များသည်လည်း အရှိန်လျှော့ကျသွားပြီဟု သိရသည်။

Rest of your post

ဆက်ဖတ်မယ်ဆိုရင်....

မြန်မာ့ အာဇာနည် ဒေါ်အောင်ဆန်းစုကြည်။

အမှောင်မသန်း၊
အရောင်မနွမ်းပါတဲ့၊
အောင်ဆန်းဟေ့ စုကြည်။

မြန်ပြည်ထုရဲ့၊
အန်တီစု ဇာနည်။


ကွေ့မပြေးပါဘူး၊
ဖအေ့သွေးဟာ နီနီရဲပါလို့၊

ပြည့်အရေးမှာ ညီညီဇွဲနဲ့၊

တည်ကြည်ဆဲဟေ့ ဘာမထီ၊

မြန်မာပြည်ရဲ့ ခေါင်းဆောင်ကောင်း။


တကယ်ယုတ်မာ ပြိတ္တာများရယ်က၊

အကျယ်ချုပ်မှာ ပိတ်ကာထားရုံမက၊

မိစ္ဆာတရား အမှောင်ဉာဏ်ဆင့်လို့၊

ထောင်ဒဏ်နှင့်ပင် ထပ်ဖိချင်လည်း၊

ဗျတ္တိဉာဉ် မပြောင်းပါဘူး၊

သတ္တိအစဉ် ကောင်းပါဘိ၊

မြတ်မိခင်ဒေါင်း။


ဒီမိုဝေယံ ဘလော့ခ်မှ ကူးယူတင်ပြပါသည်
ဒီမိုဝေယံ

ဆက်ဖတ်မယ်ဆိုရင်....

Sunday, June 14, 2009

တုန်လှုပ်စရာကောင်းတဲ့ သတင်းတပုဒ် (ပေးစာ) သို့  ယုတ်မာတဲ့  နွား အ ဖ အကြံ

ဒေါက်တာလွဏ်းဆွေခင်ဗျား …
ကျနော် ဘလော့ကို အမြဲဖတ်ရှုအားပေးနေသူတဦး ဖြစ်ပါတယ်။ ပြီးခဲ့တဲ့ (၂)
ရက်လောက်က ကျနော်နဲ့ ပုဂ္ဂိုလ် ရေးအရ ရင်းနှီးတဲ့ အရာရှိစစ်ဗိုလ်တယောက်ဆီက
အလွန်ကို စိုးရိမ်ထိတ်လန့်ဖို့ကောင်းတဲ့ သတင်းတခု ကြား ရပါတယ်။ သူက
လျှပ်စစ်ဝန်ကြီးဋ္ဌာန (MoEP-2) ၀န်ကြီးရဲ့ ကိုယ်ရေးအရာရှိဖြစ်ပါတယ်။

သူ့ဆီက ကြားရတဲ့သတင်းက ဒီလိုပါ။ ကျနော်တို့အချင်းချင်း ဆိတ်ငြိမ်တဲ့
ဘီယာဆိုင်တခုမှာ ဆုံဖြစ်ကြတာမျိုး ရှိတယ်။ (အမှန်ကတော့
တံစို့လက်ဆောင်ပေးဖို့ ကိစ္စတွေအတွက် တရားဝင် တွေ့ဆုံကြတဲ့ သဘောပါပဲ)။
ထုံး စံအတိုင်း ကျနော်တို့အုပ်စု တွေ့ဆုံတဲ့အခါမှာ သူ့ကို စ နောက်ရင်း
ရန်ကုန်မှာ လျှပ်စစ်မီး ကြောက်ခမန်းလိလိ ပြတ်တောက်နေတဲ့အကြောင်း
ဝေဖန်ပြောဆိုဖြစ်ကြတယ်။ ကျနော်တို့အားလုံး MoEP-2 ကို အပြစ်ဖို့ ပြောဆို
ကြတယ်။ စ နောက် ပြောဆိုလို့ (၂) နာရီလောက်ကြာတော့ သူသောက်တာ
များသွားပြီး လုံးဝမဟန်နိုင်တော့ ဘူး။ အဲဒီမှာတင် (ထန်းရည်မူးလို့
ကျွဲခိုးပေါ်ဆိုသလို) လျှပ်စစ်နဲ့ ပတ်သက်တဲ့ အလွန်အရေးကြီးတဲ့ သတင်းကို
ကျနော်တို့ကို ပြောပြတော့တာပဲ။

သူပြောပြတာကတော့ စစ်အုပ်စုက ရန်ကုန်မှာ သဘာဝဓာတ်ငွေ့နဲ့ လည်ပတ်တဲ့
လျှပ်ဓာတ်အားပေးစက်ရုံတ ခုကို ၂၀၀၉ မတ်လကတည်းက တည်ဆောက်ပြီးစီးသွားပြီတဲ့
(နေရာတော့မကျိန်းသေဘူး။ ဒါပေမယ့် ကျနော့် အထင် အလုံက စက်ရုံကို သူ
ရည်ညွှန်းပုံရတယ်) ကမ်းလွန် သဘာဝဓာတ်ငွေ့တွင်းတွေကနေ ဓာတ်ငွေ့ပိုက်
လိုင်းတွေနဲ့ဆက်ပြီး တည်ဆောက်ထားတာတဲ့။ စပြီး လည်ပတ်ဖို့ MoEP ရဲ့
ခွင့်ပြုမိန့်ပဲ လိုတော့တယ်တဲ့။

သူပြောပုံအရ အဲဒီစက်ရုံကနေ လျှပ်စစ်ဓာတ်အားဖြန့်ဝေနိုင်တဲ့နှုန်းက
ရန်ကုန်မြို့အတွက် လိုအပ်တဲ့ လျှပ်စစ် သုံးစွဲမှု စုစုပေါင်းပမာဏထက်တောင်
ပိုသေးတယ်ဆိုပဲ။ ဒါပေမယ့် စစ်အုပ်စုက အခုအထိ လည်ပတ်မိန့် မပေး သေးဘူးတဲ့။
ဘာဖြစ်လို့လဲဆိုတော့ ၂၀၁၀ ရွေးကောက်ပွဲမှာ သူတို့နိုင်မလား မနိုင်ဘူးလား
သိချင်နေတယ်တဲ့ (ဆိုလိုတာကတော့ သူတို့ ရွေးကောက်ပွဲ ရှုံးမှာကို
အရမ်းကြောက်နေတယ်။ သူတို့ အခု အပေါ်စီးကနေ ထိန်း ချုပ်ထားနိုင်တာတောင်မှ
အပြီးသတ် ဆုံးဖြတ်ချက်ချဖို့အတွက် သူတို့လူတွေ အပါအ၀င် ပြည်သူလူထုနဲ့ ပတ်
သက်ပြီး အခုအထိ ယုံကြည်မှု မရှိသေးဘူးဖြစ်နေတယ်)။

တကယ်လို့ ရွေးကောက်ပွဲ အနိုင်ရမယ်ဆိုရင်တော့
ရန်ကုန်မြို့သူမြို့သားတွေကို လက်ဆောင်ပေးတဲ့အနေနဲ့
လျှပ်စစ်ဓာတ်အားပေးစက်ရုံကြီးကို စပြီး လည်ပတ်ပေးလိမ့်မယ်တဲ့။ ဒါပေမယ့်
သူတို့မှာ ကြောက်စရာကောင်း တဲ့ အစီအစဉ် ဆွဲထားတယ်။ တကယ်လို့
ရွေးကောက်ပွဲမှာ သူတို့ရှုံးခဲ့ရင် မတော်တဆဖြစ်တယ်လို့ အကြောင်း ပြပြီး
ဆောက်ထားတဲ့ ဓာတ်အားပေးစက်ရုံကြီးကို ဖျက်ဆီးပစ်မယ်တဲ့။ တခုလုံးကို
ပြန်တည်ဆောက်ဖို့ဆိုရင် အစိုးရသစ်အတွက် နောက်ထပ် ၅ နှစ်လောက်
အချိန်ယူရမယ်တဲ့။

ဒါဟာ စစ်အုပ်စုဆီက ကျနော်တို့ အမြဲကြားရလေ့ရှိတဲ့ TERRORIST ACT ဆိုတာထက်
ဆိုးတဲ့ TERRIBLE IDEA ပါပဲ။ တကယ့်ကို ယုတ်မာပက်စက်တဲ့ အကြံအစည်ပါပဲ။
မိတ်ဆွေတို့အနေနဲ့ မီးစက်တွေက ထွက်တဲ့ ဆူ ညံသံတွေ၊ မီးခိုးငွေ့တွေနဲ့
မရေမတွက်နိုင်လောက်အောင် မီးမှောင်ကျနေတဲ့ ညတွေကို မဖြတ်သန်းဖူးဘူးဆို
ရင် ဒီ(လျှပ်စစ်)ဟာ ဘာကြောင့် ဒီလောက်အသည်းအသန် ဖြစ်နေရသလဲ၊ ရန်ကုန်နေ
ပြည်သူတွေအတွက် ဘာကြောင့် အရေးတကြီးကိစ္စ ဖြစ်နေရတာသလဲ ဆိုတာကို
နားလည်ချင်မှ နားလည်နိုင်မယ်။

အိမ်အသုံးစရိတ်ရဲ့ အနည်းဆုံး ၄ ပုံ ၁ ပုံလောက်ဟာ မီးစက်နှိုးဖို့
ဝယ်ထည့်ရတဲ့ ဒီဇယ်ဖိုးထဲ ပါကုန်ရော။ မီး ပြတ်လို့ မီးမရှိလို့ ရေမရှိလို့
ကြုံရတဲ့ ဒုက္ခသုက္ခတွေ၊ အခက်အခဲ ပြဿနာတွေကတော့ မဖော်ပြနိုင်လောက် အောင်
ဒုနဲ့ဒေးပါပဲ။

ရန်ကုန်နဲ့ အဆက်အသွယ်ကောင်းကောင်းရှိသူများ ဒီသတင်းနဲ့ ပတ်သက်ပြီး
မှန်ကန်ကြောင်းအတည်ပြုဖို့ ကျေးဇူးပြုပြီး ဆိုင်ရာပိုင်ရာကတဆင့်
စုံးစမ်းကြည့်ကြစေလိုပါတယ်။ ကျနော်ဘယ်သူဘယ်ဝါဆိုတာ မဖော်ပြ
နိုင်တာကိုတော့ နာလည်းပေးနိုင်လိမ့်မယ်လို့ ယုံကြည်ပါတယ်။

ရန်ကုန်မြို့ခံတဦး

Rest of your post

ဆက်ဖတ်မယ်ဆိုရင်....

ငြိမ်းချမ်းရေးဆွေးနွေးထားသော တိုင်းရင်းသားအဖွဲ့ များအား ခြံစောင့်တပ်အဖြစ်ပြောင်းလဲရန် နွား-အ-ဖ ဖိအားပေး

နယ်ခြားစောင့်တပ်ပြောင်လဲရေး မွန်ပြည်သစ်ပါတီကိုထပ်မံတိုက်တွန်းKaowao
ဇွန် ၁၃၊ ၂၀၀၉။.........စံခလပူရီ(မေ- ၁၃)။ ။ လွန်ခဲ့သော ဇွန်လ ၇ ရက်နေ့၌ မော်လမြိုင်မြို့ အရှေ့တောင်တိုင်း စစ်ဌာနချုပ်တွင် မွန်ပြည်သစ်ပါတီ ဥက္ကဌကြီး နိုင်ထောမွန် အပါအဝင် ပါတီထိပ်ပိုင်းခေါင်းဆောင် ၅ ဦးနှင့် ရတခတိုင်းမှူး ဗိုလ်ချုပ်သက်နိုင်ဝင်းတို့ တွေ့ဆုံခဲ့ကြရာ မွန်ပြည်သစ်ပါတီတပ်ဖွဲ့များ နယ်ခြားစောင့်တပ် ပြောင်းလဲရေးကို ပြန်လည်စဉ်းစားစေလိုကြောင်း တိုင်းမှူးကပြောကြားခဲ့သည်ဟု မွန်ပြည်သစ်ဗဟိုနှင့် ဆက်သွယ်မေးမြန်းချက်အရ သိရသည်။

ကိစ္စနှင့်ပတ်သက်၍ ထိပ်ပိုင်းခေါင်းဆောင်များဖြစ်သည့် မွန်ပြည်သစ်ပါတီ ဗဟိုအလုပ်အမှုဆောင် ၉ ဦး မကြာမီတွင်အစည်းအဝေးခေါ်ယူမည်ဟု သိရသည်။ သို့သော် ပါတီအထွေထွေအတွင်းရေးမှူး နိုင်ဟံသာ ပြည်ပခရီးထွက်ခွာနေသဖြင့် မွန်ပြည်သစ်ပါတီဗဟိုဌာချုပ်သို့ ပြန်ရောက်မှသာ ဗဟိုအလုပ်အမှုဆောင် အစည်းအဝေးပြုလုပ်နိုင်မည်ဟု ဆိုသည်။

ယင်းဗဟိုအလုပ်အမှုဆောင်ကော်မတီမှ မွန်ပြည်သစ်ဗဟိုကော်မတီ အရေးပေါ်အစည်းအဝေးကို ခေါ်ယူရန်ဆုံးဖြတ်ခဲ့လျှင် တိုင်းမှူးဗိုလ်ချုပ်သက်နိုင်ဝင်း၏ ယခုတင်ပြလာသည့် အချက်အလက်များကို မွန်သစ်ပါတီမှ တဖန်ပြန်လည်သုံးသပ်ကြမည်ဖြစ်သည်။

အကယ်၍ ဗဟိုကော်မတီအရေးပေါ် အစည်းအဝေးကို ခေါ်ယူရန် မဆုံးဖြတ်ခဲ့လျှင် မွန်ပြည်သစ်ပါတီမှ နယ်ခြားစောင့်တပ်ဖွဲ့ကိစ္စကို လက်ခံမည်မဟုတ်ကြောင်း၊ ယခင်ဆုံးဖြတ်ခဲ့သည့်အတိုင်း သဘောထားများ ဆက်လက်တည်ရှိနေမည် ဖြစ်ကြောင်း ဗဟိုကော်မတီဝင် တစ်ဦးက သုံးသပ်ပြသည်။
လွန်ခဲ့သောမတ်လ၌ စစ်အစိုးရ၏ စစ်ဖက်လုံခြုံရေး ညွှန်ချုပ် ဒု-ဗိုလ်ချုပ်ကြီးရဲမြင့်က မွန်ပြည်သစ်ပါတီ ခေါင်းဆောင်များနှင့် တွေ့ဆုံခဲ့စဉ် နယ်ခြားစောင့်တပ်ဖွဲ့အသွင်ပြောင်းရေးနှင့် ၂၀၁၀ ရွေးကောက်ပွဲဝင်ရေး ကိစ္စတို့ကို ပြောဆိုခဲ့ပြီးဖြစ်သည်။ မွန်ပြည်သစ်ပါတီ ဗဟိုကော်မတီဝင်များအားလုံးနှင့်လည်း တွေ့ဆုံလိုသည်ဟု ဗိုလ်ချုပ်ရဲမြင့်က တောင်းဆိုခဲ့ဘူးသည်။

ထိုနောက်တွင် မွန်ပြည်သစ်ပါတီက လွန်ခဲ့သည့်ဧပြီလဆန်းပိုင်း၌ ဒုတိယအကြိမ် မွန်ပြည်သစ်ပါတီဗဟိုကော်မတီ အစည်းအဝေးကို မွန်ပြည်သစ်ပါတီဗဟိုဌာနချုပ်တွင် ကျင်းပခဲ့သည်။

ထိုအစည်းအဝေးမှ နယ်ခြားစောင့်တပ်ဖွဲ့စည်းရေး၊ ရွေးကောက်ပွဲဝင်ရေးကိစ္စတို့ကို ၂၀၀၉ ဇန်နဝါရီလဆန်းပိုင်းကပြုလုပ်ခဲ့သော သတ္တမအကြိမ်မြောက် မွန်ပြည်သစ်ပါတီ ဗဟိုကွန်ကရက်အစည်းအဝေးမှ ဆုံးဖြတ်ထားသည့်အတိုင်း ၂၀၀၈ ဖွဲ့စည်းအုပ်ချုပ်ပုံအခြခံဥပဒေကို မွန်ပြည်သစ်ပါတီမှ လက်မခံသဖြင့် အဆိုပါရွေးကောက်ပွဲကို ဝင်မည်မဟုတ်ကြောင်း၊ မွန်အမျိုးသားလွတ်မြောက်ရေးတပ်မတော်ကိုလည်း မွန်ပြည်သစ်ပါတီ၏ ထိန်းချုပ်မှုအောက်တွင်သာ ယခုကဲ့သို့ပင် ဆက်လက်ထားရှိနေမည် ဖြစ်ကြောင်း မွန်ပြည်သစ်ပါတီဗဟိုမှ နအဖထံ စာဖြင့်အကြောင်းပြန်ခဲ့သည်။

မတ်လဆန်းပိုင်းက ဒု-ဗိုလ်ချုပ်ကြီးရဲမြင့်၊ ရတခတိုင်းမှူးနှင့် မွန်ပြည်သစ်ပါတီ ထိပ်ပိုင်းခေါင်းဆောင် ၅ ဦးတို့ တွေ့ဆုံခဲ့ကြရာတွင် မွန်အမျိုးသားလွတ်မြောက်ရေးတပ်မတော် MNLA၏ စစ်ဦးစီးချုပ် မပါဝင်ခဲ့ပေ။ ပြီးခဲ့သည့် ဇွန်လ ၇ ရက်နေ့ မွန်ပြည်သစ်ပါတီနှင့် ရတခတိုင်းမှူးတို့ တွေ့ဆုံခဲ့ရာ၌ MNLA ၏ စစ်ဦးစီးချုပ် ဗိုလ်ချုပ်ဇွဲယဲ့ ပါဝင်လာသည်။ မွန်ပြည်သစ်ပါတီ ထိပ်ပိုင်းဗဟိုအလုပ်အမှုဆောင် ၉ တွင် MNLA စစ်ဦးချုပ်တစ်ဦး ပါဝင်သည်။။

၁၉၉၅ ဇွန်လ ၂၉ ရက်နေ့က နဝတနှင့် မွန်ပြည်သစ်ပါတီ နှစ်ဖက်အပစ်အခတ်ရပ်စဲ သဘောတူညီမှု ရယူခဲ့စဉ်၌ နယ်ခြားစောင့်တပ်ဖွဲအသွင်ပြောင်းလဲရေးကိစ္စ မပါဝင်ခဲ့ဟု သိရသည်။

လွန်ခဲ့သည့်လက မွန်ပြည်သစ်ပါတီ အထွေထွေအတွင်းရေးမှူး နိုင်ဟံသာနှင့် DVB မြန်မာပိုင်း ရေဒီယိုနှင့် ဆက်သွယ်မေးမြန်းချက် တစ်ခု၌ အပစ်ခတ်ရပ်စဲသဘောတူညီမှု အချက်အလက်များတွင် ဤနယ်ခြားစောင့်တပ်ဖွဲ့ ကိစ္စမပါဝင်ခဲ့သဖြင့် မွန်ပြည်သစ်ပါတီက လက်မခံကြောင်း ပြောဆိုခဲ့သည်။

လွန်ခဲ့သည့် မေလ ၂ရ ရက်နေ့၌ ဗိုလ်ချုပ်ကြီးရဲမြင့် မော်လမြိုင်မြို့သို့ တိတ်တဆိတ် ရောက်ရှိခဲ့စဉ်တွင် DKBA, KPF, KNU-KNLA/PC ကရင်လက်နက်ချအဖွဲ့များ၊ မွန်ခွဲထွက်အမည်ခံ အဖွဲ့ငယ်တစ်ချို့နှင့် တွေ့ဆုံခဲ့ကြသည်ဟု ရတခနှင့် နီးစပ်သည့် အသိုင်းအဝိုင်းမှ သိရသည်။ မွန်ပြည်သစ်ပါတီနှင့် တွေ့ဆုံရန် အစီအစဉ်မရှိခဲ့ပါ။ ထိုနေ့တွင် မော်လမြိုင်မြို့၌ ဗုံး ၃ နေရာ ပေါက်ကွဲမှု ဖြစ်ခဲ့သည်။

ယခုလ ၉ ရက်နေ့က ဗိုလ်ချုပ်ရဲမြင့်၊ တြိဂံတိုင်းမှူး ဗိုလ်ချုပ်ကျော်ဖြိုး နှင့်အဖွဲ့ကို အပစ်ရပ် NDAA ဥက္ကဌ ဦးစိုင်းလင်းနဲ့အဖွဲ့က မိုင်းလား၌ လက်ခံတွေ့ဆုံပြီး စစ်အစိုးရ၏ နယ်ခြားစောင့်တပ် အသွင်ပြောင်းရေး အစီအစဉ်ကို ကိုးကန့်/ ပန်ဆန်းတပ်ဖွဲ့ ကဲ့သို့ပင်လက်မခံနိုင်ကြောင်း ပြောကြားချက်ကို သျှမ်းသံတော်ဆင့် အင်တာနက်သတင်း စာမျက်နှာတွင် ဖေါ်ပြပါရှိသည်။

စစ်အစိုးရရဲ့ နယ်ခြားစောင့် တပ် အဖြစ် အသွင် ပြောင်းလဲရေး ကမ်းလှမ်းချက်ကို လက်မခံနိုင်ကြောင်း ကချင် လွတ်မြောက်ရေး အဖွဲ့ (KIO) ခေါင်းဆောင်များက ဧရာဝတီသတင်းဌာနကို ဇွန်လ ၁၀ ရက်နေ့တွင် ပြောကြားခဲ့ပါသည်။

ထို့အတူKIO၏ ကချင် လွတ်မြောက်ရေးတပ်မတော် KIA မြန်မာပြည်တွင် နိုင်ငံရေး အပြောင်းအလဲများ ဖြစ်ပေါ်သည့်အချိန်ကျမှ နယ်ခြားစောင့်တပ် အဖြစ်အသွင်ပြောင်း တာဝန်ယူနိုင်မည် ဖြစ်ကြောင်း အထွေထွေ အတွင်းရေးမှူး ဒေါက်တာလဂျာက ဇွန်လ ၁၀ ရက်နေ့မ၌ ဧရာဝတီအင်တာနက် သတင်းဌာနနှင့် မေးမြန်းချက်တစ်ရပ်တွင် ပြောဆိုခဲ့သည်။ သို့သော် KIO အနေဖြင့် စစ်အစိုးရရဲ့ ကမ်းလှမ်းချက်ကို တရားဝင် တုံ့ပြန်ခြင်း မပြုရသေးပါ။

ယခုလ ၄ ရက်နေ့တွင်လည်း စရဖအကြီးအကဲ ဒု-ဗိုလ်ချုပ်ကြီးရဲမြင့် ကိုးကန့်လက်နက်ကိုင်အဖွဲ့နှင့် လောက်ကိုင်မြို့၌ တွေ့ဆုံခဲ့စဉ်တွင် မြန်မာအမျိုးသား ဒီမိုကရက်တစ် မဟာမိတ်တပ်မတော် - MNDAA ဥက္ကဌ ဖုန်ကြားရှင်က နောင်တက်လာမည့် အစိုးရနှင့်သာ ဆွေးနွေးလိုကြောင်း ပြောဆိုခဲ့သည်ဟု သိရသည်။
အကြီးမားဆုံးအပစ်ရပ်အဖွဲ့ “ဝ”ပြည်သွေးစည်းညီညွတ်ရေးတပ်မတော် UWSA ကို ဒု-ဗိုလ်ချုပ်ကြီးရဲမြင့် ယခုလ ၆ ရက်နေ့က မိုင်းလားမြို့ဌာနချုပ်၌ သွားရောက်တွေ့ဆုံခဲ့စဉ် နယ်ခြားစောင့်တပ်ကို ဝတို့က လက်မခံကြောင်း ထပ်မံပြောဆိုခဲ့သည်။ ဤလက်မခံသည့် ကိစ္စရပ်ကို လွန်ခဲ့သည့် မေလ ၂၀ ရက်နေ့၌ UWSA ဌးနချုပ်က နအဖထံ Fax ဖြင့်အကြောင်းပြန်ခဲ့ကြောင်း သတင်းများတွင် ဖေါ်ပြကြသည်။

ယခုလ ဒု-ဗိုလ်ချုပ်ကြီးရဲမြင့်၏ အပစ်ရပ်အဖွဲ့များထံ သွားရောက်ခဲ့သည့် ခရီးစဉ်များ အောင်မြင်မှုမရှိခဲ့သေးသော်လည်း လက်နက်ချတိုင်းရင်းသားအဖွဲ့ များမှာ နအဖ၏အစီအမံအတိုင်း နယ်ခြားစောင့်တပ်ဖွဲ့အသွင်ပြောင်းလဲရေးကို စီစဉ်ဆောင်ရွက်လျှူက်ရှိနေသည်ကို တွေ့ရသည်။

Rest of your post

ဆက်ဖတ်မယ်ဆိုရင်....

ဂျိုကုတ်ထောင် သို့  ဂိုချုပ်ထောင်ထောင် ရဲ့ ပလောင်းပလဲ စကား

ဂိုချုပ်ထောင် မြန်မာပြည်ခရီးစဉ် စင်ကာပူ အတိုက်အခံ ဝေဖန်
မြန်မာစစ်အစိုးရက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို အပြစ်ပေးအရေးယူဖို့ ကြိုးစားနေတဲ့အချိန်၊ ဒေါ်အောင်ဆန်းစုကြည်ရဲ့ အမှုနဲ့ပတ်သက်လို့ နိုင်ငံတကာ အသိုင်းအ၀ိုင်းတခုလုံးက မြန်မာစစ်အစိုးရကို ၀ိုင်းဝန်း ဝေဖန်နေချိန်မှာ စင်ကာပူ နိုင်ငံရဲ့ ၀ါရင့် ထိပ်တန်းဝန်ကြီးတဦးဖြစ်တဲ့ ဂိုချုပ်ထောင် ဟာ ဒီသီတင်းပတ်ထဲ မြန်မာနိုင်ငံကို လေးရက်ကြာခရီး သွားရောက်ခဲ့ပါတယ်။ သူ့ရဲ့ ခရီးစဉ်အဆုံး စင်ကာပူ သတင်းမီဒီယာတွေနဲ့ တွေ့ဆုံစဉ်မှာ ဒေါ်အောင်ဆန်းစုကြည်ကို မြန်မာစစ်အစိုးရက အပြစ်ပေးအရေးယူဖို့ ကြိုးစားနေတာနဲ့ပတ်သက်လို့ စိတ်ပျက်မိတဲ့ အကြောင်းလည်း ပြောဆိုခဲ့ပါတယ်။ သူ့ရဲ့ အခုလို ပြောဆိုမှုတွေနဲ့အတူ မြန်မာနိုင်ငံကို သူ သွားရောက်ခဲ့တာတွေ ပတ်သက်လို့ ဝေဖန် သုံးသပ်ချက်အမြင်တွေလည်း အမျိုးမျိုး ရှိနေပါတယ်။ မခင်ဖြူထွေးက တင်ပြထားပါတယ်။

သူ့ရဲ့ လေးရက်ကြာ ခရီးစဉ်အဆုံး စင်ကာပူသတင်းမီဒီယာတွေနဲ့ တွေ့ဆုံစဉ်မှာ မစ္စတာ ဂိုချုပ်ထောင်က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပေါ် စွဲချက်တင်မှုတွေနဲ့ ပတ်သက်လို့ မြန်မာစစ်အစိုးရကို ဝေဖန်ပြောဆိုခဲ့သလို အတိုက်အခံပါတီ ခေါင်းဆောင်ဖြစ်တဲ့ ဒေါ်အောင်ဆန်းစုကြည်ကို အခုလိုမျိုး ဆက်ပြီး ဖမ်းဆီးထိန်းသိမ်းထားမယ်ဆိုရင် မြန်မာစစ်အစိုးရကျင်းပမယ့် ၂၀၁၀ ရွေးကောက်ပွဲကို တရားဝင်မှုမရှိဘူးလို့ အများက ဝေဖန်ကြမှာဖြစ်တယ်လို့ သူက ပြောဆိုခဲ့ပါတယ်။

သူ့ရဲ့ အခုလို ဝေဖန်ပြောဆိုမှုနဲ့ပတ်သက်လို့ အကောင်းမြင်သူတွေရှိသလို မယုံကြည်သူတွေလည်း ရှိပါတယ်။ စင်ကာပူ အတိုက်အခံ ဒီမိုကရက်ပါတီခေါင်းဆောင် ဒေါက်တာ ချီ စွန်း ဂျွမ် (Chee Soon Juan) ကတော့ - မစ္စတာ ဂိုချုပ်ထောင်ဟာ အများကြားကောင်းအောင် ဟန်ဆောင်ပန်ဆောင် လျှောက်ပြောနေတာ ဖြစ်တယ်၊ သူကိုယ်တိုင် ၀န်ကြီးချုပ်ဖြစ်စဉ် ကာလတုန်းကတောင် လွတ်လပ်ပြီး တရားမျှတတဲ့ ရွေးကောက်ပွဲတွေကို စင်ကာပူနိုင်ငံမှာ အားပေးခဲ့တာ မဟုတ်ဘူးလို့ ဆိုပါတယ်။

“ဒေါ်အောင်ဆန်းစုကြည်နဲ့ပတ်သက်ပြီး မြန်မာစစ်အစိုးရကို ဝေဖန်ပြောဆိုတာ၊ ၂၀၁၀ ရွေးကောက်ပွဲကို လွတ်လပ်ပြီး တရားမျှတတဲ့ ရွေးကောက်ပွဲဖြစ်ဖို့ တောင်းဆိုတာတွေက သူတော်ကောင်းယောင်ဆောင်ပြီး လျှောက်ပြောနေတာပါ။ တကယ်တော့ ဂိုချုပ်ထောင် ကိုယ်တိုင်က သူ့နိုင်ငံထဲမှာ ဒီမိုကရေစီစနစ်ကို ဖိနှိပ်နေတဲ့ အစိုးရထဲက သူ တယောက်ပါ။ စင်ကာပူရွေးကောက်ပွဲတွေ ဆိုရင် အတုအယောင်တွေပါ။ သတင်းမီဒီယာတွေ အားလုံးကို အစိုးရက အလုံးစုံ ချုပ်ကိုင်ထားသလို ရွေးကောက်ပွဲ ဖြစ်စဉ်တခုလုံးကို ၀န်ကြီးချုပ်ရုံးကပဲ ကိုင်တွယ်တာပါ။ ကိုယ်တိုင်က ဒီမိုကရေစီ နည်းကျမှု မရှိဘဲ မြန်မာနိုင်ငံကိုသွားပြီးတော့ မြန်မာစစ်အစိုးရကို လွတ်လပ်ပြီး တရားမျှတတဲ့ ရွေးကောက်ပွဲတွေ လုပ်ပါလို့ သွားပြောတာက သူတော်ကောင်းယောင်ဆောင်ပြီး လျှောက်ပြောနေတာမဟုတ်ရင် ဘာများဖြစ်ဦးမှာလဲဗျာ။ နောက်တချက်ကြည့်ရင်လည်း စင်ကာပူအစိုးရက မြန်မာနိုင်ငံမှာ ရင်းနှီးမြှုပ်နှံမှု အများဆုံး ရှိနေတဲ့နိုင်ငံတခုပါ။ တကယ်တမ်း မြန်မာစစ်အစိုးရကို ဝေဖန်ရှုတ်ချလိုတာ မှန်ရင်၊ ဒီမိုကရေစီကို အားပေးတာမှန်ရင် မြန်မာစစ်အစိုးရနဲ့ အခုရှိနေတဲ့ စီးပွားရေး လုပ်ငန်းတွေကို ရပ်ပစ်ရမှာပေါ့။ တကယ်တမ်း မြန်မာစစ်အစိုးရကို သက်ဆိုးရှည်နေစေတာက ဒါတွေပဲလေ။”

စင်ကာပူ အတိုက်အခံ ဒီမိုကရက်ပါတီခေါင်းဆောင် ဒေါက်တာ ချီ စွန်း ဂျွမ် ပြောခဲ့တာပါ။

စင်ကာပူနိုင်ငံဟာ ထိုင်း နဲ့ ဗြိတိန်နိုင်ငံတို့ပြီးရင် မြန်မာနိုင်ငံမှာ နိုင်ငံခြားရင်းနှီးမြှုပ်နှံမှု တတိယ အများဆုံးရှိတဲ့ နိုင်ငံ ဖြစ်သလို မြန်မာနိုင်ငံရဲ့ ဒုတိယအကြီးဆုံး နိုင်ငံခြား ကုန်သွယ်မိတ်နိုင်ငံလည်း ဖြစ်ပါတယ်။

မစ္စတာ ဂိုချုပ်ထောင်ရဲ့ မြန်မာပြည်ခရီးစဉ်ဟာ စင်ကာပူနိုင်ငံရဲ့ အကျိုးအတွက် ဖြစ်သလို မြန်မာနိုင်ငံရဲ့ ပြုပြင် ပြောင်းလဲရေးကို အမှန်တကယ် လိုလားတဲ့အတွက်ကြောင့်လည်း ဖြစ်နိုင်တယ်လို့ သုံးသပ်သူတွေလည်း ရှိပါတယ်။ ထိုင်းနိုင်ငံအခြေစိုက် မြန်မာ့အရေး သုံးသပ်သူ ဦးအောင်သူငြိမ်းကတော့ အခုလို သုံးသပ်ပါတယ်။

“ဂိုချုပ်ထောင် အခု သွားတဲ့ခရီးစဉ်က ကျနော် ထင်တာကတော့ အာဆီယံအဖွဲ့ကို ကိုယ်စားပြုပြီး သွားတဲ့သဘောမျိုးလို့ ကျနော် ယူဆ ပါတယ်။ ဘာဖြစ်လို့လဲ ဆိုတော့ လက်ရှိ အာဆီယံ အဖွဲ့ရဲ့ အထွေထွေ အတွင်းရေးမှူးချုပ် ဖြစ်တဲ့ ဆူရင်း ပစ်ဆူဝမ် က ထိုင်းနိုင်ငံက ဒီမိုကရက် ပါတီ အဖွဲ့ဝင် ဖြစ်နေသလို တဘက်ကလည်း ထိုင်းနိုင်ငံနဲ့ အခု မြန်မာပြည်နဲ့ ကြားထဲမှာ သံတမန်ရေးအရ နည်းနည်းလေး ကတောက်ကဆလေး ဖြစ်နေတာတွေ ရှိတဲ့အခါကျတော့ သူ့ကိုယ်စား စင်ကာပူက ၀ါရင့် ၀န်ကြီး အခု ဂိုချုပ်ထောင် သွားတယ်လို့ ကျနော် ယူဆပါတယ်။ ကျနော့်အမြင်ကတော့ စင်ကာပူနိုင်ငံက ပြောရမယ်ဆိုရင် တော်တော်ကို လက်တွေ့ကျကျ သုံးသပ်ပြီးတော့ လုပ်တတ်တဲ့နိုင်ငံမျိုးပါ။ သူ့ အကျိုးစီးပွားအတွက် အရင်ကလည်း မြန်မာပြည်က အစိုးရ အဆက်ဆက်နဲ့ ပေါင်းခဲ့တာရှိသလို တဖက်မှာလည်း သူက ဒီအစိုးရတွေကို စီးပွားရေးတံခါးဖွင့်ဖို့ အပါအ၀င် တခြား နိုင်ငံရေး ပြုပြင်ပြောင်းလဲမှု ကိစ္စတွေကိုလည်း အကြံပေးခဲ့တာ အကြိမ်ကြိမ် ရှိပါတယ်။ အဲတော့ စင်ကာပူနိုင်ငံက နောက်တခုက သံတမန်ရေးနဲ့ ကမ္ဘာ့အခင်းအကျင်းမှာလည်း အတော့်ကို နှံ့စပ်ကျွမ်းကျင်တဲ့ နိုင်ငံ ဖြစ်ပါတယ်။ ဆိုတော့ အခု မြန်မာပြည်ကို သွားတဲ့ကိစ္စမှာလည်း ကျနော် ယူဆတာကတော့ တဘက်က အာဆီယံရဲ့ အကျိုးစီးပွား၊ သူတို့ရဲ့ အကျိုးစီးပွား ပါသလို တဘက်ကလည်း ကျနော် ထင်တာကတော့ စေတနာကောင်းနဲ့ မြန်မာပြည်ကို ပြုပြင်ပြောင်းလဲဖို့အတွက် တိုက်တွန်းတာလို့တော့ ကျနော် ယူဆပါတယ်။”

မြန်မာ့အရေး သုံးသပ်သူ ဦးအောင်သူငြိမ်း ပြောခဲ့တာပါ။

Rest of your post

ဆက်ဖတ်မယ်ဆိုရင်....

 

Downtamun template | DOWNTAMUN