ဒေါ်အောင်ဆန်းစုကြည် သတင်း ရန်ကုန်တွင် ပိုမိုစိတ်ဝင်စားနေ

ဒေါ်အောင်ဆန်းစုကြည် သတင်း ရန်ကုန်တွင် ပိုမိုစိတ်ဝင်စားနေ
Thursday, 21 May 2009 17:27 အောင်သက်ဝိုင်း
ဒေါ်အောင်ဆန်းစုကြည်ကို အင်းစိန်ထောင် အထူးတရားရုံးတွင် သီးသန့်ရုံးထုတ် စစ်ဆေးနေရာမှ ယမန်နေ့တွင် မြန်မာနိုင်ငံဆိုင်ရာ နိုင်ငံခြား သံတမန်များ၊ ပြည်တွင်း ပြည်ပ သတင်းထောက်များကို ၀င်ရောက်ခွင့်ပြုသည့် သတင်း ကို ရေဒီယိုနှင့် ရုပ်မြင်သံကြားတွင် တွေ့မြင်ကြားသိရသောကြောင့် ရန်ကုန်မြို့ခံများအကြား ပိုမို စိတ်ဝင်စားနေ ကြပြီး ဒေါ်အောင်ဆန်းစုကြည် လွတ်မြောက်ရေးအတွက် လိုလားနေကြကြောင်း သိရှိရသည်။

ဒေါ်အောင်ဆန်းစုကြည် အမှုကို ၂ ရက်ကြာသည်အထိ တခါးပိတ် စစ်ဆေးခဲ့သည့်အတွက် မတရားမှုများ ပေါ်ပေါက်မည်ကိုစိုးရိမ်ခဲ့ကြသော်လည်း သံတမန်များနှင့် သတင်းထောက်များကို တရားခွင်သို့ ၀င်ရောက်ခွင့်ပြု ခြင်းကြောင့် စစ်အစိုးရအနေနှင့် မသမာသောနည်းလမ်းများကို အသုံးပြုရန်အခက်အခဲဖြစ်နိုင်သည်ဟု ရန်ကုန် မြို့ခံများက သုံးသပ်နေကြသည်။

ရန်ကုန် လမ်းမတော်မြို့နယ်မှ လူငယ် စီးပွားရေးသမား တဦးက“အာဆီယံ၊ အီးယူ၊ ကုလသမဂ္ဂ၊ အမေရိကန် တွေနဲ့ နိုင်ငံတကာဖိအားတွေကြောင့် အစိုးရက ဒီလိုသံတမန်တွေ၊ သတင်းထောက်တွေကို ၀င်ခွင့်ပြုတယ်လို့ ထင်တယ်၊ သတင်းထောက်နဲ့သံတမန်တွေရှိနေရင် အန်တီ့ အမှုကို ကောက်ကျစ်တဲ့နည်းလမ်းသုံးပြီး ဒုက္ခပေးဖို့ ခက်သွားမယ်၊ သံတမန်နဲ့သတင်းထောက်တွေမြင်ရင် အန်တီလည်း အားတက်တာပေါ့”ဟု ပြောသည်။

ယမန်နေ့ ညပိုင်း ပြည်ပအခြေစိုက် မြန်မာအသံလွှင့်ဌာနများဖြစ်သည့် ဘီဘီစီ၊ ဗီအိုအေ၊ အာအက်ဖ်အေ အပါ အ၀င် အသံလွှင့်ဌာနများက ဒေါ်အောင်ဆန်းစုကြည်အမှုစစ်ဆေးစဉ် သံတမန်များနှင့် သတင်းထောက်များ ၀င်ရောက်ခွင့်ပြုခဲ့သည်ဆိုသော သတင်းကိုထုတ်လွှင့်ကြရာ ယနေ့မနက်ပိုင်းတွင် ရန်ကုန်မြို့တ၀န်းရှိ လက်ဖက် ရည်ဆိုင်များ၊ လိုင်းကားများပေါ်တွင် အဆိုပါသတင်းကို လက်ဆင့်ကမ်းမျှဝေကြကြောင်း သိရှိရသည်။

စစ်အစိုးရပိုင် မြန်မာ့အသံနှင့်ရုပ်မြင်သံကြားကလည်း မေလ ၂၀ ရက်နေ့က ဒေါ်အောင်ဆန်းစုကြည်နှင့် မြန်မာ နိုင်ငံဆိုင်ရာ သံတမန်တချို့တို့ တွေ့ဆုံပုံကို ထုတ်လွှင့်ပြသခဲ့ရာ ကျန်းမာရေးကောင်းမွန်ပုံရသော်လည်း ပိန်လှီ နွမ်းနယ်နေသော ဒေါ်အောင်ဆန်းစုကြည်၏ရုပ်ပုံကို တွေ့မြင်ခဲ့ရသည့်အတွက် ပြည်သူအများစုက စိတ်မချမ်း သာဖြစ်နေကြကြောင်းလည်း ရန်ကုန်မြို့ခံများထံမှ စုံစမ်းသိရှိရသည်။

“သမီး စု ရဲ့ပါးလေးတွေက ချိုင့်ဝင်ပြီး မျက်နှာက တအားနွမ်းနေတယ်၊ စိတ်မကောင်းဘူး၊ တချိန်တုန်းက ကိုယ် လိုလို လားလား မဲပေးခဲ့ရတဲ့ခေါင်းဆောင်တယောက် ဒီလိုဖြစ်နေတာကိုမြင်ရတာ ရင်ထဲဝမ်းနည်းတယ်”ဟု မြန်မာ့ ရုပ်မြင်သံကြားမှ ဒေါ်အောင်ဆန်းစုကြည် ရုပ်ပုံတွေ့မြင်ခဲ့ရသော ရန်ကုန်မြို့မှ အသက် ၇၉ နှစ်ရှိ အမယ် အို တဦးက ဆိုသည်။

မေလ၂၀ ရက် နေ့လယ်ပိုင်းက အင်းစိန်ထောင်အတွင်းသို့ သံရုံးကားများ ၀င်ရောက်ခဲ့သည့် အဆိုပါ သတင်းကို ကြားသိကြသော ရန်ကုန် စီးပွားရေးအသိုင်းအ၀န်း၊ အစိုးရအရာရှိများ၊ ဌာနဆိုင်ရာဝန်ထမ်းများနှင့် သတင်း မီဒီ ယာ အသိုင်းအ၀န်းများအကြားတွင် မိုဘိုင်းဖုန်းများဖြင့် ဆက်သွယ်ပြောဆိုခြင်း ၊ SMS သတင်းတို ပေးပို့ခြင်းများ ဖြင့် တဆင့်ပြန်လည်မျှဝေမှုများ ပြုလုပ်ကြကြောင်းလည်း သတင်းရရှိသည်။

“မနေ့က နေ့လယ် ၁ နာရီကျော်လောက် ကျနော့် မိုဘိုင်းလ်ဖုန်းထဲကို မက်ဆေ့ခ်ျ တခုဝင်လာတယ်၊ အင်းစိန် ထောင်ထဲကို သံရုံးကားတွေဝင်နေတယ် ဆိုပြီး အင်းစိန်က သူငယ်ချင်းက ပို့တာ၊ အဲဒါ ကျနော်လည်း နီးစပ်ရာ သူငယ်ချင်းတွေဆီ ဖော်ဝဒ် ( Forward ) လုပ်ပေးလိုက်တယ်”ဟုဘုရင့်နောင်ပွဲရုံတန်းမှ ဆန်ပွဲရုံပိုင်ရှင် တဦးက ပြောသည်။

ဒေါ်အောင်ဆန်းစုကြည် တရားစွဲခံရခြင်းနှင့် ပတ်သက်ပြီး ရန်ကုန်စီးပွားရေးအသိုင်းအ၀န်းကြားတွင် အလွန်စိတ် ၀င်စားနေပြီး ယင်းသို့စိတ်ဝင်စားခြင်းမှာ လုပ်ငန်းများ ဆက်လက်လည်ပတ်ရမည့် အခြေအနေ၊ နိုင်ငံရေး မတည်ငြိမ်မှု အခြေအနေ၊ ကုန်စည်ဈေးနှုန်းအတက်အကျအခြေအနေများနှင့် ဆက်နွယ်နေခြင်းကြောင့် ဖြစ်ကြောင်း သိရသည်။

ယမန်နေ့က မြန်မာနိုင်ငံဆိုင်ရာ စင်ကာပူသံအမတ်ကြီးနှင့်တွေ့ဆုံအပြီး စင်ကာပူနိုင်ငံခြားရေး ၀န်ကြီးဌာနက ထုတ်ပြန်သော ကြေညာချက်တွင် ဒေါ်အောင်ဆန်းစုကြည်က အမျိုးသားပြန်လည်သင့်မြတ်ရေး အတွက် အခွင့် အလမ်းများရှိနေဆဲဖြစ်ကြောင်း ပြောဆိုသည်ဟု သတင်းများတွင် ဖော်ပြထားသည်။

ပြည်တွင်းသတင်းထောက်တဦးက“နိုင်ငံတကာအသိုင်းအ၀န်းက ဒေါ်စု ပြန်လည် လွတ်မြောက်တဲ့အထိ၊ အမျိုး သားပြန်လည်ရင်ကြားစေ့ရေး ဖြစ်တဲ့အထိ၊ စစ်မှန်တဲ့ ဒီမိုကရေစီပေါ်ပေါက်တဲ့အထိ ဖိအားတွေဆက်ပေးဖို့၊ အပြောင်းအလဲတွေဖြစ်တဲ့အထိ လုံခြုံရေးကောင်စီက ဖိအားပေးအရေးယူဖို့ လိုပါတယ်”ဟု ပြောဆိုသည်။

၎င်း၏ နေအိမ်သို့ ယခုလဆန်းက တိတ်တဆိတ် ၀င်ရောက်လာသော အမေရိကန်လူမျိုး ဂျွန် ၀ီလျံ ယက်ထော ဆိုသူအမှုနှင့်ပတ်သက်ပြီး အာဏာပိုင်များက ၁၄ ရက်နေ့ နံနက်ပိုင်းတွင် အကျယ်ချုပ်ထားရာနေအိမ်မှ ဒေါ်အောင်ဆန်းစုကြည်အား အင်းစိန်အကျဉ်းထောင်သို့ ခေါ်ဆောင်၍ ပုဒ်မ၂၂ ဖြင့် တရားစွဲဆိုလိုက်ပြီး မေလ ၁၈ ရက်နေ့တွင် အမှုရင်ဆိုင်ရန် ရက်ချိန်းပေးလိုက်ခြင်းဖြစ်သည်။

ဒေါ်အောင်ဆန်းစုကြည်သည် ပုဒ်မ ၂၂ အရ ပြစ်မှု ထင်ရှားပါက ထောင်ဒဏ် ၃ နှစ်မှ ၅ နှစ်အထိ ကျခံရနိုင် ကြောင်း သိရသည်။

အဆိုပါ ဂျွန် ၀ီလျံ ယက်ထော(Mr. John William Yettaw)သည် အင်းလျားကန်စောင်းရှိ ဒေါ်အောင်ဆန်း စုကြည် ၏ နေအိမ်သို့ ရေကူး၍သွားရောက်ကာ မေလ ၃ ရက် မှ ၅ ရက်နေ့အထိ ၃ ရက်ကြာနေထိုင်ခဲ့ပြီး မေလ ၆ ရက် နေ့တွင် အင်းလျားကန် အတွင်း ၌ ၎င်းအား တွေ့ရှိရသဖြင့် ဖမ်းဆီးခဲ့ကြောင်း မေလ ၇ ရက်နေ့ထုတ် စစ်အစိုးရ သတင်းစာများတွင် ဖော်ပြထားသည်။

Rest of your post