ပါးစပ်ပိတ်ထား

NEJ / ၃ ဇွန် ၂၀၀၉
ဓနုတ်စေတီတော်ကြီးပြိုကျစဉ်က အသက်မသေဘဲ ကျန်ခဲ့သည့် ဒလအခြေစိုက် အမှတ် (၃၆) ရေယာဉ်အုပ်စု တပ်မတော်(ရေ) မှ တပ်သားများကို စေတီတော်ပရ၀ဏ်အတွင်းမှအပ မည်သည့်နေရာကိုမှ သွားခွင့်မပေးကြောင်း အသက်ဘေးမှ လွတ်မြောက်လာသူ တပ်သားတဦးက ပြောသည်။

စေတီပြိုကျသည့်နေ့တွင် အဆိုပါ ရေယာဉ်အုပ်စုမှ တပ်သား (၅၀) ကျော် လုပ်အားပေးနေကြပြီး အများစုမှာ အထက်ပစ္စယံရှိ ၀ါးငြမ်းပေါ်တွင် ရှိနေကြကြောင်း ၎င်းက ပြောသည်။

“စဖြစ်တော့ ကျနော်နဲ့ ကျနော့်သူငယ်ချင်း (၅) ယောက်က အပေါ်ပိုင်း စိန်ဖူးတော်နားမှာ ရှိနေကြတယ်၊ ရွှေပြားကပ်မှာမို့လို့ အချောကိုင်နေတဲ့နေရာမှာ ဘုရားကြီးအတွက် ကူလုပ်ပေးနေတာပါ၊ လက်ပတ်နာရီမပါ လာတဲ့အတွက် ဘယ်အချိန်ဆိုတာ တိတိကျကျမပြောတတ်ပေမယ့် ညနေစောင်းနေပြီ။ (၃) နာရီ မထိုးခင်လောက် ဖြစ်မယ်ဗျ၊ ဘုရားက သိမ့်ကနဲလှုပ်ရမ်းသွားတယ်။ စိန်ဖူးတော်လျှောပြီး ပြုတ်ကျလာတယ်၊ ၀ါးငြမ်းတွေ ပြိုကျလာတယ်၊ ဘုရား စပြီးတော့ပြိုတာ အလယ်ပစ္စယံက ပြိုတယ်လို့ ကျနော် မှတ်ယူလိုက်တယ်၊ ဘာလို့လဲဆိုတော့ အောက်ကို နိမ့်ဆင်းပြီးတော့ လျှောကျသွားတာကိုး၊ အပေါ်ပိုင်းက စပြိုတာ မဟုတ်ဘူး၊ ဒါနဲ့  ကျနော်တို့လည်း ဥာဏ်မီသလောက် ၀ါးငြမ်းတွေကို ချောတိုင် ကိုင်သလိုကိုင်ပြီး အလိုက်သင့် လျှောဆင်းပါလာခဲ့တာ၊ ကံတော်တော် ကောင်းတယ်၊ မှဲ့တပေါက်တောင်မစွန်းဘူးဗျာ၊ အပေါ်ပိုင်းမှာရှိနေသူတွေက အခြေအနေ မဆိုးကြဘူး၊ အလယ်ပစ္စယံမှာ ရှိနေသူတွေ ဆိုးတာ” ဟု ၎င်းက ရှင်းပြသည်။

၎င်းတို့အား ဘုရားစေတီတော် အ၀င်ဝ မုဒ်ဦးထိ ထွက်ခွင့်မပေးဘဲ ဘုရားကို ကာရံထားသော အုတ်တံတိုင်းပတ်လည် အနီးတွင်သာ နအဖတာဝန်ရှိသူများက သွားလာခွင့် ပေးထားကြောင်း သိရသည်။

“ကျနော်တို့ဘ၀မှာ ဒီလိုအဖြစ်ကို မကြုံဖူးတော့ ထိတ်လန့်မိတယ်၊ အိမ်ကို ပြန်ချင်တယ်၊ ဒါပေမယ့် ပေးမပြန်သေး တာ” ဟု ကိုယ်တွေ့ကြုံခဲ့ရသည့် အဆိုပါ တပ်သားက ပြောသည်။

ဧရာဝတီရေတပ်စခန်းဌာနချုပ်က လုပ်အားပေးတွင် ပါဝင်ခဲ့သော အခြားတပ်သားများကို မိခင်တပ်ရင်းများသို့  နေ့တွင်းချင်း ပို့ပေးခဲ့ကြောင်း သိရသည်။

“ကျနော်တို့ကျတော့ ပြန်ခွင့်မပေးဘူး ဆိုတာ သတင်းတွေကို လာမေးကြမှာစိုးလို့  ဖြစ်နိုင်ပါတယ်၊ လူမှုရေးအရ လူအချင်းချင်း သေကံမရောက် သက်မပျောက်ခဲ့တဲ့ အဖြစ်ကို လူတိုင်းက သိချင်ကြမှာပဲ၊ လူတွေက လာမေးကြ တယ်၊ ကျနော်တို့ကလည်း ပြောပြတယ်လေ၊ ဒါ့ကြောင့် ပေးမလွှတ်တာ ဖြစ်နိုင်ပါတယ်” ဟု အသက်ဘေးမှ လွတ်ခဲ့သူ ရေတပ်သားက ပြောသည်။

ထိုသို့ အပြင်ကိုမထွက်ကြရန် တားမြစ်ခံထားရသော ရေတပ်သားမှာ (၁၀) ဦးထက် မနည်းကြောင်း၊ တယောက် ယောက်နှင့် စကားပြောနေသည်ကိုတွေ့ပါကလည်း ချက်ချင်းလက်ရိပ်ပြ၍ တားမြစ်ကြောင်း ၎င်းတို့က ပြောသည်။

Rest of your post